ZOZUWE 9:4 - Bible en langue guiziga

⁴ Taŋ a zlaka na, a gam wer avu Israyeleye: a mbiɗaka gwat ngi vu vu taŋhaya, a juwam kayawa magalahay a duba zungu taŋhaya, kwenekwene mihiryahay, mislinahay, yo muɗuva ti ɗuvoy.

ZOZUWE 9:4 Iomraidhean Croise

ZLI VIRZI 34:13

Ziri ngi Zakopoy a mbiɗaka da Sikem ati cine naŋ Hamoro ti wer, asi Sikem a ga gwat ngi mesem le da sukum taŋ Dina.

DIMISEY 119:83

Y'ani kutukpok kaɓa kwenekwene muˀulo, amma i puyuk hirnga ti gwat ka mawuɗo ta.

Matiye 10:16

«Ani i ra slinukum ka tumuŋhoy a wuzla kiriɓuhoy. Gam wer kaɓa kaway, ndiram ti mevel ngi ziri memeɗehey ka gonokoy.

Matiye 9:17

Anta zlurom mbaazla mideɗek ar kwenekwene magalahay ta, asi kwenekwenehey a sa nduzom, mbaazla a ɓul, kwenekwenehey kwana, a sa hiryam. Zuwen a zluroko mbaazla mideɗeke angi kwenekwene nawayahay, kanah na gwat mahiryi purla asi taŋ anta.»

Mark 2:22

Mbur anta zlur mbaazla mideɗek ng'ar kwenekwene magalahaya ta. Asi mbaazla a sa nduzo kwenekweneheye, naɓa kwenekwenehey ati mbaazla, cuw taŋ gar a hiryam le. Amma a zluroko mbaazla mideɗeke ng'ar kwenekwene nawayahay.»

Ɓimezle ngi Yesu Kristu LUK mitil di mi 16:8

Joˀ buy ngi hay a ngil wuy ti mbur miji zlili migaŋ gilaw tuwa, asi naŋ migi slra ti wer. Naŋ kine, mizli ngi duniyahay a gam slra ti wer haɗi avu cil taŋhaya, fineˀ mizli ngir li minjahha.»

ZOZUWE 9:12

Puraka ɗaf ndraˀahaya ɗi: Tapas ndra muboko a hay ndrahay, ɓa i soko nga ji hirnga ti kum na, taŋ ti vu culok culok kine zleˀe aruŋ. Amma ani wurenna, a muˀulom le, yo i mingilahay meɗ meɗ ma.

ZOZUWE 9:13

Kwenekwene ndra hanayna, ndra munohoko taŋ ti mbaazla zleˀe na, i manawayahay kine zleˀe aruŋ, amma ani a ngiram le. Zana ndrahay ati tarak ngi sar ndrahay a hiryam le wãˀ, asi jiviɗ mikileŋ tuwa.»

ZOZUWE 9:3

Mizli Gabaˀoŋhoyo gwat Zozuwe miga a Zeriko waɗ a Ay na, taŋ a cinaka ɓi nah le.

ZOZUWE 9:5

A cam tarak mihiryahay le, misi tuf ɓoh ɓoh avu taŋ, yo a kam zana mihiryahay le genjeɓ genjeɓ, yo ɗaf taŋ muwoko di vu ngi zum gar na, i muˀulohoy, mingila pek pek ma.