ZOZUWE 4:19 - Bible en langue guiziga

¹⁹ Israyeley mutuwuɗaka Zurdeŋ na, naɓa i hin kuruˀ ngi kiya mudumbuŋ naŋ. A pam ti guɗuk taŋhaya a Gilgal, ar maakway ngi Zeriko, tisi pas ngi miprik naŋ.

ZOZUWE 4:19 Iomraidhean Croise

BUYOY MUCUW NAŊ 2:1

Ti di Buymisemuŋ muzuɓa Eli nga muŋ ar misure na, naɓa Eli vuna ati Elize ara ram zleˀe nga Gilgal.

AMOS 4:4

A ram nga Betel, mbiɗam hirnga avu ya a diga, mbiɗam hirnga makaw mbeˀ mbeˀ avu ya a Gilgala, prik prik na, gaka mikuli kumoyo yo ar hin mimakir naŋ na, vulaka mukuruˀ ngi gwat kumoyo.

AMOS 5:5

Amma ki sipikiy a Betel ta, ki cam nga Gilgala ta, ki cohom ti Berseba ta. Asi a sa jaka Gilgalaya pay nga ruwuy mulak, yo Beteleye, a sa zizaka taŋ kap.

MISE 6:5

Mizli ɗuwoy, inga wulkaka ayɗi, Balak, buy Moˀap a juwa le a kwacay naŋ zleˀe ngi gukum malambaˀa, yo Balaˀam, mangal ngi Beˀor a mbiɗaŋ mingiɓi le, yo ki cohom le zle a Sitim nga Gilgal, hana gar na, ɓa kisa sinaka bugawla nga ya Bumbulvuŋ.»

Slu cuw 1:3

Vi kukur mufaɗ a dirba Israyeley muboko ti ruwuy Ezipte, hin mudumbuŋ ngi kiya mukuruˀ ngaŋ kaˀ naŋ na, ɓi Bumbulvuŋ muɗuva da Moyis, ɓa a ɓa da Israyeley na, Moyis a sipa taŋ di tiɗeˀe.

Slu cuw 11:30

Muwã tayna, taŋ ti duba Zurdeŋ, ti duba jiviɗ misi tisi pas ngi pastaˀa, angi hirwuy ngi Kanaˀanay misi ar sozo ngi Zurdeŋ, taŋ gweˀ avu widis madiɗa a More, taŋ sek duba cakay ati Gilgal.

ZOZUWE 10:43

A dirba nah, Zozuwe ati Israyeley gar, a mam ng'ar li pi sar taŋ a Gilgal a muŋ.

ZOZUWE 10:6

Mizli Gabaˀoŋhoy a slinam ng'avu Zozuwe ar li pi sar ngi Israyeley a Gilgala, a ɓakaŋ: «Ndra gawla ɗikey, anja ki pula ndra ta, jina ndra na si. Wuso vu kutum kutum ng'avu ndra, kilo widi ndra, ɓa ki laha ndra. Asi buy Amori ngi ruwuy muwãhay na gar, a kusoko le ng'ar ndra.»

ZOZUWE 15:7

Maakway a zuɓ paɗ ngir ti Debir, tir sozo Akor. Yo tir vay muŋ, a guno gunno ti Gilgal mpuɗak ar li jiɗ nga Adumim, tir vay ruwuy ngi mizaw. A cuh meehẽ tivi yam ngi En-Semes waɗ ara kiɗ mi a En-Rogen.

ZOZUWE 24:11

Ani ki tuwuɗoko mizaw Zurdeŋ le, ki ndiloko le a Zeriko. Naŋ kanah ma, ti sukwi ngi Perizihey, Kanaˀanay, Hitihey, Girgasihey, Hivihey waɗ Zebusihey gar na, yi vulukum taŋ le gar asi haŋ kumo.

ZOZUWE 4:18

Masayay majijiraka akoti ngi jumoˀay ngi Bumbulvuŋ, ara boko ti wuzla mizaw Zurdeŋ tuwa so. Ti taŋ mumuɗoko saraya ceɗ ceɗ tir yama, ɓa a ɗuvaka taŋ nga ruwuy mingbalaŋ ngbalaŋ si na, yam ngi mizaw Zurdeŋ a mo fuyõh ng'ar li naŋ, dar a ɓul vra vra, nga naŋ nga naŋ kaɓa misi zleˀe a muŋ.

ZOZUWE 5:10

Israyeley a pam a Gilgala, a gaka muguzlum Paka angi hin mukuruˀ nga mufaɗ ngi kiya nah vuna, ngi pastaˀ naŋ, a Zeriko.

ZOZUWE 5:9

A dirba nah na, Bumbulvuŋ a ɓa Zozuwe tuwa: «Dana, yi ɓula mesem kum musoko di baɗ ti Ezipte na le kileŋ avu kumo.» Vurˀe, a zilaka li nah Gilgal, hã dana aruŋ.

ZOZUWE 9:6

A ram, ara lumaka Zozuwe ar li pi sar taŋ a Gilgal, a ɓaka Zozuwe ati mizli Israyeleye na: «I soko ti hirwuy mikileŋ. Wurenna ɗiyukum ɓi ngi jumom ˀay ar wala ndra.»

SAMUYEL MUDUMBUŊ NAŊ 10:8

Ki sa ru dumbuŋ ar ya nga Gilgal. Ya na, yi sa ra lumuw, ɓa ngi gi mikuli mizlam zlam wãˀ ati mikuli ngi vula zuy. Ki sa kutukuy hin tarnaˀ, hã da ya mira lumuw le. Akẽh na, yi sa buguw gwat ɓa sey ka masa ga.»

SAMUYEL MUDUMBUŊ NAŊ 15:33

Amma, Samuyel a ɓaŋ: kaɓa ka mupula ngwasay ɗoɗok ɗoɗok manja ziriy ti maslalam ɗik na, naŋ kine, munuk a sa ndir ɗoɗok, manja mangal a wuzla ngwasay aya. Joˀ Samuyel a kiɗa Agak a mbuŋ Buymisemuŋ a Gilgala.