ZOZUWE 8:4 - Bible en langue guiziga

⁴ Zozuwe a ɓa taŋ ɗaˀ le ani: «Puraka ɗi, ki ra pam hiri ɗum ti duba walahaya, anja zar wãˀ ta ɓula, yo ndiram ɗeŋ ɗeŋ gar kumo.

ZOZUWE 8:4 Iomraidhean Croise

BUYOY MUCUW NAŊ 7:12

Ngi duvuɗo, buy a slikiɗi, a ɓa gawla naŋhaya: «Y'ani ɓukum ɓi ngi juwa vu ngi Sirihey vur ndra na. A sinaka le, ndra, i roko ti may. A bam a pulaka li pi sar taŋ waˀwaˀ, ara ɗumom a duba gala, a ɓam: ‹Israyeley mawuɗam zli ndra ngi kiɗa vu na, da a sa boko le tir walahaya na, i sa jaka taŋ kaw kaw ti siifa, i sa cam ng'ar walahay taŋ.›»

ƁI NGI HINEY MUCUW NAŊ 13:13

Zeroboˀam a slin ti sojehey weˀ vu gun ti dirba taŋ: Israyeleye taŋ tumbuŋ Zuda, yo soje muwam vu weˀ tuwa ti dirba taŋ.

TILA MI 7:19

Sinmijileŋ a tiri ti mbur misi sinmijileŋ gidaŋ haɗa, fineˀ buy miwi lihey kuruˀ misi angi walahay purla.

TILA MI 9:16

Dar yi ɓi a kwacay ɗu: sinmijileŋ i gwat mupuɗaw, fineˀ gidaŋ, amma a puraka sinmijileŋ ngi mbur misi viya hiris le ɓula, yo mbur macina mingiɓi naŋ anta.

SLRA 23:21

wãˀ naŋ na, anja ki cine taŋ di ta. Mizli fineˀ kukur mufaɗa, a wam vu le weˀ. A hudumom le, a ɓam: ‹I zumam gwat ta, i sam gwat ta, sey da i kiɗaka Polo le vagay ɗagay far.› Taŋ a wam vu le zlezle si, a kutukom na, ɓa ki zil mi.»

ZOZUWE 8:16

A tilaka mi da mizli ngir walahay Aya gar, a gidiɗaka taŋ. A sipaka ti Zozuwe tuwa, hã Israyeley a ram ti taŋ kileŋ avu walahaya.

ZOZUWE 8:3

Akẽh na, Zozuwe a slikiɗam ati mizli naŋ ngi vurumoyo ɓa ara zlaka kiɗa vu ati walahay Aya. Zozuwe a wini mizli durmuk kukur makir, mizli miwirwir ngi vurumoy, dar a slina taŋ ngi duvuɗu.

MIGI KIITAHAY 20:29

Mizli Israyeley a ɗumom sojehey ɗum ɗum gun hirnga ngi Gibeya.

MIGI KIITAHAY 20:33

Mizli Israyeley gar a pulaka li taŋ misi zleˀe, ara ndaham ndah ndah ngi kiɗa vu a Baˀal-Tamar. Naɓa Israyeley muɗum ɗum tuwa, a boko tir li ɗum taŋ, a ndilam vu kuvbum ar hĩhĩy ngi Gibeyahaya.

MIGI KIITAHAY 20:36

Mizli Benjameŋhey a puraka keɗ keɗ na, Israyeley ara kiɗaka taŋ. Israyeley a pulaka taŋ le mbak, asi ara njaham hiri ar mizli taŋ mupulaka taŋ ɗum ɗum gun Gibeya tuwa.

MIGI KIITAHAY 9:25

Mizli Sikemey a pam mizli sek a hirnga muwãhay, ngi pa hiri da Abimeleke. Mizli macohom a ciki taŋ gar na, a tiɓaka taŋ gwataya, ara ɓaka ɓi naŋ da Abimeleke.

MIGI KIITAHAY 9:32

Wurenna, slikiɗ ti duvuɗ dana ati mizli ngisi kahaya, ara ɗumom ɗum ɗum a ɓuh.

SAMUYEL MUDUMBUŊ NAŊ 15:2

Naŋ kine, Buymisemuŋ misi gidaŋ wãˀ, a ɓi anihĩ: Israyeleye, ti di taŋ muboko ti Ezipte, gwat Amalekey migaka taŋ di, taŋ mitikaka jiviɗ a mbuŋ taŋ na, y'anta pula ɓi nah teˀ ta, sey i kutataŋ.

SAMUYEL MUDUMBUŊ NAŊ 15:5

Sawul mindil ti taŋ gweˀ avu walahay Amalek na, a wam vu weˀ angi zlazlar mubo tir futuŋ.