ZOZUWE 5:9 - Bible en langue guiziga

⁹ A dirba nah na, Bumbulvuŋ a ɓa Zozuwe tuwa: «Dana, yi ɓula mesem kum musoko di baɗ ti Ezipte na le kileŋ avu kumo.» Vurˀe, a zilaka li nah Gilgal, hã dana aruŋ.

ZOZUWE 5:9 Iomraidhean Croise

ZLI VIRZI 34:14

A mbiɗaka taŋ di: «Ɓi ka miɓa hana, i gaka ta, yo mbur mici mizaw ta na, i vulakaŋ sukum ndra ta, naɓa a sa gi avu ndra, i gwat ngi mesem madiɗa.

SAMUYEL MUCUW NAŊ 19:15

Davit a mbiɗa wuluk ngi Zudahaya cek, a tiri kaɓa wuluk ngi mbur purla. Taŋ gar a slinam ng'avu buyo, a ɓakaŋ: «Mawa, ka ati gawla ɗikeye gar.»

NEHEMI 12:29

zle a Bet-Gilgal ati purok ngi Gebahay, waɗ ti Asmavet, asi mizli dimiseye, a pam ti walahay taŋhay gun hirnga ngi Zeruzaleme.

DIMISEY 119:39

Zi mazikiy, magiy zluwun na, kiraha kileŋ avu ya, asi ɓi ɗik, ka mujuwa a mevel na, i ɓi mezlehey.

ZEREMI 9:25

Mbiɗeˀvra, Eziptehey, Zudahay, Edomoy, Amoŋhoy, Moˀapay, waɗ sukwi ngi mizli mihija li tinikey misi a wuzlaɓuh mikirɗak kirɗak na. Asi sukwi ngi mizli gar a cam mizaw ta, yo ko mizli Israyeley vuna kwana, a cam mizaw a mevel taŋ ta ya.

EZEKIYEL 23:3

A tiram sulomehey a Ezipte, ar diili taŋ kine aruŋ. Ɗuwa taŋ mijaka haŋ ɗaˀ avu taŋ ta na, a tutumaka taŋ di le a diga, a kaka taŋ haŋ le a didaka.

EZEKIYEL 23:8

Gi sulome, naŋ muzlo virzi naŋ a Ezipte tuwa, ara ru di nga mbuŋ nga mbuŋ. Adiga, mizli a hinam di le ar diili naŋ kine aruŋ, ɗuwa naŋ mijaka haŋ ɗaˀ ava ta, a tutumakaŋ di le, yo a tiram di sulome le zleˀe.

Ɗerewol OZE 4:15

Kum Israyeley, da ki ra gam sulome na, anja ki caka Zudahay anga ta ɓula! Ki ram nga Gilgal, ar li mipal na ta, ki ram nga Betel, ar li ngi vu na ta, yo ki hudumom, ki ɓam: «Bumbulvuŋ naŋ ti siifa» na, ki ɓam ta.

LEVIHEY 24:14

«Bo ti mbur nah tir walahay guɗuko. Mizli gar micinaka, naŋ miziy na, a pakaŋ haŋ a hirnga, ɓa Israyeley gar a kuypakaŋ ti ɗugur.

AMOS 5:5

Amma ki sipikiy a Betel ta, ki cam nga Gilgala ta, ki cohom ti Berseba ta. Asi a sa jaka Gilgalaya pay nga ruwuy mulak, yo Beteleye, a sa zizaka taŋ kap.

MISE 6:5

Mizli ɗuwoy, inga wulkaka ayɗi, Balak, buy Moˀap a juwa le a kwacay naŋ zleˀe ngi gukum malambaˀa, yo Balaˀam, mangal ngi Beˀor a mbiɗaŋ mingiɓi le, yo ki cohom le zle a Sitim nga Gilgal, hana gar na, ɓa kisa sinaka bugawla nga ya Bumbulvuŋ.»

SOFONI 2:8

Yi cine zi ngi mizli Moˀapay na le, a zaka mizli Amoŋhoyo le gbaˀ avu tesle, taŋ ara zaka mizli ɗuwoyo, yo taŋ masikaka hirwuy taŋ na, mbele hirwuy ngi mizli ɗuwoy.

ZOZUWE 24:14

Zozuwe a ɓi ma: «Wurenna so na, kumo, zluwunam ti Bumbulvuŋ, yo gakaŋ mezegwel ti mevel purla, ti gi teŋteŋ. Kulihey, dideˀ kumoy migaka taŋ mezegwel ti dubazaw Efrat, waɗ angi hirwuy Ezipte na, kirahaka taŋ kileŋ avra. Yo gaka mezegwel da Bumbulvuŋ.

ZOZUWE 4:19

Israyeley mutuwuɗaka Zurdeŋ na, naɓa i hin kuruˀ ngi kiya mudumbuŋ naŋ. A pam ti guɗuk taŋhaya a Gilgal, ar maakway ngi Zeriko, tisi pas ngi miprik naŋ.

ZOZUWE 5:8

Ti taŋ micaka mizli cek a mizawa na, mizli a ndiram ar walahay guɗuko, hã waˀa taŋhay a kufam kwaɗay.

SAMUYEL MUDUMBUŊ NAŊ 14:6

Zonataŋ a ɓa gawla naŋ majijiraŋ gwat ngi vurumoyo, sawa akum sesẽŋ ng'avu Filistihey, manja ci mizaw tayna. Asinta Buymisemuŋ a sa jina ndra kwani. Naŋ kine, ko da ndra haɗa malla haɗa ta gar na, da Buymisemuŋ a ɓi le ɓa a jina ndra, i lumam bugawla na, ko gwat matikaŋ anta.

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»

SAMUYEL MUDUMBUŊ NAŊ 17:36

Ya gawla ɗike, yi kiɗa mobor ati luˀuf le takwa! Mbur Filisti manja ci mizaw hana, yi sa gaŋ di i gwat misi purlakanah ya. Asi mike, sojehey ngi Bumbulvuŋ misi ti siifa na, a za taŋ le.

SAMUYEL MUDUMBUŊ NAŊ 7:16

Vi gar na, a cuh le ar walahay Betel, Gilgal waɗ Mispa, yo a ga kiita da Israyeley angi li tayna gar.