ZOZUWE 6:22 - Bible en langue guiziga

²² Mizli mucuwoy mupuraka hirwuy zleˀe tuwa na, Zozuwe a ɓa taŋ: «Cam ngi hay ngwas sulome mikaˀ ti hay naŋ tuwa, boko di ng'avra ati mizli ngi hay naŋhaya gar, kaɓa kum miɓakaŋ ti hudum zleˀe tuwa.»

ZOZUWE 6:22 Iomraidhean Croise

SAMUYEL MUCUW NAŊ 21:2

Buy a zila Gabaˀoŋhoyo, a ɓa taŋ. Gabaˀoŋhoy i Israyeley ta. Amma i Amorihey mindiram ar siifa. Israyeley a ɓaka taŋ le zleˀe ɗaˀ le ti hudum. Na, gar ti nah kwana, Sawul a ro ti may haɗa haɗa ngi wa Israyel ati Zudahaya, a pur jiviɗ le ɓa a ngizla taŋ zleˀe na si.

SAMUYEL MUCUW NAŊ 21:7

Amma Mefibaˀal, mangal ngi Zonataŋ, dideˀ ngi Sawul na, buy a pulaŋ le. Asi Davit ati Zonataŋ, mangal ngi Sawulo, a jumom mi le ar slimiɗ ngi Bumbulvuŋ ar wala taŋ.

EZEKIYEL 17:13

A ji di i mbur ngir tizer ngi buy, a ɗiyam ɓi ngi jumoˀay cuwa, a tikaŋ ˀay ɓa a hudum hudum mijeŋŋe, a ja mizli madiɗa ngi buyoy misi asi ruwuyo, a cuh taŋ,

EZEKIYEL 17:16

Kaɓa ya misi ti siifa gisiŋ na! Buy Israyel a sa muc a ruwuy buy madiɗa ngi Babiloŋ, hirwuy buy madiɗa micaŋ buy a diga na, a sa muc a diga cummo, avu mbur naŋ muhudum ti slir, yo naŋ mingila ɓi ngi jumoˀay na. I ya Bumbulvuŋ, Buymisemuŋ maɓi.

HEBEREY 11:31

Mizli macinam mi ta da Buymisemuŋ, Rahaɓ, ngwas sulome, a micam bumoˀ ati taŋ ta na, asi tiɓi. Asi ti di mizli mupura lihey musoko na, naŋ a tiɓa taŋ mulaka le ti zuy.

ZOZUWE 6:17

Walahay i muvula le da Bumbulvuŋ, vurˀe, a ngizlaka gwat ngi raˀahaya gar avra. Sey masa ndir ti siifa i Rahap ngwas sulome, naŋ ati mizli misi avaˀa a haya gar. Asi mike na, muɗumo mizli ndra mislinaka taŋ nga pura hirwuy na, i naŋ.

ZOZUWE 6:23

Gawla mupura hirwuyoy zleˀe tuwa, a cam ngi hay Rahapa, a boko di ng'avra, naŋ ati miyi naŋhay, sukum naŋhay waɗ gwat naŋhay gar. A boko ti muy naŋhaya gar, waɗ a cifaka taŋ a duba gala, zar avu walahay guɗuk ngi Israyeleye.

ZOZUWE 9:15

Zozuwe a slamˀay kiri ati taŋ, ɓa a jumomˀay, ɓa gwat a wusa siifa taŋ ta. Dar buyɓi ngi jum ngi Israyeley a hudumom a mbuŋ taŋ.

MIGI KIITAHAY 1:25

Mbur tuwa, a biga taŋ di, dar dideˀ ngi Manase ati ngi Efrayimeye, a ngizlaka mizli ngir walahaya ti maslalam, amma a pulaka mbur mibiga taŋ li tuwa, a cohom ati muy naŋhaya gwaɗ naŋ.