ZOZUWE 7:6 - Bible en langue guiziga

⁶ Zozuwe ati micawwa ngi wuzla Israyeley a ngiraka zana ngi vu vuhoyo. A pam murɓuk sek sek nga hirnga, a hurkom huruk huruk a mbuŋ akoti ngi Buymisemuŋ, hã pastaˀ.

ZOZUWE 7:6 Iomraidhean Croise

ZLI VIRZI 37:29

Ti Ruben mumo nga mi vigiɗe na, a luuma Zozefe anga mata. A ngira zana naŋhaya,

ZLI VIRZI 37:34

Zakop a ngira zana naŋhaya, a juwa kwacaya wak ti zana ngi vagay, dar a tuwa mangal naŋ hin mbeˀ mbeˀe.

SAMUYEL MUCUW NAŊ 1:11

Akẽh Davit a ja zana naŋhaya, a ngira taŋ. Mizli naŋhaya gar kwana, a gaka kanah ya.

SAMUYEL MUCUW NAŊ 1:12

A tuwam, a gam dalyam, hã pastaˀa. Naŋ kahana taŋ mutuwaka vagay ngi Sawul, ngi Zonataŋ, ngi Israyeley waɗ ngi mizli ngi Bumbulvuŋhay mumicam ar vurumo.

SAMUYEL MUCUW NAŊ 1:2

Ngi hin mimakir naŋ na, mbur gawla a so zle ar li Sawul mipi sar a diga, a ndilawa. Zana ngi vu vuhoy i mingirahay le ngar ngar, yo hirnga, muyuŋ limbirim. Naŋ mindilo ndil a ciki Davite na, a diɗ durus, a huruk huruk a mbuŋ Davite.

SAMUYEL MUCUW NAŊ 12:16

Davit a cufuɗ jini avu Buymisemuŋ vur mangala. Joˀ a zla a gi dalyam, yo naŋ mici le ngi hay naŋ na, ti duvuɗo, a hin ɓaˀ a ruwuy.

SAMUYEL MUCUW NAŊ 13:19

Tamar a hil fucu, a pa a hirnga, a ngira zana naŋ hirnga misilmir tuwa, a pa haŋ sek a hirnga, aru bal ti widi.

SAMUYEL MUCUW NAŊ 13:31

Buy a slikiɗ, a ngira zanahaya, dar a hin a ruwuy. Gawla naŋhaya gar a roko deŋ deŋ yom akẽh, zana mingirahay le puluwar puluwar.

BUYOY MUCUW NAŊ 22:11

Buy tuwa micina mingiɓi ngir ɗerewol ɓimujuwa cin cin na, a ngira zana ngi vu vuhoyo.

ƁI NGI HINEY MUCUW NAŊ 34:19

Buy tuwa micina ɓi ngir ɗerewol ɓimujuwa cin cin na, a ngira zana ngi vu vuhoyo.

ESDRAS 10:1

Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

NEHEMI 9:1

Angi hin kukur cuw nga mufaɗ ngi kiya mitarnaˀ naŋ nah na, Israyeleye, zana ngi vagay ɓaˀ ɓaˀ avu vu, yo hohoy kor kor avu vu, dar a kusom ɓa a gam dalyam.

ESTER 4:1

Mardoke micina ɓi nah cin na, a ngira zana naŋ ngi vu vuhoy avra, a ki zana ngi vagay, waɗ a pi fucu a hirnga. A bi puɗak walahaya bal ti widi kaɗam kaɗam.

ESTER 4:3

Ɓi buy miɓa ati ɓi naŋ ɓi micica tuwa, mindil le angi hirwuy ngi buy miwi lihey cek na, naɓa Yudehey a roko ti tuwuy ngi vagay: a gam dalyam, a tuwam kol kol, a tuwam kaɗam kaɗam, mizli haɗi a hinam ar buh, ar fucu.

Ɗerewol JOP 1:20

Akẽh na, Jop a slikiɗ. A ngira godo naŋ waɗ a hija hirnga. A diɗ mboh a ruwuy, a huruk huruk,

Ɗerewol JOP 2:12

Taŋ mikileŋ aruŋ, a puroko di keɗ na, a sinakaŋ mata. Taŋ kaˀ tuwuy. Mbur gar a ngira godo naŋ, a zliɗaka murɓuko nga muŋ, a po nga hirnga taŋ a muŋ.

Ɗerewol JOP 42:6

Vurˀe, mesem ara giy ti vu ɗu vuna, i ra zil marava ar ɓi ya miɓa zleˀe na, y'ani burfuk burfuk ar murɓuk waɗ ar fucu. BUMBULVUŊ MIƊIYA JOP AMUŊ

TUWUY 2:10

Mizli micawwa ngi Siyoŋ Mimezle, a cifam le joˀ a ruwuy, lek lek, a pam murɓuk a hirnga. A kam zana ngi vagay ɓaˀ ɓaˀ avu vu. Ziri diili Zeruzalemeye, hirnga jik jik a ruwuy.

SLUFA VU 14:6

Zozuwe mangal ngi Nun, waɗ Kalep mangal ngi Yefune, t'ada cuw taŋ a wuzla mizli miram zleˀe nga pura hirwuy tuwaŋ. Joˀ a ngiraka zana taŋhaya ti mevel.

SLUFA VU 16:22

Amma Moyis ati Aroŋ, a hurkom huruk huruk, a ɓam: «Aw Bumbulvuŋ, ka mavul siifa da gwat ka miga gar, vur mbur purla migi mungra ma na, ki ji mevel ar jum ngi mizilehey keɗeɗe vur mike?»

SLRA 14:14

Akẽh na, Pol ati Barnabas micinaka ɓi nah na, a ngiraka zana taŋhaya, a kilam kutum nga wuzla zigiduwo bal ti tila mi,

ZOZUWE 7:7

Zozuwe a ɓi: «Aw! Bumbulvuŋ, Buymisemuŋ, ki tuwuɗo mizaw Zurdeŋ ti mizli hanayna kpak vur mike? Ani ɓa ki vula ndra asi haŋ ngi Amorihey, ɓa a ngizlam ndra sukwa? Da kine na, zuwen zleˀe ndra micifam a dubazaw Zurdeŋ a diga takwa!

ƁIMUNJUYO 18:19

A pam murɓuk a hirnga, a wudam widi ngi vagay: «Kay! Bonoy! Bonoy! Walahay madiɗa! Mizli misi ti palalam madiɗahay ar mubuliy gar, a gam zlili le ti zlili naŋ, ɓa a zizi si na, ar pas purla si!»

MIGI KIITAHAY 11:35

Zefte mupura keɗ na, a ngira zana naŋhaya, a ɓi: «Aw zuŋ ɗu! Ki zuɓiy mendere le, mawuɗ a lumiy mendere na i ka vuna si. Yi lih mi le haɗi a mbuŋ Bumbulvuŋ si, i mo ti mi gu mata.»

MIGI KIITAHAY 20:23

Israyeley a ram, a vam hiipas ar li tuwuy a mbuŋ Bumbulvuŋ hã pastaˀ, a cufuɗaka Bumbulvuŋ: «I kiɗam vu ati sukum ndra Benjameŋhey aruŋ kwa?» Bumbulvuŋ a mbiɗa taŋ di: «Kiɗam vu!»

MIGI KIITAHAY 20:26

Akẽh na, Israyeley keɗeɗe gar, a ram nga Betel, ara tuwam joa mbuŋ Bumbulvuŋ a diga, a gam dalyam hiipas tapasa, hã pastaˀa. A gam mikuli mizlam zlam waɗ mikuli ngi luuma zuy a mbuŋ Bumbulvuŋ.

MIGI KIITAHAY 21:2

Tapasa, mizli a ram nga Betel, a cifam joa diga, a mbuŋ Buymisemuŋ hã pastaˀ. A wudam, a tuwam kaɗam kaɗam.

SAMUYEL MUDUMBUŊ NAŊ 4:12

Ngi hin nah vuna, mbur ada asi sukwi ngi Benjameŋ, a loho tir li kiɗa vu, a kilawa, a ndilo a Silo. Zana mingirahay le, yo hirnga gar i murɓuk.