ZOZUWE 7:26 - Bible en langue guiziga

²⁶ Ɗugur mukuyupakaŋ ti naŋ na, a slikiɗ zikitiŋ a hirnga naŋ, naŋ da hã dana aruŋ. Akẽh na, Bumbulvuŋ a muca mevele misi ka vu na a muŋ so. Taŋ mazilaka li nah, ‹sozo ngi Akor› hã dana na, vurˀe.

ZOZUWE 7:26 Iomraidhean Croise

SAMUYEL MUCUW NAŊ 18:17

A zuɓaka vagay ngi Absalomo, ara hizigaka ng'asi widis mingiriɗ ar vigiɗ madiɗaŋ, waɗ a kusom ɗugur kos kos zikitiŋ a hirnga naŋ. Ar nah na, Israyeley gar a kilam, ko wa gar na, ngi hay naŋ nga hay naŋ.

SAMUYEL MUCUW NAŊ 21:14

Tesl ngi ti sawul ati mangal naŋ Zonataŋ tuwa, a dikaka taŋ a Sela, angi hirwuy Benjameŋ, angi zivi ngi cine naŋ Kis. Gwat, buy muvula ɓi naŋ ngi gi ngi gi gar na, a gaka le. A dirba nah so na, Bumbulvuŋ a vulo zuy asi ruwuyo.

ƁI NGI HINEY MUCUW NAŊ 29:10

Wurenna so na, i wuluk le ngi jumoˀay ati Bumbulvuŋ Buymisemuŋ ngi Israyele, ɓa mevele mufõh fõh ar ndra na, a tisli.

ESDRAS 10:14

Anja buy ndrahay a zuɓaka ɓi nah vur jum ngi mizli gar si, yo mizli Israyeley gar, muzuɓam ngi ngwasaya i ziri mulakay na, hin mislaka taŋ di le na, anja a soko ati mizli micawwa waɗ migi kiita ngir walahay taŋhaya, ngir walahay taŋhaya, hã Buymisemuŋ miji mevel fõh fõh ar ndra na, a tisla mevele.»

DIMISEY 85:4

Ki kiɗa mi ngi zuɓa himaˀ ɗik na le, ki muca mevel ɗik misi ka vu na le.

BI NGI ISRAYELEY 32:12

Da ki ga le kahana na, Eziptehey a sa ɓam: Bumbulvuŋ mibi ti Israyeley ti hirwuy ndra na, a bi ti taŋ ngi moˀore, a wuɗ ɓa ara kiɗa taŋ vagay vagay a ruwuy muwãhay, a ngizla taŋ kuɗup wãˀ asi ruwuyo. Buymisemuŋ ɗu, tisla mevele, pula gi malambaˀ da sukwi ɗike.

EZAYI 40:2

Mizli Zeruzalemeye, ɓaka taŋ ɓi ngi si mevel taŋ, yo tilaka taŋ mi, ɓaka taŋ na: slra taŋ magaka mitakˀay le na, a kiɗ mi le, kuti taŋ ti bonoyo, anta mata, gwat malambaˀ taŋ miga taŋ na, Bumbulvuŋ a wurka taŋ di le makaw cuw.

EZAYI 65:10

Ɓa ngi pula gir da mizli misipi ɗuwoy na, filkiy ngi Saroŋ a sa tiri li zum ngi ˀaw ati tumuŋhoy, yo sozo ngi Akoro, a sa tiri li zum ngi slahay.

TUWUY 3:53

A dikikiy titiri kine si, a kam ɗuguroy risl ng'ar ya.

Ɗerewol OZE 2:15

Hin ngi naŋ mawur taŋ gwat ngi mikulihey da Baˀal na, i sa ɓaŋ ɓa a slufa ɓi nah: Ti di nah, a ɗiyi vu ti dangwa ati gwat ngi wuyahay, aru ti kil asi mangasl naŋhay, na ya so na, a puyuk ti ya hirnga ɓula. I Buymisemuŋ miɓa.

Ɗerewol OZE 2:17

Ar nah so na, i sa maŋ ti guva ngi gudubun naŋ a muŋ, sozo ngi hiryi a Akor, i sa tiri di miviŋ ngi njaha hiri, a sa mahiri ngi gwat ngi gi naŋhay kaɓa ar hin ngi diili naŋ, kaɓa ar hin ngi naŋ mubo ti Ezipte.

ZOWEL 2:13

Ki ngiram di i zana kumoy ta jak, mbiɗaka mevel kumoyo,» yo moko ng'avu Bumbulvuŋ, Buymisemuŋ kum, naŋ ti mevel mezleŋ, yo a pur ircece haɗi, a ji mevel kutum ta, a gi mezle haɗa. malambaˀ naŋ muwuɗ gi naŋ le da mburo na, a wulka a muŋ.

ZOWEL 2:18

Bumbulvuŋ a wuɗ hirwuy naŋ haɗi wãˀ, ara pura ircece da mizli naŋhaya.

ZONAS 1:15

Akẽh so na, mizli tuwa, a zuɓaka Zonasa, a hizigaka ng'ar mubuliye. Neˀ si na, mubuliy anta wus mata, a pula slikiɗ jirif jirife le.

ZAKARI 6:8

Akẽh na, Buymisemuŋ a ziliy, a ɓiy na: «Pilisey maram kini tir vay muŋ na, pura taŋ ɗi, ara pam sar ti ˀUf ɗu angi hirwuy nah.»

SLUFA VU 25:8

A sipa mbur mici ti zuŋ madiyan ng'ar baburum tuwa, a cika taŋ ar kwacaya, gor njoŋ zlaɓ cuw taŋ. Dar bonoy mislikiɗ ngi kiɗa Israyeley tuwa, a tiˀi haŋhaŋ si.

Slu cuw 13:17

Ki sa cikilaka zlili taŋhaya gar ar li ngi luuma, joˀ ki ɗuvaka taŋ vu, ki wuraka walahaya ma. A sa tiri kaɓa i mikuli mizlam zlam wãˀ da Bumbulvuŋ Buymisemuŋ kum. A sa tiri diŋ ngi set, ko mbur masa ndira hiri naŋ anta mata wãˀ.

Slu cuw 13:18

Gwat ngi ngizl avra gar na, ki wuɗam ta, ɓa Bumbulvuŋ Buymisemuŋ kumo a tisla mevele mislikiɗa fõh fõh na. A sa gukum mezle naŋ wãˀ, yo a sa sukukum haɗi kaɓa naŋ miɓa ɗaˀ le da dideˀ kumoy zleˀe tuwa.

ZOZUWE 10:27

Ti pas madiɗ na, Zozuwe a pula jiviɗ da mizli, a pam taŋ sar tir widiseye, a hizigaka taŋ ng'ar butum taŋ muɗumom zleˀe ara tuwa. Waɗ a gicaka mi ngi butumo ɗasl ɗasl ti ɗugur madiɗahay. Ɗugur tayna t'ada a mi butumo, hã dana aruŋ.

ZOZUWE 7:24

Akan, mangal ngi Zera, dala, zana, ɓiri tapasl tapasl reta kilo tuwa, ziri naŋ mizilehey ati mongosohoy, gusoŋ naŋ, zungu naŋ, ˀaway ati tumuŋ naŋhay, guɗuk naŋ waɗ gwat naŋ misi ti naŋ gar na, Zozuwe a hila taŋ. Israyeley gar jom ng'avaŋ, a ram ti taŋ ng'ar sozo ngi Akor.

ZOZUWE 8:29

Amma buy Ay vuna so na, Zozuwe a luwa law ar widis, hã pastaˀ a gi di. Pas madiɗ so na, joˀ Zozuwe a pula jiviɗ da mizli, ɓa a poko sar ti vagay naŋ tir widise. Mizli a zuɓaka, ara hizigaka a mizlingre ng'ar walahay waɗ a kusom ɗugur kos kos zit a hirnga naŋ. N'ada kanah, hã dana aruŋ.