ZOZUWE 9:10 - Bible en langue guiziga

¹⁰ Gwat naŋ miga da buy Amorihey mucuw misi ti dubazaw Zurdeŋ: Sihoŋ, buy Heseboŋ ati Ok, buy Basaŋ, micifi a Asetarot na, i cinaka ɓi nah le.

ZOZUWE 9:10 Iomraidhean Croise

ZLI VIRZI 14:5

Angi vi mukuruˀ nga mufaɗ naŋ kwana, Kedor-Laˀomer ati buy mekelemey taŋ mubummoˀ na, a kiɗaka mizli Refayihey a Astarot-Karnayim, yo Zuzihey a Ham, Emihey ar li micay ngi Kiriyatayim,

SLUFA VU 20:14

Moyis a slin mizli zle a Kadese, ɓa ara ɓaka buy madiɗa ngi Edomo na: «Mingiɓi ngi sukum ɗik Israyeley ani: ki si na gwat mutuwaˀhay migam avu ndra na le gar.

Slu cuw 1:4

A gi kahana, a dirba Moyis mipa hirnga da Sihoŋ, buy ngi Amorihey misi a Heseboŋ, waɗ da Edreyi-Ok, buy ngi Basaŋ misi a Hasetarot.

Slu cuw 2:30

Amma Sihoŋ, buy ngi Heseboŋ, a pula ndra ɓa i bam ti ngi hirwuy naŋ ta. Asi mike na, Bumbulvuŋ Buymisemuŋ kum, a ga ɓa wuluk naŋ a mbiɗi ta, yo ɓa hirnga naŋ a tiri gidaŋ, asi a wuɗ a vulukum di tapasa asi haŋ kum.

ZOZUWE 12:4

Buy mekeleme i Ok, buy Basaŋ, mbur mindir ngi wuzla mizli Refayay. Naŋ a Asetarot waɗ a Edreyi.

ZOZUWE 13:31

Reta ngi hirwuy Galaˀata, walahayay ngi ruwuy Asetarot ati ngi Edreyi, walahayay ngisi ruwuy Basaŋ, buy Ok mazum buy angi taŋ angi taŋ gar. Hirwuy tayna gar na, i ngi reta ngi dideˀ ngi Makirey muvulaka taŋ di vur muyo vur muyo, Makir mangal ngi Manase.

ZOZUWE 2:10

Asi mike na, ti di kum muboko ti ruwuy Ezipte na, Bumbulvuŋ a hisika yam ngi mubuliy lavaɗa hisik a mbuŋ kumo. Yo gwat kum migaka a dubazaw Zurdeŋ da buy madiɗa ngi Amorihey mucuw, Sihoŋ ati Ok, kum mingizlaka taŋ kap wãˀ na, i cinaka ɓi nah le gar.

ZOZUWE 2:9

Joˀ a ɓa mizli tayna tuwa: «I si na le, Bumbulvuŋ a vulukum hirwuyo le da kum. Zluwun ara ga ndra ti kum haɗa wãˀ, hã mizli ngisi hirwuy ndra gar, ara jijikam ngbaˀ ngbaˀ ti kumo.

ZOZUWE 9:11

Mizli micawwa ndrahay ati mizli ngisi hirwuy ndrahay gar, a ɓam ndra na: ‹Wuɗam gwat ngi zum a jiviɗe, yo ara jam ti taŋ hirnga, kisa ɓaka taŋ na: Ndr'i gawla kumoy.› Wurenna, jumom ˀay ati ndra.

ZOZUWE 9:9

A mbiɗaka da Zozuwe: «Ndra gawla ɗikeye, i soko baɗ ti hirwuy mikileŋ, vur Bumbulvuŋ, Buymisemuŋ ɗik na, slimiɗ naŋ ara zil, yo gwat naŋ miga asi hirwuy Ezipte gar na, i cinaka ɓi nah le.