ZOZUWE 8:2 - Bible en langue guiziga

² Ki sa gi ti walahay Ay ati buy ngi raˀa, kaɓa ka migi ti walahay Zeriko ati buy ngi raˀa na ya. Amma so na, zlili ati gineweye gar na, kisa hilaka taŋ da kum, kaɓa gwat ngi lum ngir vurum. Pi soje mipi hirihey sek ɗum ti duba walahaya.»

ZOZUWE 8:2 Iomraidhean Croise

ƁI NGI HINEY MUCUW NAŊ 13:13

Zeroboˀam a slin ti sojehey weˀ vu gun ti dirba taŋ: Israyeleye taŋ tumbuŋ Zuda, yo soje muwam vu weˀ tuwa ti dirba taŋ.

ƁI NGI HINEY MUCUW NAŊ 20:22

Hirak ti mizli dimisey mizlaka ji salalay ngi hunuma vu na, Bumbulvuŋ a so ti wunkaˀay ar wala ngi Amoŋhoy ati Moˀapay waɗ Edomoy musoko nga kiɗa vu ati Zudahay tuwa, dar a zlaka kiɗa vu ar wala taŋ.

DIMISEY 39:6

Pura, ki vuliy hine, haŋ taˀ purla si, zik ɗu a ruwuyo, avu ka naŋ kaɓa i gwat wãˀ ta. Haˀaw, mbur muro deŋ kuy kuy gar na, i himiɗ ngataraŋ!

MIKUCUWULOY 13:22

Mbur mezle a sa pula zlili naŋ da dideˀ naŋhay, amma zlili ngi mbur migi mungra, a wam di vu da mbur mijeŋŋe.

MIKUCUWULOY 28:20

Mbur mikaslsla na, a sa ɗuwulakaŋ mi, amma mbur mawuɗ gi zlili kutum si na, naŋ anta sa ndir manja kuti ti bonoyo ta.

ZEREMI 17:11

Mbur magi zlili ti jiviɗ mikaslsla ta na, naŋ kaɓa kucukur mahuruk ar tesl naŋ mika ta: zlili nah na, a kisaŋ kassa wurasl hin ngi siifa naŋ si, a sa pulaŋ junjuluf, angi kiɗa mi ngi siifa naŋ na, a sa ndir gilaw kiɗifir lambaˀ.

ZEREMI 51:12

Gwat mabiga kiɗa vu na, ng'aka kaˀ a ciki mohol ngi Babiloŋ, hilam mizli mijigina hayay ava. pam mijigina lihey sek seke, pam mizli a wam vu. Haˀaw, gwat Bumbulvuŋ miɓa vur mizli Babiloŋhoy na, a juwa le kuy kuy a mevele, a gaŋ.

Slu cuw 2:35

I pulam da ndra sey i ginewey ati gwatay misi ar walahay ndra mitiɓaka taŋ da ndra na.

Slu cuw 20:14

Amma ngwasay, ziri waɗ ginewey ati gwat ngir walahaya gar, kisa ndiram taŋ da kum. Ki sa zumaka gwat kum mutuɓoko taŋ avu mesene kumoyo, asi i Bumbulvuŋ Buymisemuŋ kumo muvulukum taŋ.

Slu cuw 3:2

Dar Bumbulvuŋ a ɓiy na: «Ki zluwun di ta, asi i vuluw di le asi haŋ ɗik, naŋ ati soje naŋhay gar waɗ hirwuy naŋ vuna, kisa gi ti taŋ kaɓa ka migi ti Sihoŋ, buy ngi Amorihey misi zleˀe a Heseboŋ na ma.»

ZOZUWE 10:1

Akẽh na, Adoni-Sedek, buy madiɗa ngi Zeruzalem a cine na, Zozuwe a zuma hirwuy Aya le. A ngizla walahaya le cek wãˀ, a gi ti Aya le ati buy naŋ madiɗa kaɓa naŋ migi ti walahay Zeriko ati buy naŋ na ya. Yo ma na, mizli Gabaˀoŋhoy ati Israyeley, a slam ˀay kiri le ar wala taŋ, yo a cifam jom arleˀe vuna si.

ZOZUWE 10:28

Kalla tapas nah vuna si na, Zozuwe a zuma walahay Makeda, a kiɗa buy ati mizli ngi raˀahaya gar, a ngizla taŋ kap ti maslalam, ko a pul mbur loŋ ti siifa ta. A gi ti buy Makeda, kaɓa naŋ migi ti buy Zeriko tuwa ma.

ZOZUWE 11:14

Zlili ati ginew ngir walahay tayna gar na, Israyeley a hilaka taŋ da taŋ kaɓa gwat ngi lum ngi vurum. Amma mbur titira gar na, a kiɗaka ti maslalam, hã a ngizlaka taŋ kap kap wãˀ ɓula. Ko gwat misi titiri pal a pulam ti siifa ta.

ZOZUWE 6:21

Gwat misi ar walahaya gar na, a ngizlaka taŋ kap kap ngi ga dudok da Bumbulvuŋ kap wãˀ, ziley ati ngwasay, gawlahay ati midigilahay, gusoŋhoy, tumuŋhoy waɗ zunguhoyo, a ngumaka taŋ ti maslalam kac kac njeleleŋ.

ZOZUWE 8:12

Zozuwe tuwa, a hil sojehey gwat ngi durmuk zlum, waɗ a ɓa taŋ ɓa a pam hiri ɗum ar wala ngi Betel ati Aya, kini tisi pas ngi Pastaˀ ngi walahaya.

ZOZUWE 8:14

Buy Aya, naŋ mupura kanah na, naŋ ati mizli naŋhay gar, a slikiɗam kutum, a bam nga kiɗa Israyeleye ar mazlaka jiviɗ migweˀ avu wuzlaɓuh mikirɗa kirɗak. Dambalaka soje Israyeley a pam hiri le ti duba walahaya na, buy Ay a si na ta.

ZOZUWE 8:19

Zozuwe misika haŋ sikke si na, soje mipi hirihey tuwa, a boko ɓuyoh tir li ɗum taŋhaya. A kilam, a cam ng'ar walahaya, dar a tiɓaka walahaya. A dirba nah, a ɗuvaka vu div div da hayaya kutum si.

ZOZUWE 8:24

Mizli Israyeley mingizlaka mizli Ayay pay wãˀ a duba gala, a wuzlaɓuh mikirɗak kirɗak, ar li taŋ misipaka taŋ tuwa na, mizli Ay mekelemey mindilam le asi haŋ taŋ gar na, a kiɗaka taŋ ti maslalam, hã a ngizlaka taŋ le pay wãˀ. A dirba nah, Israyeley gar a moko nga Ay a muŋ, a kiɗaka mi ngi mizli mindirama wãˀ ti maslaam.

ZOZUWE 8:3

Akẽh na, Zozuwe a slikiɗam ati mizli naŋ ngi vurumoyo ɓa ara zlaka kiɗa vu ati walahay Aya. Zozuwe a wini mizli durmuk kukur makir, mizli miwirwir ngi vurumoy, dar a slina taŋ ngi duvuɗu.

ZOZUWE 8:7

Akẽh so na, kumo, kisa boko tir li kum mipam hiri tuwa, joˀ kisa tiɓaka walahaya. Asi mike na, Bumbulvuŋ Buymisemuŋ kum, a vula walahaya le asi haŋ kum.

ZOZUWE 8:8

Da kum misa tiɓaka walahaya le na, kisa ɗuvaka vu div div da hayaya, kisa gaka kaɓa Bumbulvuŋ miɓa na. Hana i ɓi ya muɓukum di ɗaˀ le, ɓa kisa gakaŋ.»

ZOZUWE 8:9

Zozuwe a slina taŋ, a ram ng'ar li pi hiri tuwa so. A wam vu ɗum ɗum ar wala ngi Betel ati Ay, kini tisi pas ngi Pastaˀ ngi walahay Ay. Ngi duvuɗ nah na, Zozuwe a hin a wuzla mizli.

ZOZUWE 9:3

Mizli Gabaˀoŋhoyo gwat Zozuwe miga a Zeriko waɗ a Ay na, taŋ a cinaka ɓi nah le.