ZOZUWE 7:21 - Bible en langue guiziga

²¹ A wuzla zlili ngi mesene ndrahay na, yi pur zana mezle ngi Mezopotami, kuy naŋ a zli ta wãˀ, yo suloy ngi ɓiri bara skat cuw, waɗ ɓiri tapasl tapaslreta kilo, may taŋ a jiy haɗa teˀe, joˀ yi hila taŋ. T'ani ɗum a ruwuy, a hur guɗuk ɗu, yo dala naŋ da kulaˀ aseˀeŋ.»

ZOZUWE 7:21 Iomraidhean Croise

ZLI VIRZI 10:10

Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar.

ZLI VIRZI 3:6

Ngwas a pura yi ngi widis tuwa, naŋ mezle ngi zum, a gaŋ pura pura. A hĩyã le ɓa ngi luuma sin haɗa. A zuɓ yi ngi widis tuwa pal, a zumaŋ. Joˀ a vula zil misi a cikeˀe akẽh, a zuma ya.

ZLI VIRZI 34:27

Ziri mekelem ngi Zakopoyo, a ndilam vu kpis ar vagay ngi mizli tuwa, a sliraka gwat ngir walahaya slar slar, asi a gaka gwat ngi mesem le da sukum taŋ mongoso.

ZLI VIRZI 6:2

Zirii mizile ngi Bumbulvuŋhoy a puraka na, ziri mongoso ngi mizli titrahaya taŋ kuyu gwatta, a hĩyãm a wuzla taŋ, a zuɓaka taŋ ngi ngwasa.

SAMUYEL MUCUW NAŊ 11:2

Ngi pastaˀ naŋ mekelem ada na, Davit a slikiɗ tir li hin naŋ. Aru, ara liˀi a hirngi hay naŋ madiɗa. Naŋ misi a hirngi hay tuwa na, a puro ngwas ada, ara bun. Ngwas nah vuna, naŋ kuy teˀe.

BUYOY MUCUW NAŊ 7:8

Misi kukulahay tuwa, taŋ mubulaka li pi sar ngi Siriheye bal bal na, a dirba nah, a cam ng'ar guɗuku. A zumam, a sam, yo a hilam ɓiri barahay ati ɓiri tapasl tapaslay ar guɗuko, a ram di, ara ɗumoko taŋ. A moko, a cam ng'ar guɗuk mekelem ma. A hilaka gwat ngi huroˀohoyo gar, a ram ara ɗumoko taŋ.

Ɗerewol JOP 31:1

Ani i tika hiri ɗu, zuŋ diili mungbuˀo na, y'anta pura ngi hiyĩ ta.

DIMISEY 119:37

Ga ɓa i mbiɗa duba da gwat mupuɗaw puɗaw tahaya, yo jiniy ɓa i sipa jiviɗ ɗike.

BI NGI ISRAYELEY 20:17

«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.»

MIKUCUWULOY 1:19

Naŋ kine, mbur mahul gar na, a sa gi ava kanah ya, i hul masa hulo siifa ngi mbur muhulo.

MIKUCUWULOY 23:31

Mbaazla mapur kuy teˀ avu hiri, maki dalangaɗ ɓaˀ ɓaˀ ar sikiɗe, yo mandi pal naŋ satata na, ki ɗuv hiri ava ta.

MIKUCUWULOY 28:22

Mbur maru ti kil ngiŋ ngiŋ ngi sipi zlili na, i mbur mapur vu kuy avu hiri ta, viya a sa lumaŋ na, a si na ta.

MIKUCUWULOY 4:23

Dumbuŋ naŋ na, jigina mevel ɗik avu gwat ka mawulka gar, asi siifa ɗik a bo ti vaˀaŋ.

EZAYI 28:15

Ki ɓam: «I ɗiyam ɓi ngi jumo ˀay le ati muco, i slam ˀay kiri le ati li ngi mizli mumucahaya. Bonoy masa ndilo na, a sa cuh, ko a luuma ndra ta, asi slire, i tiram di li ɗum ndra le, yo gi gwat ti kwacay cuwo, i li ɗum ndra.»

EZAYI 29:15

Mizli tayna a gam slra ti yaŋ yaŋ ɓa gwat taŋ mawuɗam gi naŋ na, a ɗumoko avu Bumbulvuŋ. A ɗumom nga susuɗuk, a ɓam: «Mapura ndra i waka? misina gwat ndra magaka na, i waka?»

HABAKUK 2:9

Kum malumaka migir da hay kumoyo ti slir, ɓa ngi luuma li cifi ngi mizli madiɗahay, ngi girjaha bonoyo kileŋ avra na, kay kum ar bonoy!

Ɓimezle ngi Yesu Kristu LUK mitil di mi 12:15

Yesu a ɓa mizli ma: «Jam lesl, wam vu avu may gwatay gar, asi ko da mbur a lum zlili le haɗi tekeɗe kwana, a ndir ti siifa aseˀe ta.»

Ɓimezle ngi Yesu Kristu LUK mitil di mi 12:2

Gwat muɗum masa njik ta na anta. Gwat miyaŋŋa masasinta na anta.

EFESEY 5:3

Sukwi ngi madama wana gar, dili, malla ko may zlili gar na, a zlir ngi slufa ar wala kumo ta, kum i mizli ngi Buymisemuŋhoy.

EFESEY 5:5

Mbur sulome, magi gwat mizlir ngi gi ta, mawuɗ gwat gar da naŋ na, i mbur mahuruk huruk a mbuŋ kulihey, anta sa lum li cifi ar zumabuy ngi Kristu ati ngi Buymisemuŋ ta. Sinaka ɓi hana sin le kuy kuy.

Slu cuw 7:25

Akẽh na, kuli taŋhay miciɗa ti ciɗey na, kisa wuraka taŋ. Anja ki pulaka vu kum da may gwat, ɓa zana taŋ ngi ɓiri tapasl tapaslay malla ngi ɓiri barahay na, ki pulaka taŋ da kum ta. Naɓa i mungra mukuyta wãˀ avu Bumbulvuŋ Buymisemuŋ kumo.

KOLOSOY 3:5

Gwat ngi ruwuyoy misi a hur kum gar na, kiɗaka taŋ vagay vagay avra so, kaɓa ani: gi sulome, dili, may gwat, waɗ may zlili. Asi may zlili na, i huruk huruk a mbuŋ kulihey.

HEBEREY 13:5

Angi gwat ngi gi kum gar na, anja may dala a funukum gidaŋ ta. Kum mumulom ti gwat misi ada asi haŋ kumo. Vur Bumbulvuŋ ti hirnga naŋ a ɓi: «Y'anta sa puluw ta, y'anta sa hiziguw fuk ta.»

Ɗerewol ZAK 1:15

Da may gwat a kicuw zingaˀ le na, a yi mungra. Yo da mungra a nih le na, a yi mucu.

ZOZUWE 7:20

Akana kwana a mbiɗa da Zozuwe: «Naŋ kaslsla gisiŋ gwat naŋ, migi mungra avu Bumbulvuŋ Buymisemuŋ ngi Israyel i yaha. Ya miga na, jiviɗ nah a cuh anihĩ:

ZOZUWE 7:22

Zozuwe a slin mizli, a kilam ng'ar guɗuk ngi Akan tuwa. A ra lumaka zana naŋ da ɗum a hur guɗuk naŋ tuwa gisiŋ, waɗ dala kulaˀ aseˀeŋ.

PIYER MUCUW NAŊ 2:15

A pulaka jiviɗ mezle le, a sipam jiviɗ ngi Balaˀam, mangal ngi Bosor. Balaˀam i mbur muwuɗ luuma dala ti gi gwat mijeŋ ta.