ZOZUWE 4:11 - Bible en langue guiziga

¹¹ Mizli, ti taŋ mutuwuɗam nga dubazaw vay diga, a kiɗ mi le muduba na, akoti ngi Bumbulvuŋ ati masayaya, a kam ɓaˀ a mbuŋ mizli a muŋ.

ZOZUWE 4:11 Iomraidhean Croise

EZAYI 52:12

Kum masa bam na, anja ti wusa vu ta, yo kisa ram ti zluwun kir kir kutum ta ma. Asi masa ru ɓaˀ a mbuŋ kumo, i Bumbulvuŋ, yo soje miɓaˀ a dirba kumo, i Buymisemuŋ ngi Israyel.

ZOZUWE 24:11

Ani ki tuwuɗoko mizaw Zurdeŋ le, ki ndiloko le a Zeriko. Naŋ kanah ma, ti sukwi ngi Perizihey, Kanaˀanay, Hitihey, Girgasihey, Hivihey waɗ Zebusihey gar na, yi vulukum taŋ le gar asi haŋ kumo.

ZOZUWE 3:17

Masayay, majijiraka akoti ngi jumoˀay ngi Bumbulvuŋ, a cicam dedeŋ ar li mingbaŋ ngbaŋ a wuzla mizaw Zurdeŋ, ko a wusam neˀ ta. Dar mizli Israyeley gar a tuwuɗaka mizaw Zurdeŋ ti sar njiraŋ njiraŋ, hã zigiduw gar a tuwuɗu.

ZOZUWE 3:8

Naka so na, masayay majijiraka akoti ngi jumoˀaya, ɓa taŋ ɗaˀ le: ‹Da kum misa ndilam le a mi mizaw Zurdeŋ na, ki cam nga hur mizawa, ki cicam dedeŋ anga.›»

ZOZUWE 4:10

Masayay majijiraka akoti ngi jumoˀaya, a cicam dedeŋ a wuzla mizaw Zurdeŋ, hã gwat Bumbulvuŋ miɓa ɗaˀ le da Zozuwe ɓa a ɓa da Israyeley tuwa, a gi wãˀ kwaɗay. A gi kasl kasl kaɓa Moyis miɓa ɗaˀ le da Zozuwe tuwa. Joˀ mizli a wusam vu ngi tuwuɗa mizawa kutum kutum.

ZOZUWE 4:12

Ziri ngi Rubeney, ngi Gatay waɗ reta ngi sukwi ngi Manase, taŋ a cohom dumbuŋ a mbuŋ, vu kaˀ kaˀ, ti sila ti sila, kaɓa Moyis miɓa taŋ di tuwa.

ZOZUWE 4:18

Masayay majijiraka akoti ngi jumoˀay ngi Bumbulvuŋ, ara boko ti wuzla mizaw Zurdeŋ tuwa so. Ti taŋ mumuɗoko saraya ceɗ ceɗ tir yama, ɓa a ɗuvaka taŋ nga ruwuy mingbalaŋ ngbalaŋ si na, yam ngi mizaw Zurdeŋ a mo fuyõh ng'ar li naŋ, dar a ɓul vra vra, nga naŋ nga naŋ kaɓa misi zleˀe a muŋ.