ZOZUWE 9:7 - Bible en langue guiziga

⁷ Israyeley a mbiɗaka da mizli Hivi tayna tuwa: «Asinta, kum i midigwi ndrahay kwani? I ɗiyam ɓi ngi jumomˀay ati kumo mbri mbrike?»

ZOZUWE 9:7 Iomraidhean Croise

ZLI VIRZI 10:17

Hivihey, Arkihey, Sinihey,

ZLI VIRZI 34:2

Sikem, mangal ngi Hamor, mbur Hevit, buy ngi hirwuy nah vuna, a pura Dina tuwa, a ja, ara hin di ti gidaŋ.

SAMUYEL MUCUW NAŊ 24:7

A cam ar walahay migidaŋ angi hirwuy Tir, waɗ ar walahay ngi Hivihey ati ngi Kanaˀanay gar. Akẽh na, a ram nga Berseba, kini tir vay ngi ruwuy Zuda.

BI NGI ISRAYELEY 23:22

Da ki ra cinakaŋ mi, ki ra gaka gwat ya maɓukum di gar na, yi sa tiri mesene ngi mesene ɗikey, mbur ɗik ta na, yi mbur naŋ ta ya.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

BI NGI ISRAYELEY 34:12

Jam lesl, mizli kum masa cam nga hirwuy taŋ gar na, ki jumom ati taŋ ta, naɓa a sa tiri i kwar avu kumo.

SLUFA VU 33:52

mizli ngisi ruwuy tayna, kisa ɓulaka taŋ a mbuŋ kumo avra gar, gwat miciɗa ngi ɗuguroy gar malla ɓiri mipa ti pihey gar na, kisa wahaka taŋ avra, yo kisa susuyumoko li miɗingir ngi gi kuli taŋhaya gar.

Slu cuw 20:16

Amma da i walahay Bumbulvuŋ Buymisemuŋ kumo muvulukum di na, kisa pulam mbur pal le ti siifa ta.

ZOZUWE 11:19

Mbak Hivihey misi angi hirwuy Gabaˀoŋ na le na, ko hirwuy mekelem mislam ˀay kiri ati Israyeley na, anta mata. Walahay mekelemey gar na, Israyeley a tiɓaka taŋ le ti vurum.

ZOZUWE 9:1

Gwatay migam a Ay gar na, ɓi naŋ a ndil le a slimiɗ buy ngi dubazaw Zurdeŋ vay muwãhaya cek, ngi ruwuy muzugudum, ngi ˀayzaw Mubuliy Madiɗa, hã sesẽŋ gweˀ avu Libaŋ. Dar mizli Hitihey, Amorihey, Kanaˀanay, Perisihey, Hivihey, waɗ Zebusiheye ma gar na,

MIGI KIITAHAY 2:2

yo kumo kwana, ko ki ɗiyam ɓi ngi jumoˀay ati mizli ngi ruwuy hana ta, kisa putukusoko li gi mikuli taŋhaya.› Amma ko ki cinikiy mi ta, ki gam hana i gwat mike?

MIGI KIITAHAY 3:3

Mizli, Buymisemuŋ mupula taŋ asi ruwuyo, t'ani: buy Filisti mihimaˀhay zlum, Kanaˀanay gar, Sidoŋhoy waɗ Hivihey micifa ngi muwã Libaŋhay, zle a muwã Baˀal-Hermoŋ hã sesẽŋ a Lebo-Hamat.