Daniyɛl 1:1 - Ghena ta Shala

¹ Ma mbe kwa mahekene ta va ta Zhowakim, meghe nya mbe Zhəwda mbe meghe ne, pa Nabəkodonozor, meghe nya mbe Babilone se kahave nda mpa ke Zhɛrəzalɛm.

Daniyɛl 1:1 Iomraidhean Croise

2 Ka Meghea Kɛfi 23:36

Va ta Zhowakim bakemsə mcɛfeghəmbe nda kelete meghe ŋkɛ. Va meŋe kwetɛŋeghəmbe menete ŋkɛ mbe meghe mbe Zhɛrəzalɛm. Zɛbəwda sləa meghekɛ, wəzha ta Pedaya, nde Rəwma.

2 Ka Meghea Kɛfi 24:13

Kala nya gezete Mahwətə kaghate ne, pa Nabəkodonozor fəmte wəshi nyi mbe ghɛa Shala le yɛ nyi ki ghɛa meghe, pa ŋkɛ mpəmte wəshi mze kwa tere tere nyi vɛsəte meghe Salomon kezha mene slene le hɛ mbe ghɛa Shala.

Ɛzayi 39:7

Katefə hwelefefia ŋa, ŋwale nyi ketesawa mbe gha mbeli. Katenza hɛ kaka tsewe tsewe nyi ki ghɛa meghea ka Babilone.›»

Zhɛrɛmi 25:1

Te kwa wəfaɗe ta va ta Zhowakim, wəzege ta Zhoziyas, meghea ka Zhəwda te meghe ne, pa ghena ta Mahwətə gezeke nda geva ke Zhɛrɛmi te ghəa ka Zhəwda pɛtɛ. Va shɛ ya kakwa ghate ta va ta Nabəkodonozor, meghea ka Babilone te meghe.

Zhɛrɛmi 35:1

Ma ke ghena ta Mahwətə kegezeke nda geva ke Zhɛrɛmi, te vəa Zhowakim, wəzege ta Zhoziyas, meghea ka Zhəwda:

Zhɛrɛmi 35:11

Ama vəa ŋkwa nya have nda mpa Nabəkodonozor, meghea ka Babilone ke hɛɗi nya ne, pa ghen'yɛ tarete kadzembe Zhɛrəzalɛm kezha mbele va ka sewajɛa ka Babilone ba'a ŋa ka Siri. Ma vəa ŋkwa shɛ, ntishɛ ghen'yɛ mbe Zhɛrəzalɛm.»

Zhɛrɛmi 36:1

Ma te kwa wəfaɗe ta va ta Zhowakim, wəzege ta Zhoziyas, meghea ka Zhəwda te meghe ne, ma ke ghena ta Mahwətə gezeke nda geva ke Zhɛrɛmi:

Zhɛrɛmi 45:1

Ghena nya geze nda nde mɛ ŋkwa Zhɛrɛmi ke Barək, wəzege ta Nɛriya, kwa rafe ghena shɛhɛ Barək kadzete palepa vəa ŋkwa nya geze nda hɛ Zhɛrɛmi, te kwa wəfaɗe ta va ta Zhowakim, wəzege ta Zhoziyas, meghea ka Zhəwda:

Zhɛrɛmi 50:1

Wa nya ghena nya geze Mahwətə te ghəa Babilone nya te hɛɗia ka Kaldɛ laka nde mɛ ŋkwa Zhɛrɛmi nya:

Zhɛrɛmi 52:12

Te kwa meŋe meslighəmbe ta va ta Nabəkodonozor mbe meghe, le hɛ meŋe mbe tere kwa mcɛfe ne, shilimə Nebəwzaradan mbe Zhɛrəzalɛm. Gheŋkɛ ya te ghəa ka sewajɛ nyi keya meghea ka Babilone, kwete ŋkɛ hwa mbelia jama nyi yite.

Zhɛrɛmi 52:28

Wa nya ɓela ta mbeli nyi fəhwe Nabəkodonozor mbe va kwa mberefaŋe ta ŋkɛ te meghe: ka Zhəwda 3.023.

Daniyɛl 5:13

Tagha gɛ, pa mbeli keleghe Daniyɛl kadzeki sha meghe. Laŋe meghe te ghena, ma ke shɛ: «Gha ya kaDaniyɛl, nde Zhəwif nya keleke meghe, yiteyɛ ɗa, se mbe Zhəwda na?