ZOZUWE 5:6 - Bible en langue guiziga

⁶ Asi mike na, Israyeley a gam a wuzlaɓuh mikirɗa kirɗaka, vi kukur mufaɗ ar li ru. Hã mizli muboko ti Ezipte, mindilaka vi ngi gi vurum le gar na, a micam cek, asi taŋ micinaka mi da Bumbulvuŋ ta. Mbak hã Bumbulvuŋ a hudum. Hirwuy maɓul ɗuwa ati mam, naŋ miɓa ti hudum da dideˀ taŋhay, ɓa a sa vula ndra di na, ko a pula taŋ ɓa a zãˀãka ta.

ZOZUWE 5:6 Iomraidhean Croise

DIMISEY 107:4

Mizli mekelemey asi taŋ, a zizam le kiŋkiŋ a wuzlaɓuh mikirɗak kirɗak, ko a lumaka jiviɗ ngi ru ng'ar walahaya ta.

BI NGI ISRAYELEY 3:17

Yo yi ɓi: I sa bi ti kum tir bonoy kum a Ezipte na nga hirwuy ngi Kanaˀanay, Hitihey, Amorihey, perizihey, Hivihey ati Zebusihey misi araŋ, nga hirwuy misi ɗuwa ati mam maɓulom araŋ.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

ZEREMI 2:2

«A ra til mi ti ɓi ani da mizli Zeruzalemeye, ɓa taŋ: Bumbulvuŋ a ɓi na: Ti kum misi ti zuŋ zleˀe gumbaˀ gumbaˀ avu ya, kum mawuɗikiy zleˀe kaɓa wuɗa vu ngi mangasl, kum misipikiy a wuzlaɓuh mikirɗak kirɗak, waɗ ar papala mapus gwat ta na, yi ra wulka ɓi nah keŋ.

EZEKIYEL 20:15

A wuzlaɓuh mikirɗak kirɗaka, i hudum a mbuŋ taŋ ava ma, haŋ paɗ a muŋ, i ɓi: Y'anta sa ci ti taŋ angi hirwuy ya mavula taŋ di na mata. Ɗuwa ati mam a ɓulom angi hirwuy nah, i hirwuy mimezle ngi si ruwuyoy gar.

EZEKIYEL 20:6

Tapasa na, yi hudum le a mbuŋ taŋ, haŋ paɗ a muŋ, ɓa i bi ti taŋ ti ruwuy Ezipte, ngi ru nga hirwuy, ya mira puro taŋ di: ɗuwa ati mam a ɓulom angi hirwuy nah, hirwuy mimezle ngi si ruwuyoy gar.

SLUFA VU 14:23

Vurˀe, hirwuy Kanaˀan, ya miɓa ɗaˀ le, i sa vula da dideˀ taŋhay tuwa na, hadam, ko mbur pal asi taŋ masa ci anga anta. Mizli mihirsikiy na, ko mbur pal asi taŋ masa pura anta.

SLUFA VU 26:63

Moyis ati masay Elazar muslufaka mizli Israyeley ar li micay ngi Moˀap, gweˀ a ciki mizaw Zurdeŋ, mupuɗak angi hirwuy Zeriko na, a kiɗ mi kahana.

Slu cuw 1:3

Vi kukur mufaɗ a dirba Israyeley muboko ti ruwuy Ezipte, hin mudumbuŋ ngi kiya mukuruˀ ngaŋ kaˀ naŋ na, ɓi Bumbulvuŋ muɗuva da Moyis, ɓa a ɓa da Israyeley na, Moyis a sipa taŋ di tiɗeˀe.

Slu cuw 2:14

Zle Kades-Barneya, hã tuwaɗ mizaw ɗugur ngi Zereɗe, i gam a jiviɗe, vi kukur makir nga dangafaɗa. Hã mizli migam vurum migam vurum, zle ar ndra mislikiɗoko na gar, a tikam pay a wuzla mizli. A gi kaɓa Bumbulvuŋ miɓa taŋ di ti hudum tuwa.

Slu cuw 2:7

Asi Bumbulvuŋ Buymisemuŋ kum, a ɗuwulukum mi le ar gwat ngi gi kum gar. Kum mutuwuɗoko wuzlaɓuh mikirɗak kirɗak na, a ki slimiɗ le ar kum, yo a gi ani vi kukur mufaɗ ati kumo, ko gwat mukicukum anta.»

Slu cuw 8:4

Zana kumoy miɓaˀ ɓaˀ avu vu, a hiryam ta. Angi vi kukur mufaɗ na, sar kumoy a hislam ta.

HEBEREY 3:11

Angi ya mislikiɗ himaˀ na, yi hudum, i ɓi: Tˀanta sa cam ng'ar li muskavu ɗu ta ndiɗaˀ wãˀ.»

ZOZUWE 1:6

Mbur mbar, tum vu tam, asi hirwuy ya miɓa ɓi naŋ ti hudum da dideˀ taŋhay, yi sa vula taŋ di tuwa na, masa vula da mizli hanayna i kaha.

ZOZUWE 24:7

Ar nah na, dideˀ kumoy a zlaka hiziga widi kaˀ ng'avi ya Bumbulvuŋ, joˀ yi go luvuŋ ar wala ngi dideˀ kumoy ati Ezipteheye, waɗ i sirta Ezipteheye ngbulum ti yam ngi mubuliy. Gwat ya miga da Ezipte na, ki puraka le ti hiri kum. A dirba nah na, mizli kumoy a zikam le vi mbeˀ mbeˀ haɗa a wuzlaɓuh mikirɗak kirɗaka.

ZOZUWE 5:5

Na so na, mizli muboko ti Ezipte gar na, a cam le a mizawa zleˀe. Amma mizli miyaka taŋ a jiviɗ ngi wuzlaɓuh gar, a dirba bo taŋ ti Ezipte na, a cam a mizawa t'aruŋ.

ZOZUWE 5:7

Bumbulvuŋ, a ci ar deɗe taŋ ng'asi ruwuyo i ziri taŋhay. Zozuwe mici a mizaw na i taŋ. Taŋ a micam a mizawa ta na, asi a caka taŋ a jiviɗe zleˀe ta.