ZOZUWE 24:7 - Bible en langue guiziga

⁷ Ar nah na, dideˀ kumoy a zlaka hiziga widi kaˀ ng'avi ya Bumbulvuŋ, joˀ yi go luvuŋ ar wala ngi dideˀ kumoy ati Ezipteheye, waɗ i sirta Ezipteheye ngbulum ti yam ngi mubuliy. Gwat ya miga da Ezipte na, ki puraka le ti hiri kum. A dirba nah na, mizli kumoy a zikam le vi mbeˀ mbeˀ haɗa a wuzlaɓuh mikirɗak kirɗaka.

ZOZUWE 24:7 Iomraidhean Croise

BI NGI ISRAYELEY 14:10

Israyeley tuwa, keɗ na, Eziptehey ara supoko taŋ, yo buy Ezipte naŋ gweˀ si! Zluwun a ga Israyeleye le haɗa, a wudam ng'avu Bumbulvuŋ ˀay ngar ngar.

BI NGI ISRAYELEY 14:20

A cici ar wala ngi Eziptehey ati Israyeley. Gazlavay a gi luvuŋ tir vay mekeleme, tir vay numuŋ, a ga li njahha ti duvuɗo. Akẽh na, kap ti duvuɗo, mbur makirih ng'avi cala anta.

BI NGI ISRAYELEY 14:31

Israyeley a puraka gidaŋ Bumbulvuŋ mikiɗ di Eziptehey na le. Dar a zluwunam ti Bumbulvuŋ, a pulaka mevel taŋ da Bumbulvuŋ waɗ da gawla naŋ Moyise.

Slu cuw 1:46

Joˀ ki ndiram a Kades-Barneya, ki zikam haɗa.

Slu cuw 2:14

Zle Kades-Barneya, hã tuwaɗ mizaw ɗugur ngi Zereɗe, i gam a jiviɗe, vi kukur makir nga dangafaɗa. Hã mizli migam vurum migam vurum, zle ar ndra mislikiɗoko na gar, a tikam pay a wuzla mizli. A gi kaɓa Bumbulvuŋ miɓa taŋ di ti hudum tuwa.

Slu cuw 29:2

Bonoy madiɗahay, cekenehey ati gwat migam ɗaˀ tahay naŋ miga taŋ na, ki puraka taŋ le ti hiri kumo ngbaŋ.

Slu cuw 4:34

Malla kuli muguf ɗaˀ ngi tuɓo mizli naŋhaya, tisi haŋ ngi mesene taŋhay ti ga taŋ bonoy, ti gi cekenehey ati gwat migam ɗaˀ tahay, ti gi vurum, ti haŋ naŋ migidaŋ, ti hirbazla paɗ a muŋ, ti gi zluwun haɗi da mizli, kaɓa Bumbulvuŋ Buymisemuŋ kumo mgukum di, mur kum a Ezipte na, ki puram le ɗaˀ kwa?

HEBEREY 3:17

Yo angi vi kukur mufaɗ, Buymisemuŋ mislikiɗ himaˀ vuna ar waniyka? Ar mizli migam mungra, mindilam, mumucahay ɓaˀ ɓaˀ a wuzlaɓuh mikirɗak kirɗak na ta kwa?

ZOZUWE 5:6

Asi mike na, Israyeley a gam a wuzlaɓuh mikirɗa kirɗaka, vi kukur mufaɗ ar li ru. Hã mizli muboko ti Ezipte, mindilaka vi ngi gi vurum le gar na, a micam cek, asi taŋ micinaka mi da Bumbulvuŋ ta. Mbak hã Bumbulvuŋ a hudum. Hirwuy maɓul ɗuwa ati mam, naŋ miɓa ti hudum da dideˀ taŋhay, ɓa a sa vula ndra di na, ko a pula taŋ ɓa a zãˀãka ta.