ZOZUWE 3:1 - Bible en langue guiziga

¹ Ngi miprik prik naŋ na, Zozuwe ati Israyeley gar a slikiɗam baɗ a Sitime, ara ndilam a mi mizaw Zurdeŋ, a hinam a diga ɗagay, ɓa a sa tuwuɗama.

ZOZUWE 3:1 Iomraidhean Croise

ZLI VIRZI 21:14

Abraham a slikiɗ cẽẽt, a hil ɗaf waɗ yam zlor zlor ar kwenekwene, a vula taŋ da Agara, a lupaŋ mangala lup nga duba, a ɓulaŋ. Agar a ru, ara liˀi kiŋkiŋ a wuzlaɓuh mikirɗak kirɗak ngi Berseba.

ZLI VIRZI 22:3

Abraham a slikiɗ cẽẽt, a juwa zungu naŋ, a hil gawla naŋhay cuw, waɗ mangal naŋ Izaka. A puɗuk dum ngi gi mikuli mizlam zlam wãˀ a haŋ, aru ng'ar li Buymisemuŋ mubugaŋ di tuwa.

DIMISEY 119:60

I wus vu le ngi ja ɓimuɗuva ɗikey a hirnga, ko i zum vu neˀ le ta.

ZEREMI 25:3

«Diga vi kuruˀ nga makir ngi Zoziyas, mangal ngi Amoŋ mazum buy a ruwuy Zuda hã wurenna, a mbiɗeˀvra vi kukur cuw nga makir na, Bumbulvuŋ a ɓiy mingiɓi naŋ le da ya, ya kwana, i ra ɓukum di, ko mbak le anta, amma ko ki cinikiy di ta.

ZEREMI 26:5

gawla mijiviɗ ɗuwoy, ya maslinukum taŋ mbak le ta na, da kum anta cinaka mingiɓi taŋ ta, na zle kum anta cinaka vuna ta si.

ZEREMI 7:13

Ani wurenna keɗ keɗ na, ki gaka gwat malambaˀ tayna le gar, i ɓukum ɓi nah le, ko mbak le ta ngbaŋ, amma ko ki cinaka ta, i zilukum le ngbaŋ ni, amma ko ki zilikiy mi ta. I ya Bumbulvuŋ maɓi.

MISE 6:5

Mizli ɗuwoy, inga wulkaka ayɗi, Balak, buy Moˀap a juwa le a kwacay naŋ zleˀe ngi gukum malambaˀa, yo Balaˀam, mangal ngi Beˀor a mbiɗaŋ mingiɓi le, yo ki cohom le zle a Sitim nga Gilgal, hana gar na, ɓa kisa sinaka bugawla nga ya Bumbulvuŋ.»

SLUFA VU 25:1

Israyeley a pam a Sitim. A zlaka a gam sulome lambaˀ ati ngwas Moˀapay,

Mark 1:35

Ngi miprik, ngi li biŋ biŋ aruŋ na, Yesu a slikiɗ, a bi, aru nga pala silaŋ pal naŋ. Joˀ a dir dibiɗ a diga.

ZOZUWE 2:1

Zozuwe, mangal ngi Nuno, a slin mizli cuw, zle a Sitime, ɓa ara puroko li yaŋ yaŋ. A ɓa taŋ: «A ra puroko hirwuyo waɗ walahay Zeriko.» Mupura lihey tuwa, a ram nga Zeriko, a cam ngi hay ngwas sulome ada, a zilaka Rahap, a hinam a hay naŋ.

ZOZUWE 6:12

Ngi miprik prik na, Zozuwe a slikiɗi, joˀ masayay a zuɓaka akoti ngi Buymisemuŋ, a ram di.

ZOZUWE 6:15

Ngi hin mitarnaˀ naŋ so na, a slikiɗam ngi li biŋ biŋ, a gunoko hirnga ngi walahaya is tarnaˀ ti jiviɗ mupurla kaɓa misi zleˀe. Amma taŋ mugunoko hirnga ngi walahaya hã is tarnaˀ na, sey tapasa tewle si ɓula.

ZOZUWE 7:16

Zozuwe a slikiɗ ngi miprik prike, a ɓa sukwi Israyele gar, ɓa a kiroho ng'avaŋ, vur sukwi vur sukwi. A sikam haŋ avu sukwi ngi Zuda.

ZOZUWE 8:10

Ngi miprik, prik prik na, Zozuwe a slikiɗi, a pura mizli keɗ keɗe. A dirba nah, naŋ ati mizli micawwahaya, taŋ sek a mbuŋ mizli, a ram nga gi vurum a Aya so.

MIGI KIITAHAY 20:19

Israyeley a slikiɗam ngi li, ara pam sar gweˀ avu Gibeya.

SAMUYEL MUDUMBUŊ NAŊ 17:20

Davit a slikiɗ cẽẽt ngi miprik prik. A pula tumuŋhoy avu mijigin mekelem. A zuɓa gwat ngi ru ti taŋ a haŋ tuwa, aru kaɓa Zese miɓaŋ di, waɗ ara ndil ar li pi sar ngi sojeheye. Kasl ti nah na, naɓa sojehey ara bam nga cinjih, ara wudam widi ngi vurum.