ZOZUWE 6:4 - Bible en langue guiziga

⁴ Masayay tarnaˀ a sa ram a mbuŋ, mbur gar ti fugum ngi durum ngi zlengerek. Angi hin mitarnaˀ naŋ na, kisa gunoko hirnga ngi walahaya sar tarnaˀa, joˀ masayay a sa faka fugumoyo.

ZOZUWE 6:4 Iomraidhean Croise

ZLI VIRZI 2:3

A ɗuwula mi da hin nah, i hin nga naŋ. Asi angi hin nah na, a gi gwat mata.

BUYOY MUDUMBUŊ NAŊ 18:43

Joˀ a ɓa gawla naŋ: «Inga jiɗ, pur hiri kini tir vay mubuliy!» Gawla naŋ tuwa, a jiɗ, a pur hiri, a mawa, a ɓaŋ: «Gwat anta.» Eli a ɓaŋ ɓa a mi, a mi, hã is tarnaˀa!

BUYOY MUCUW NAŊ 5:10

Elize a slino mbur ng'avaŋ, a ɓaŋ: «Aru, ɓa ki ra ci jugoɓ jugoɓ is tarnaˀar yam a mizaw Zurdeŋ. A dirba nah, kisa mbul, yo kisa ɗiyi.»

BUYOY MUCUW NAŊ 5:14

Akẽh na, Naˀaman tuwa, a pi sar nga mizaw Zurdeŋ so, waɗ a ci jugoɓ jugoɓ is tarnaˀ, kaɓa mijiviɗ ngi Bumbulvuŋ miɓaŋ tuwa. Garak ngi dumvu naŋ a tiri kaɓa ngi zuŋ meciɗeke. Naˀaman a ɗiyi le.

ƁI NGI HINEY MUCUW NAŊ 13:12

Ani buy ndra i Buymisemuŋ, masay naŋhaya t'ani, a wam vu le ngi fi zara ng'ar kum. Israyeley, Bumbulvuŋ Buymisemuŋ ngi dideˀ kumoyo, ki kiɗam vu ati naŋ ta, asi kum anta sa ndilaka ta.»

ƁI NGI HINEY MUCUW NAŊ 20:17

Kum anta sa giram vu ngi kiɗa vu ati taŋ ta. A ram, cicam dedeŋ, yo Bumbulvuŋ masa lum bugawla ar taŋ vur kum na, kisa puraka ti hiri tew si. Kum Zudahay, Zeruzalemey, ki zluwunam ta, didak a muɗukum ta. Tiprike, bam nga mbuŋ taŋ, Bumbulvuŋ a sa ndir ati kum.»

ƁI NGI HINEY MUCUW NAŊ 20:19

A dirba nah, levi, muy ngi Kehatay ati ngi Korehey, a slikiɗam, a hunumaka Bumbulvuŋ Buymisemuŋ ngi Israyele ti ˀay ngar ngar.

ƁI NGI HINEY MUCUW NAŊ 20:21

Dar Zozafat a ngiɓam ˀay ati mizli, a pam mizli dimisey sek a mbuŋ sojeheye waɗ zana ngi mezegwel ɓaˀ ɓaˀ avu vu ngi hunuma Bumbulvuŋ ti dimisi, a ɓam: «Hunumaka Buymisemuŋ, asi wuɗa vu naŋ anta kiɗ mi ta.»

Ɗerewol JOP 42:8

Wurenna, jam gusoŋ tarnaˀ waɗ zlengerek tarnaˀ, ara lumaka gawla ɗu Jopo, ɓa ki gam taŋ mikuli mizlamzlam vur hirnga kum, yo ɓa Jopo kwana, a sa dir dibiɗ vur kumo. Ya masa gi ti kum weˀe asi gilaw kum na ta na, mbele naŋ. Asi kumo, ki ɓaka ɓi ɗu kaslsla kaɓa gawla ɗu Jop na ta.»

EZAYI 27:13

Tapasa, a sa faka tulum madiɗa toot. Mizli mizizahay misi zleˀe a Asiri ati mizli muɓulahay zleˀe nga ruwuy Ezipte na, a sa moko, dar a sa hurukom huruk huruk a mbuŋ Bumbulvuŋ, ar muwã mipal, a Zeruzalem.

LEVIHEY 14:16

A ca muzuŋ haŋ naŋ mijinga ngi madiɗa yop ng'ar mal misi a hur haŋ naŋ vay gula tuwa, waɗ a kuca kwic kwic a mbuŋ ɗu, ya Bumbulvuŋ is tarnaˀa.

LEVIHEY 4:6

A ca muzuŋ haŋ yop ar pumbuso, a kuca pumbus tuwa is tarnaˀ da godo vay mapur ngir li mipal misi a mbuŋ ɗu na.

ZAKARI 4:2

A cufuɗiy: «Ki pur mike?» Yi mbiɗaŋ di: «Yira pur gwata: I gwat ngi ɗuva lampe, miga gar ti ɓiri tapasl tapasl, jom ati gojogoɗ naŋ ngi mala tisi virzi naŋ, yo ti muŋ naŋ na, i lampehey tarnaˀ waɗ mi naŋhay tarnaˀ ngi ci kecekece ngi ji vu avu lampe tayna.

ZAKARI 4:6

A mbiɗiy di ma, a ɓiy na: Bumbulvuŋ a ɓa Zorobabel ani: Ɓa kisa ga slra misenna na, anta ti gambara ngi vu ta, anta ti gidaŋ ta, amma ti ˀUf ɗu, maɓi i ya Bumbulvuŋ misi gidaŋ wãˀa.

SLUFA VU 23:1

Balaˀam a ɓa Balaka: «Ndiriy li gi mikulihey tarnaˀ aka, yo wi vu ti gusoŋhoy tarnaˀ waɗ zlengerekey tarnaˀ.»

ZOZUWE 6:13

Masayay mitarnaˀ, misi ti fugum ngi durum ngi zlengerekey misek a mbuŋ akoti ngi Bumbulvuŋ tuwa, a zlaka ru bal ti fi fugumo hiri naŋ a muŋ. Soje ngi mbuŋhoyo taŋ sek a mbuŋ taŋ, yo ngi dirbahaya kwana, sek a dirba akoti ngi Bumbulvuŋ. Taŋ mira ram na, ara faka fugumoyo cici.

ZOZUWE 6:3

Vur hin gar na, ka ati sojeheye, ki gunoko walahaya zlar sar purla, hã ki gam di hin merkeɗe.

ZOZUWE 6:5

Masayay, da ara faka fugumoy tuwa, hã a zikam di le na, mizli gar a sa wudam cǝruw cǝruw. Akẽh na, mohol a sa mbizli daˀ arleˀe girip girip. Dar Israyeley a sa tuwuɗam, mbur gar a ɗuv dibiɗ cir a mbuŋ naŋ.»

ƁIMUNJUYO 1:20

Wurzlaŋhay mitarnaˀ, ka mupura taŋ a hur haŋ hazum ɗu, yo li ɗuva lampehey mitarnaˀ mipa taŋ ti ɓiri tapasl tapasl na, ɓi muɗum ngi raˀa n'ani: Wurzlaŋhay mitarnaˀ na, i modro ngi cikil ngi misikristuhoy ar li taˀ taˀ tarnaˀ, yo li ɗuva lampehey mitarnaˀ na kwana, i cikil ngi misikristuhoy ar lihey taˀ taˀ tarnaˀ.

ƁIMUNJUYO 1:4

I ya Zaŋ matoho ɗerewol hana da cikil ngi misikristuhoy ar lihey taˀ taˀ tarnaˀ angi hirwuy Azi. Anja ki lumam gimezle ati zuy tivu Buymisemuŋ misi dana, misi zleˀe, waɗ masa sawa. Yo tivu ˀuf mitarnaˀhay, misi aciki li cifi ngi zumabuy naŋ na.

ƁIMUNJUYO 10:3

Dar a widi ti gidaŋ kaɓa tuwuy ngi mobor. A dirba naŋ miwidi na, i ndisl ngi vuŋ tarnaˀ mimbiɗakaŋ di.

ƁIMUNJUYO 15:1

Dar i pur gwat mekelem a muŋ ma, i gwat mabigi gwat. Naŋ madiɗa, yo i gwat ngi zuma hirnga. I modro ngi Buymisemuŋhoy tarnaˀ ti bonoyoy tarnaˀ kaw kaw a haŋ. I bonoy ngi dirbahay wãˀ, asi himaˀ ngi Buymisemuŋ na, i taŋ masa kiɗaka mi naŋ.

ƁIMUNJUYO 15:7

Pal a wuzla gwat misããmi mumufaɗaya, a vula sikiɗ tarnaˀ da modro mitarnaˀhay tuwa, i sikiɗ ngi ɓiri tapasl tapaslay, peɗepeɗe ti himaˀ Buymisemuŋ misi ti siifa hã ngi sete.

ƁIMUNJUYO 16:1

Akẽh na, i cin ˀay ka ngi mbur tir hay ngi Bumbulvuŋ, ara ɓa modro mitarnaˀhay tuwa ti gidaŋ: «A ram, paka himaˀ ngi Buymisemuŋ ngir sikiɗ mitarnaˀhay na asi ruwuy.»

ƁIMUNJUYO 5:1

Yo i pur ɗerewol mufuɗa faɗ faɗ, mutoho ti huroˀo, ti vra gar, kaw a haŋ hazum ngi Mbur muangi janga ngi buy tuwa, waɗ a gicaka mi naŋ sliraɓ, haŋ taˀ taˀ anga tarnaˀa.

ƁIMUNJUYO 5:6

Dar yi pur tumuŋ deŋ a wuzla janga ngi buyo, a wuzla gwat misããmi mumufaɗay, waɗ a wuzla mizli micawwahay kukur cuw nga mufaɗ tuwa. Tumuŋ nah, a pur kaɓa a kiɗaka le zleˀe vagay ɗaˀa. Naŋ ti durum tarnaˀ, hiri tarnaˀ. Tayna i ˀufoy tarnaˀ Buymisemuŋ mislino taŋ ng'asi ruwuy gar.

ƁIMUNJUYO 8:2

Dar i pur modrohoy tarnaˀ dedeŋ a mbuŋ Buymisemuŋ. A vulaka taŋ tulumoy tarnaˀ.

ƁIMUNJUYO 8:6

Modrohoy mitarnaˀ misi ti tulumoy tarnaˀ tuwa, ara wam vu ɓa a faka taŋ.