ZOZUWE 3:8 - Bible en langue guiziga

⁸ Naka so na, masayay majijiraka akoti ngi jumoˀaya, ɓa taŋ ɗaˀ le: ‹Da kum misa ndilam le a mi mizaw Zurdeŋ na, ki cam nga hur mizawa, ki cicam dedeŋ anga.›»

ZOZUWE 3:8 Iomraidhean Croise

BUYOY MUCUW NAŊ 2:6

Eli a ɓa Elize: «Ambuh takwa, ka cifi aka, vur Buymisemuŋ ara sliniy nga mizaw Zurdeŋ.» Elize a mbiɗaŋ di: «Ti slimiɗ ngi Buymisemuŋ, yo ti slimiɗ ɗik, ka hirnga ɗik vuna, hadam, y'anta puluw ta.» Joˀ taŋ cuw taŋ a ram nga mizaw Zurdeŋ.

ƁI NGI HINEY MUCUW NAŊ 29:15

A kusoko sukum taŋhaya, a tiram taŋ pal. A dirba nah, a ram nga bi ti dili ngir hay ngi Bumbulvuŋ, kaɓa buy miɓa, yo kaɓa mingiɓi ngi Bumbulvuŋ.

ƁI NGI HINEY MUCUW NAŊ 29:27

Ezekiyas a ɓa mizli, a gam mikuli mizlam zlam ar li gi mikuli, yo hirak ti taŋ mira zlaka gi mikuli mizlam zlam tuwa na, a zlaka zli dimis ngi hunuma Bumbulvuŋ ya, a faka za raˀahaya asi gwat ngi kiɗ ngi dunguroy, Davit, buy Israyel miɗiya taŋ tuwa.

ƁI NGI HINEY MUCUW NAŊ 29:30

Akẽh na, buy Ezekiyas ati buyoy a ɓaka leviheye, ɓa a hunumaka Buymisemuŋ ti dimis ngi Davit ati ngi Asaf, mbur mupur na. Dar levihey a hunumakaŋ ti mumul, a huruk hurukam, a hurukom a mbuŋ Buymisemuŋ.

ƁI NGI HINEY MUCUW NAŊ 30:12

Asi ruwuy Zuda kwana, Buymisemuŋ ara gi slra, ɓi ngi buy ati mizli hirnga naŋhay miɓaka na, ɓa mizli, jom ˀay purla, a gaka kaɓa Bumbulvuŋ miɓa.

NEHEMI 13:22

A dirba nah na, yi ɓa Leviheye, anja a gam mezegwel ngi zuɓa hiryi geˀ le, ɓa a sa ram nga jigina mizlingreheye, ɓa hin ngi sabat a sa ndir i hin mipal. Aw Buymisemuŋ ɗu, wulka ɓi ɗu keŋ, asi slra hana takwa! Puriy ircece asi ka teŋteŋ haɗa.

NEHEMI 13:28

Mangal ada pal asi ziri ngi Yoyadahaya, i dideˀ ngi Eliyasip, masay madiɗa, yo i jomo ngi Sanebalat, mbur Hori. Yi ɓula ɓak kileŋ avu Zeruzaleme.

BI NGI ISRAYELEY 14:13

Moyis a ɓa mizli: «Ki zluwunam ta! Cicam gidaŋ gidaŋ! Dana, kisa puraka Bumbulvuŋ masa luhukumo. Kum mupuraka Eziptehey dana ani na, kum anta sa puraka taŋ mata ndiɗaˀ wãˀ.

TUWUY 3:26

Laha vu ngi Bumbulvuŋ na, naŋ kuy ɓa mbur a njih hiri aseˀe ti mi teˀteˀe.

ZOZUWE 3:17

Masayay, majijiraka akoti ngi jumoˀay ngi Bumbulvuŋ, a cicam dedeŋ ar li mingbaŋ ngbaŋ a wuzla mizaw Zurdeŋ, ko a wusam neˀ ta. Dar mizli Israyeley gar a tuwuɗaka mizaw Zurdeŋ ti sar njiraŋ njiraŋ, hã zigiduw gar a tuwuɗu.

ZOZUWE 3:3

a ɓaka mizli ɗaˀ le: «Da kum mupuraka levi masayaya le, a zuɓaka akoti ngi jumoˀay ngi Bumbulvuŋ, Buymisemuŋ kumo le na, pulaka li misenna, sipaka taŋ.

ZOZUWE 3:7

Bumbulvuŋ a ɓa Zozuwe: «Dana na, i sa tiri ti ka madiɗa a hirnga Israyeley gar, ɓa a sinaka, yi sa ndir ati ka kaɓa ya misi zleˀe ati Moyis na ya.

ZOZUWE 3:9

Akẽh na, Zozuwe a ɓa Israyeleye: «Kirohoko ng'aka, ɓa ki cinaka mingiɓi, Bumbulvuŋ Buymisemuŋ kum maɓukum di anihĩ.»

ZOZUWE 4:11

Mizli, ti taŋ mutuwuɗam nga dubazaw vay diga, a kiɗ mi le muduba na, akoti ngi Bumbulvuŋ ati masayaya, a kam ɓaˀ a mbuŋ mizli a muŋ.