ZOZUWE 6:5 - Bible en langue guiziga

⁵ Masayay, da ara faka fugumoy tuwa, hã a zikam di le na, mizli gar a sa wudam cǝruw cǝruw. Akẽh na, mohol a sa mbizli daˀ arleˀe girip girip. Dar Israyeley a sa tuwuɗam, mbur gar a ɗuv dibiɗ cir a mbuŋ naŋ.»

ZOZUWE 6:5 Iomraidhean Croise

BI NGI ISRAYELEY 19:19

Tulum tuwa, ara cin ti gidaŋ fineˀ misi zleˀe ma. Moyis miɓi le ɗaˀ ɗaˀ na, Buymisemuŋ a mbiɗaŋ di ti ndisl ngi vuŋ.

EZAYI 25:12

Moˀap, mohol ɗikey misi mbur a tuwuɗa ta wãˀ na, Bumbulvuŋ a sa mbizla taŋ, a waha taŋ, a tiri ngirnin ati ruwuyo, jom ati mereɓe.

EZAYI 30:25

Ti hin ngi ngizla vu madiɗa, hay migilahay masa mbizlam na, yam a sa gi haɗa a hirnga muwãhay waɗ ar li miɗingireye.

ZEREMI 50:15

Hizigaka widi ngi vurum gun Babiloŋ. Asi ara pa gwat ngi vurum naŋ a ruwuy! Ɓamtal naŋhay ara ndilam, mohol naŋhay ara mbizlam. I Bumbulvuŋ mapul cuwal! Pulaka cuwal kum avu Babiloŋ, gakaŋ gwat naŋ miga da mizli na ya!

HEBEREY 11:30

Israyeley mugunoko hirnga ngi mohol ngi walahay Zeriko hin tarnaˀ, a dirba nah, mohol a mbizli rip rip na, asi tiɓi.

ZOZUWE 6:16

Angi taŋ magunom ngi sar mitarnaˀ naŋ na, masayay a faka fugumoyo, joˀ Zozuwe a ɓa mizli gar: «Jam salalay so, asi Bumbulvuŋ a vulukum walahaya le asi haŋ kum.

ZOZUWE 6:20

Masayay a faka tulumo. Mizli micinaka ˀay ngi tulumo cin na, a hizigaka salalay cõh cõh ti gidaŋ. Mohol a mbizli grip grip daˀ arleˀe. Mizli a jiɗam ng'ar walahaya. Mbur gar a ɗuv dibiɗ cir a mbuŋ naŋ, cir a mbuŋ naŋ, a tiɓaka walahaya.

ZOZUWE 6:4

Masayay tarnaˀ a sa ram a mbuŋ, mbur gar ti fugum ngi durum ngi zlengerek. Angi hin mitarnaˀ naŋ na, kisa gunoko hirnga ngi walahaya sar tarnaˀa, joˀ masayay a sa faka fugumoyo.

ZOZUWE 6:6

Zozuwe, mangal ngi Nuno, a zilo masayaya, a ɓa taŋ na: «Zuɓaka akoti ngi jumoˀaya, yo masayay tarnaˀa, mbur gar a zuɓ fugum ngi durum ngi zlengereke, a ram a mbuŋ akoti ngi Buymisemuŋ.»

MIGI KIITAHAY 20:37

Mizli muɗum ɗumoy tuwa, a ndilam vu kuvbum ng'ar walahaya, a tiɓaka, a ngizlaka mizli kap ti maslalam.

SAMUYEL MUDUMBUŊ NAŊ 17:20

Davit a slikiɗ cẽẽt ngi miprik prik. A pula tumuŋhoy avu mijigin mekelem. A zuɓa gwat ngi ru ti taŋ a haŋ tuwa, aru kaɓa Zese miɓaŋ di, waɗ ara ndil ar li pi sar ngi sojeheye. Kasl ti nah na, naɓa sojehey ara bam nga cinjih, ara wudam widi ngi vurum.

SAMUYEL MUDUMBUŊ NAŊ 17:52

Soje Israyeley ati ngi Zudahay a zlaka widi ngi vurum, a sipaka Filistiheye, hã sesẽŋ a mi boboŋ ngi ci nga Gat ati Ekroŋ, vagay ngi Filistehey sunok sunok, zle a Gata, sesẽŋ a Ekroŋ.

SAMUYEL MUDUMBUŊ NAŊ 4:5

Akoti ngi jumoˀay ngi Buymisemuŋ mindilo ndil ar li taŋ mipam sar tuwa si na, Israyeley gar, a zluzluɓam ti ji salalay cǝruw cǝruw cǝruw, hã hirwuy a wus hiɓik hiɓik.