ZOZUWE 3:6 - Bible en langue guiziga

⁶ Yo Zozuwe a ɓa masayaya: «Zuɓaka akoti ngi jumoˀaya, a ram ɓaˀ a mbuŋ mizli.» Dar taŋ a zuɓaka akoti ngi jumoˀaya, a ram ɓaˀ a mbuŋ mizli.

ZOZUWE 3:6 Iomraidhean Croise

BUYOY MUDUMBUŊ NAŊ 8:3

Mizli micawwa ngi Israyeley a soko, joˀ masayay a jijiraka akoti ngi jumoˀaya.

ƁI NGI HINEY MUCUW NAŊ 5:4

Mizli micawwa ngi Israyeleye, ti taŋ mindiloko gar na, Levihey a zuɓaka akoti.

MISE 2:13

Mbur mangirukum jiviɗe, ara ru ɓaˀ a mbuŋ kumo, ki ngiraka jiviɗ purla le, ki tuwuɗaka mizlingre le, yo ki bam le ti raˀa. Miɓaˀ a mbuŋ kum ngi kis kumo, i buy kum Bumbulvuŋ.

SLUFA VU 10:33

Israyeley a pulaka muwã ngi Bumbulvuŋ tuwa, a zuɓam jiviɗe, a gam hin makir ar li ru. Levihey majijiraka akoti ngi jumoˀaya, a ram di a mbuŋ, ɓa a luuma taŋ li ngi pi sara.

SLUFA VU 14:15

Na wurenna ma na, ki wuɗo ngizla sukwi ɗike kuɗup ar li purla si na, sukwi ngi mizli misinaka gwat ka miga gar na, a sa ɓam:

HEBEREY 6:20

Yesu a ci le vur ndra ar li nah dumbuŋ ar ndra si, a ci ngi wãˀ hã ngi sete, asi a tiri masay madiɗa a mbuŋ Buymisemuŋ le kaɓa Melkisedek.»

ZOZUWE 3:3

a ɓaka mizli ɗaˀ le: «Da kum mupuraka levi masayaya le, a zuɓaka akoti ngi jumoˀay ngi Bumbulvuŋ, Buymisemuŋ kumo le na, pulaka li misenna, sipaka taŋ.

ZOZUWE 3:5

A dirba nah na, Zozuwe a ɓa mizli: «Zuɓaka hiryi kumoy avra, asi tiprike, Bumbulvuŋ a sa gi gwat ngi zuma hirngahay a wuzla kumo.»

ZOZUWE 3:7

Bumbulvuŋ a ɓa Zozuwe: «Dana na, i sa tiri ti ka madiɗa a hirnga Israyeley gar, ɓa a sinaka, yi sa ndir ati ka kaɓa ya misi zleˀe ati Moyis na ya.

ZOZUWE 6:6

Zozuwe, mangal ngi Nuno, a zilo masayaya, a ɓa taŋ na: «Zuɓaka akoti ngi jumoˀaya, yo masayay tarnaˀa, mbur gar a zuɓ fugum ngi durum ngi zlengereke, a ram a mbuŋ akoti ngi Buymisemuŋ.»