ZOZUWE 4:9 - Bible en langue guiziga

⁹ Waɗ ma na, Zozuwe a ngi ɗuguroy kuruˀ nga cuw, ar li masayay majijiraka akoti ngi jumoˀay muɗuvaka sar taˀ taˀ ara tuwa. Ɗugur tayna t'ada dana kwaˀ aruŋ.

ZOZUWE 4:9 Iomraidhean Croise

ZLI VIRZI 26:33

Izak a zila vigiɗ ngi yam nah Siba, mbiɗeˀvra ‹hudum.› Vurˀe, a zilaka walahay nah Berseba hã dana aruŋ, a mbiɗeˀvra ‹vigiɗ ngi yam ngi hudum.›

ZLI VIRZI 28:18

Zakop a slikiɗ ngi miprik prik, a zuɓa ɗugur naŋ mitih di hirnga tuwa, a nga kaˀ, a paŋ mal, ɓa a ndiri ɗugur mipal.

SAMUYEL MUCUW NAŊ 4:3

Mizli ngi Beˀerotoy mikilam nga Gitayim na, a cifam a diga hã dideˀ taŋhaya t'ada dana aruŋ.

BUYOY MUDUMBUŊ NAŊ 18:31

A hil ɗuguroy kuruˀ nga cuw, tiɗeˀe avu sukwi ngi ziri mizile ngi Zakopoyo. Sukwi tayna, Bumbulvuŋ a ɓa taŋ le zleˀe anihĩ: «A sa zulukuw Israyel.»

ƁI NGI HINEY MUCUW NAŊ 5:9

Ɓeɓeleheye taŋ jek jek haɗa, mbak mi taŋhay a puroko sesẽŋ angi li mipal misi a mbuŋ viŋ mipal na. Amma anta puraka taŋ sesẽŋ avra ta ɓula. Hã dana kwana, akoti naŋ da ar li naŋ aruŋ.

BI NGI ISRAYELEY 24:12

Bumbulvuŋ a ɓa Moyise na: Jiɗo ng'avi ya a muwã aka, ndir aka. I wuɗ i vuluw beleler misliprak sliprakay, misi ɓimuɗuvahay toh toh ar taŋ, ɓa ki ra dubuna taŋ da Israyeley.

BI NGI ISRAYELEY 28:21

Ɗuguroyo tiɗeˀe a hirnga sukwi Israyeley mukuruˀ nga cuw na, a sa tohoko taŋ slimiɗe avu ɗuguroyo, ngi mburo ngi mburo, nguɗ nguɗ kaɓa gwat ngi ɗuva slimiɗ ngi mbur ar ɗerewol.

Matiye 27:8

Vurˀe, a zilaka guva nah «Guva ngi pumbus» hã dana aruŋ.

Matiye 28:15

Dar sojehey a tiɓaka dala, a gaka kaɓa taŋ miɓaka taŋ di tuwa. Naŋ kine, ɓi nah a wuh a wuzla Yudeheye gar hã dana.

Slu cuw 34:6

Buymisemuŋ a dika ti haŋ naŋ ar sozo ngi Moˀap, sek duba cakay ati Bet-Peˀor, ko mbur loŋ misina li ngi zivi naŋ anta, hã dana.

ZOZUWE 24:26

Mingiɓi tayna gar na, Zozuwe a toho taŋ toh toh angi ɗerewol ɓimujuwa ngi Buymisemuŋ. A zuɓ ɗugur madiɗa waɗ a ng'akaˀ asi widis migidaŋ, misi angi hay ngi Bumbulvuŋ.

ZOZUWE 4:10

Masayay majijiraka akoti ngi jumoˀaya, a cicam dedeŋ a wuzla mizaw Zurdeŋ, hã gwat Bumbulvuŋ miɓa ɗaˀ le da Zozuwe ɓa a ɓa da Israyeley tuwa, a gi wãˀ kwaɗay. A gi kasl kasl kaɓa Moyis miɓa ɗaˀ le da Zozuwe tuwa. Joˀ mizli a wusam vu ngi tuwuɗa mizawa kutum kutum.

MIGI KIITAHAY 1:26

Mbur tuwa, aru nga ruwuy Hiti, a ɗuv walahay madiɗa taˀ, a caŋ slimiɗe Luz. Hã dana a zilaka kanah aruŋ.

SAMUYEL MUDUMBUŊ NAŊ 30:25

Zle ti hin nah, wuluk mujuwa nah na, Davit a tiri di i ɓimuɗuva da Israyeley gar, naŋ da gi slra hã dana aruŋ.

SAMUYEL MUDUMBUŊ NAŊ 7:12

Samuyel a zuɓ ɗugur waɗ a ng'akaˀ ar wala ngir Mispa ati Daŋ. A vula slimiɗ da li nah Ebeŋ-Ezer, mbiɗeˀvra ‹ɗugur mijini›, asi a ɓi na: «Buymisemuŋ mijino ndra na sesẽŋ aka.»