ZOZUWE 24:13 - Bible en langue guiziga

¹³ Hirwuy kum mulumam gir vurˀe lum le ta na, yi vulukum di le da kum. Walahay misi i kum mindiraka taŋ ta na, ki ra cifam angi taŋ. Gudubunoy ati tutumburoy, misi i kum ming'aka taŋ ta na, ki ra zumaka yi taŋhaya.»

ZOZUWE 24:13 Iomraidhean Croise

BI NGI ISRAYELEY 6:8

I sa ci ti kum nga hirwuy ya muvula da Abraham, da Izak waɗ da Zakop haŋ paɗ a muŋ na. I sa vulukum di da kum. I ya Bumbulvuŋ maɓukum.»

MIKUCUWULOY 13:22

Mbur mezle a sa pula zlili naŋ da dideˀ naŋhay, amma zlili ngi mbur migi mungra, a wam di vu da mbur mijeŋŋe.

Slu cuw 19:1

Bumbulvuŋ Buymisemuŋ kum, a sa ngizla sukwi ngi mizli mekelemeye a mbuŋ kumo, ɓa a vulukum hirwuy taŋ da kum. A dirba nah kisa tiɓaka gwat taŋhaya, kisa pam asi ruwuy taŋ, ki cifam ar walahay taŋhay.

Slu cuw 8:7

Moyis a ɓi: Bumbulvuŋ Buymisemuŋ kum, a wuɗ a ci ti kum nga hirwuy mezle, i hirwuy misi mekepel ara zuɓu, hirwuy misi miviɗiviɗi ngi yamay, misi yam mamulo tir mijileŋ naŋ ngi ruwuy ng'ar li micay malla ng'ar muwãhay.

ZOZUWE 11:13

Amma so na, walahay ngir li miɗingir ɗingirey gar na, ko Israyeley a wuram purla le asi taŋ ta, sey walahay Hasor pal naŋ, Zozuwe muwura na si.

ZOZUWE 21:45

Naŋ kine, gwat mezlehey Bumbulvuŋ miɓa taŋ da sukwi Israyel gar na, misi ɓa a gi ta na, anta, a gam le gar muduba.