ZOZUWE 4:13 - Bible en langue guiziga

¹³ Mizli misi saray, mujuwam vu le ngi vurumo, gwat ngi sojehey durmuk kukur mufaɗ, a cohom a mbuŋ Bumbulvuŋ, kini ng'ar li micay ngi Zeriko.

ZOZUWE 4:13 Iomraidhean Croise

BUYOY MUCUW NAŊ 25:5

Amma soje Babiloŋhoy a sipaka buyo ara jakaŋ is ar sozo a Zeriko. Akẽh na, soje naŋhay gar a zliɗam hirnga mber mber, a pulakaŋ ɗoɗok pal naŋ.

BI NGI ISRAYELEY 13:18

Vurˀe, Buymisemuŋ a ngizli ti taŋ ti wuzla ɓuh mikirɗak kirɗak mara bi ar mubuliy lavaɗa. Israyeley mibam ti Ezipte na, vu kaˀ kaˀ ti gwat ngi vurumoy.

ZEREMI 39:5

Amma soje Babiloŋhoy tuwa, a gidiɗaka taŋ, ara jaka is da Sedekiyas ar li micay a Zeriko. A joko di, a soko di da Nabukodonozor buy madiɗa ngi Babiloŋ a Ribla, hirwuy Hamat, joˀ Nabukodonozor a gaŋ kiita.

ZEREMI 52:8

Amma soje Babiloŋhoy a gidiɗaka taŋ, ara jaka is da buy Sedekiyas ar li micay a Zeriko. Soje naŋhay a zliɗam hirnga mber mber, a pulakaŋ ɗoɗok.

SLUFA VU 32:17

A dirba nah, ndra vuna i sa hilaka gwat ngi vurumoy kutum, i pam sek a mbuŋ Israyele, i ki saka taŋ sesẽŋ a hirwuy muvulaka taŋ di. Ziri ndrahay a sa ndiram aka, ar walahayay mugun gun ti moholoy hanayna, ɓa taŋ zlaɗ lambaˀ da mizli ngisi ruwuy hana ta.

EFESEY 6:11

Kaka gwat ngi vurum ngi Buymisemuŋ mavula na, ɓa ki cicam zlak a mbuŋ wer ngi Satana gu.

Slu cuw 3:18

Akẽh na, i ɓukukum mingiɓi ɗu ani ɗaˀ ɗaˀ: «Muvulukum hirwuy hana da kum, i Bumbulvuŋ Buymisemuŋ kum. Wurenna, anja migi vurumoy gar, a hilaka gwat ngi vurum taŋhaya, ɓa a tuwuɗaka mizaw Zurdeŋ, sek a mbuŋ sukum kum Israyel mekelemeye.

ZOZUWE 4:12

Ziri ngi Rubeney, ngi Gatay waɗ reta ngi sukwi ngi Manase, taŋ a cohom dumbuŋ a mbuŋ, vu kaˀ kaˀ, ti sila ti sila, kaɓa Moyis miɓa taŋ di tuwa.

ZOZUWE 4:14

Tapasa, Bumbulvuŋ a tiri ti Zozuwe madiɗa avu Israyeley gar. Joˀ mizli gar a zluwunam di ar siifa naŋ gar, kaɓa taŋ muzluwunam ti Moyis zleˀe na ya.

ZOZUWE 5:10

Israyeley a pam a Gilgala, a gaka muguzlum Paka angi hin mukuruˀ nga mufaɗ ngi kiya nah vuna, ngi pastaˀ naŋ, a Zeriko.

MIGI KIITAHAY 20:1

Israyeley gar a cikilam a Mispa a mbuŋ Bumbulvuŋ, ˀay purla. A soko tika tika gar, zle a Daŋ tir vay muŋ, hã a Berseba tir vay ruwuy waɗ ti ruwuy Galaˀat tisi pas ngi mipriki.