ZOZUWE 3:16 - Bible en langue guiziga

¹⁶ dar yam maɓul a mizawa tir vay muŋ naŋ na, a cici. A ki totoŋ ɓultoŋ, naŋ zar kileŋ hã a Adam, walahay ngi ciki Sartaŋ. Yo yam maɓul jik kini ngir ti wuzlaɓuh mikirɗak kirɗak, mubuliy mandaŋ na kwana, a sli tasl wãˀ. Joˀ mizli a tuwuɗaka mizawa hiri taˀ nga Zeriko.

ZOZUWE 3:16 Iomraidhean Croise

ZLI VIRZI 14:3

Buy muzlum hanayna, a kusom a ˀayzaw ngi Sidim, a zilaka wurenna mubuliy mutuwak.

BUYOY MUDUMBUŊ NAŊ 4:12

Baˀana, mangal ngi Ahilut, i buy miwi li ngi Taˀanak ati ngi Megido, waɗ ngi ruwuy vay Bet-Seyaŋ. Hirwuy vay Bet-Seyaŋ a ndil le ngbasl a Sartaŋ ti virzi ngi Zisreyel. A zli zle a Bet-Seyaŋ hã a Abel-Mehola, waɗ tuwaɗ Yokmeˀam.

BUYOY MUDUMBUŊ NAŊ 7:46

A paka gwat tayna gar ti pi ndar ndar a ruwuy, ar sozo ngi Zurdeŋ, ar wala ngi ruwuy Sukot ati Sartaŋ.

DIMISEY 114:3

Mubuliy mupura Israyeley keɗ na, a wucuh wucah a mbuŋ taŋ, mizaw Zurdeŋ kwana, a kurus kuras nga dirba.

DIMISEY 114:5

Mubuliy, mulumuw i mi ɓa ki wucuh wucah naka? Na, ka mizaw Zurdeŋ, ki kurus kuras nga dirba vur mike?

DIMISEY 29:10

Bumbulvuŋ a ro ar mekepel, ara zum buy. Bumbulvuŋ a ro ar janga naŋ, i buy madiɗa ngi sete.

DIMISEY 33:7

A tika yam ngir mubuliye ti totoŋ, mubuliy miciɗak ciɗakaya, a cica taŋ kiŋkiŋ ar li purla.

DIMISEY 66:6

A mbiɗa mubuliye, a tiri di ruwuy migidaŋ gidaŋ, mizli a cohom a mizawa, ti sar njiraŋ njiraŋ. Mumulukum vur gwat madiɗa naŋ miga nah.

DIMISEY 77:19

Ka miga le, ɓa vuŋ a ndisl, a cin nga mbuŋ nga mbuŋ na, wucuɗ naŋ a pusluɗa duniya cay ar li babara, Hirwuy a wus, a jijik ngbir ngbir.

DIMISEY 78:13

A wucaha mubuliye wucah, ɓa a cuh ti taŋ ti raŋ, a cica yama toŋ toŋ kaɓa mohol.

BI NGI ISRAYELEY 14:21

Moyis a zuɓa haŋ ng'ar mubuliye, kap ngi duvuɗo, Bumbulvuŋ a kursa yam ngir mubuliye ti burkataŋ gambara maso tisi pas ngi miprik, a hila yama, yam a wucuh wucah, li a ndir ngbalaŋ ngbalaŋ.

BI NGI ISRAYELEY 14:22

Israyeley a tuwuɗaka mubuliye ti sar njiraŋ njiraŋ. Yam a gi toŋ toŋ tir hazum taŋ, toŋ toŋ tir gula taŋ kaɓa mohol.

BI NGI ISRAYELEY 14:29

Amma Israyeley a tuwuɗaka mubuliye zleˀe ti sar njiraŋ njiraŋ, yam a gi toŋ toŋ ti hazum, toŋ toŋ ti gula kaɓa mohol.

BI NGI ISRAYELEY 15:8

Musuwun ngi hutuŋ ɗike, a cikila yam ar li purla, yam a cici kaɓa mitika ti tiki, a ngi diɓel kaɓa mohol.

EZAYI 50:2

A gi mbri kanah ka! Yi so na, i lum mbur pal le ta, vurmike? Yi zil vu na, mbur miziliy mi anta pal le ta, vurmike? Hirbazla ɗu naŋ dugule malla gbusl haɗa ngi tuɓukumo kwa? Gidaŋ a kic le avu ya ngi laha hirnga kumo kwa? Puraka ɗi, i buca mubuliye le ɓar na, mubuliy a hisik ngbasl. Mizaw misi yamaya, i tiri taŋ ɓuh kirɗak kirɗak, yam misi anta ar taŋ ta tuwa na, dar kilifey a micam, a zãˀãm hirɓislik hirɓislik.

EZEKIYEL 47:8

A ɓiy na: «Yam misenna a ɓul kini ng'asi pas ngi mipriki, ara pi sar ng'ar sozo ngi mizaw Zurdeŋ, ɓa ara ci ng'ar mubuliye. Naŋ mici le ar mubuliy na, naɓa a tiri le i yam mezle.

NAHUM 1:4

A mbura himaˀ da mubuliye, a hisik ngbatataŋ, a hisika yam ngi mizawaya cek. Ɓuh ngi Basaŋ ati Karmele, a vus ti vus, gwat tukuzo ngi ruwuy Libaŋhay a ɓutom.

HABAKUK 3:8

Bumbulvuŋ, a ji mevel le ar zlazlaraya kwa? Mevel majuw na, ar zlazlaray kwa? Ka maslikiɗ himaˀ fõh fõh na, ng'ar mubuliy kwa? Ka majiɗ ar pilisey, ar mota ngi vurumoy na, ngi luuma bugawla kwa?

SLUFA VU 34:3

Tir vay ruwuyo, maakway a zlo a wuzlaɓuh mikirɗak kirɗak ngi Sin, hã a sipa Edomo silaɓɓa. Tisi pas ngi miprike, maakway a zlo zle tir vay hirwuy ngi mubuliy mumuca.

Slu cuw 1:1

Ɗerewol hana, a sluf di i ɓi Moyis miɓa da Israyeley gar ti taŋ misi tisi pas ngi miprik ngi mizaw Zurdeŋ, ar papala migweˀ avu walahay Suf, misi ar wala ngi Paraŋ, Tofel, Labaŋ, Haserot waɗ Di-Zahap.

Slu cuw 3:17

ati Araba. Tisi pas ngi pastaˀa kwana, maakway a sipi sozo ngi mizaw Zurdeŋ, ar wala ngi miyam madiɗa ngi Zenezaret ati mubuliy mutuwak, hã sesẽŋ a sar muwã Pisga tisi pas ngi mipriki.

ZOZUWE 12:3

A wa wuzlaɓuh mikirɗak kirɗaka le ma, hã sesẽŋ a mi mubuliy Kinerot tisi pas ngi miprik naŋ, sesẽŋ a mi mubuliy mandaŋ, misi tisi pas ngi miprik, ar jiviɗ ngi Bet-Yesimot, yo tir vay ruwuyo sesẽŋ ar muzugudum ngi muwã Pisga bal bal ti prok naŋhaya.

ZOZUWE 15:2

Maakway taŋ vay ruwuyo, a zli zle ar kiɗa mi ngi mubuliy Mandaŋ, zle avu ruwuy mici roɗɗo ng'ar mubuliy, tir vay ruwuy naŋ.

ZOZUWE 16:7

Akẽh na, a pi sar ti Yanoˀa nga Atarot ati Naˀara, a ndil a Zeriko, waɗ ara kiɗo mi a mizaw Zurdeŋ.

ZOZUWE 3:13

Bumbulvuŋ, miwa hirwuy gara, masay majijirakaŋ akoti ngi jumoˀaya, da sar taŋ misa ci le kulaˀ angi yam ngi mizaw Zurdeŋ si na, yam maɓul a mizawa, ti muŋ naŋ na, a sa sli, a sa gi totoŋ kaɓa mohol.»

ZOZUWE 4:22

kisa mbiɗaka taŋ di na: Israyeley a tuwuɗaka Zurdeŋ hana, ti sar njiraŋ njiraŋ.

ZOZUWE 5:1

Buy madiɗa ngi Amorihey misi ti dubazaw Zurdeŋ, kini tisi pas ngi pastaˀ naŋ, yo buy madiɗa ngi Kanaˀanay misek duba cakay ati mubuliy Mediterane, a cinaka le, Bumbulvuŋ a hisika yam ngi mizaw Zurdeŋ le hisik a mbuŋ ndra, hã i cohom. Taŋ micinaka cin kanah na, a huluɓa taŋ hilaɓ hilaɓ, yo ko a musuwunam fẽh a mbuŋ Israyele gu mata.

MIGI KIITAHAY 7:22

Tulum miskat skat makir tuwa mazilam mi na, Bumbulvuŋ a zlira Madiyanay ar li pi sar ti guɗuko keɗeɗe, a ngumam vu ar wala taŋ tehhe a muŋ. Mizli gar ara kilam, hã sesẽŋ a Bet-Sita, jik dibiɗ nga Sereda, hã sesẽŋ a mi mizaw Abel-Mehola, gweˀ avu Tabat.