ZOZUWE 24:16 - Bible en langue guiziga

¹⁶ Mizli a mbiɗaka da Zozuwe na: «Ɓa i pulaka Bumbulvuŋ, i gam mezegwel da kulihey na, kay, kite i gam di i gwat malambaˀ mukuyta wãˀ le!

ZOZUWE 24:16 Iomraidhean Croise

DIMISEY 119:106

Hadam, i ɓa le, ɓa ɓi mijeŋŋe ka mujuwa a mevel gar na, i ja taŋ a hirngaŋ.

ROMAHAY 3:6

Ndiɗaˀ wãˀ si! Asi da Buymisemuŋ naŋ anta jeŋŋe ta na, a sa ga kiita da duniya mbri mbrike?

ROMAHAY 6:2

Kay, kanah ta wãˀ! Avi ɓi ngi gi mungra na, ndr'i mumucahay ɓula. Na, i sa ndiram angi mungra mbri mbri aruŋ maka?

ZOZUWE 22:29

Da i ndiram li gi mikuli le ngi gi mikuli mizlam zlam, sedege ti gwat ngi migamay malla mikuli mekelemey, mbak li gi mikuli ngi Bumbulvuŋ Buymisemuŋ ndra, misi a mbuŋ hay naŋ na le na, naɓa i gam di i mungra mukuyta wãˀ, i slikiɗam di i ɓi avu Bumbulvuŋ, i mbiɗam di i duba avu Bumbulvuŋ dana.»

ZOZUWE 24:15

Amma, da gi mezegwel da Bumbulvuŋ a cirukum hiri ta na, wunam mbur ngi gaŋ mezegwele dana so. Kuli, dideˀ kumoy migaka taŋ mezegwel zleˀe a dubazaw Efrat na kwa, malla da kuli ngi Amorihey, kum misi angi hirwuy taŋ wurenna na kwana, wunam so. Amma ya ati mizli ngi hay ɗuwoyo ndr'i sa gam mezegwele da Bumbulvuŋ.»

ZOZUWE 24:17

Asi mike na, Bumbulvuŋ Buymisemuŋ ndra i naŋ. I naŋ mubo ti ndra ati dideˀ ndraˀahaya baɗ ti hirwuy Ezipte, tir li gi beke. Gwat madiɗa mabigi gwatay na, a ga taŋ le a mihiri ndra ani: angi jiviɗ ndra muzuɓaka gar, yo ndra mucohom a wuzla sukwi ngi mizli angi hirwuy wal wal gar na, mijigina ndra i naŋ.

SAMUYEL MUDUMBUŊ NAŊ 12:23

Nga ya kwana, ɓa i pula tumbulo Buymisemuŋ vur kumo na, i mungra mukuyta wãˀ avu Buymisemuŋ. Jiviɗ mezle, yo mikaslsla na, yi sa bugukum di nga mbuŋ nga mbuŋ ava.