ZOZUWE 24:11 - Bible en langue guiziga

¹¹ Ani ki tuwuɗoko mizaw Zurdeŋ le, ki ndiloko le a Zeriko. Naŋ kanah ma, ti sukwi ngi Perizihey, Kanaˀanay, Hitihey, Girgasihey, Hivihey waɗ Zebusihey gar na, yi vulukum taŋ le gar asi haŋ kumo.

ZOZUWE 24:11 Iomraidhean Croise

ZLI VIRZI 15:19

I hirwuy ngi Kenihey, ngi Kenizihey, ngi Katmonihey,

DIMISEY 105:44

A vula taŋ hirwuy ngi sukwi mekelemeye, a ciram tisi slra ngi mizli mekelemey migakaŋ,

DIMISEY 114:3

Mubuliy mupura Israyeley keɗ na, a wucuh wucah a mbuŋ taŋ, mizaw Zurdeŋ kwana, a kurus kuras nga dirba.

DIMISEY 114:5

Mubuliy, mulumuw i mi ɓa ki wucuh wucah naka? Na, ka mizaw Zurdeŋ, ki kurus kuras nga dirba vur mike?

BI NGI ISRAYELEY 13:5

Yo ti Bumbulvuŋ misa ci ti kum le nga hirwuy Kanaˀan, hirwuy Hiti, Amori, Hivi ati Zebusi, hirwuy naŋ miɓa ti hudum a mbuŋ dideˀ kumoy, a sa vulukum di na. I hirwuy misi ɗuwa waɗ mam maɓulom ara. Ki sa ga mezegwel nah angi kiya nah.

BI NGI ISRAYELEY 23:23

Modro ɗu a sa ki ɓaˀ a mbuŋ kumo, yo a sa ci ti kum nga hirwuy ngi Amorihey, Hitihey, perizihey, Kanaˀanay, Hivihey, waɗ angi hirwuy ngi Zebusihey. I mizli ya masa ngizla taŋ a mbuŋ kumo.

BI NGI ISRAYELEY 23:28

I sa slin ti mengevel a mbuŋ kumo, ɓa a ɓula Hivihey, Kanaˀanay waɗ Hitiheye daf le ar kum masa ndilama.

BI NGI ISRAYELEY 23:31

I sa ɗuva hirwuy kumo zle a mi mubuliy lavaɗ, hã sesẽŋ a mi mubuliy Mediterane, zle a wuzla ɓuh mikirɗak kirɗak ngi Sinaya, hã sesẽŋ a mizaw Efrata, asi i sa vulukum mizli ngi digahaya asi haŋ kum, ɓa ki ɓulaka taŋ a mbuŋ kumo.

BI NGI ISRAYELEY 3:17

Yo yi ɓi: I sa bi ti kum tir bonoy kum a Ezipte na nga hirwuy ngi Kanaˀanay, Hitihey, Amorihey, perizihey, Hivihey ati Zebusihey misi araŋ, nga hirwuy misi ɗuwa ati mam maɓulom araŋ.

BI NGI ISRAYELEY 3:8

I po sar le ɓa i laha taŋ tisi haŋ ngi Ezipteheye, yo ɓa i ru ti taŋ tir hirwuy hana, nga hirwuy mezle mikirngiŋ, ngir ti ruwuy misi ɗuwa ati mam, ara ɓulom ara, ngir tivi hirwuy Kanaˀanay, Hitihey, Amorihey, Perizihey, Hivihey waɗ Zebusihey misi araŋ.

BI NGI ISRAYELEY 33:2

I sa slina modro ɗu ɓa a kusukum, i sa ɓula Kanaˀanay, Amorihey, Hitihey, perizihey, Hivihey waɗ Zebusihey a mbuŋ kumo.

SLRA 13:19

Yo a dirba naŋ miziza sukwi wal wal tarnaˀ angi hirwuy Kanaˀan na, a wunka taŋ hirwuy taŋ, ɓa a zumaka wãˀ.

SLRA 7:45

Guɗuk nah na, dideˀ ndrahay a lumakaŋ, Zosuwe muru ti taŋ na, a zuɓaka a haŋ, nga hirwuy taŋ mitiɓaka avu sukwi ngi mizli Buymisemuŋ muɓula taŋ a mbuŋ taŋ na, guɗuk nah a ndir hã a ndila hin ngi Daviti.

Slu cuw 7:1

Moyis a ɓi: Bumbulvuŋ Buymisemuŋ kum, a sa ru ti kum nga hirwuy masa ndir da kum na, yo a sa ɓula sukwi ngi mizli haɗi a mbuŋ kumo, sukwi madiɗa madiɗa tarnaˀ, misi ti gidaŋ fineˀ kum. I Hitihey, Girgasihey, Amorihey, Kanaˀanay, Perizihey, Hivihey, waɗ Zebusihey.

ZOZUWE 3:10

A dirba nah, Zozuwe a ɓa taŋ: «Bumbulvuŋ misi ti siifa, tapas naŋ masa ɓula mizli a mbuŋ kum: I kanaˀanay, Hitihey, Hivihey, Persihey, Girgasihey, Amorihey waɗ Zebusihey na, kisa sinaka naŋ da a wuzla kumo gisiŋ na ava.

ZOZUWE 4:1

Sukwi Israyele, ti taŋ mutuwuɗaka mizaw Zurdeŋ a kiɗ mi le muduba na, Bumbulvuŋ a ɓa Zozuwe:

ZOZUWE 4:19

Israyeley mutuwuɗaka Zurdeŋ na, naɓa i hin kuruˀ ngi kiya mudumbuŋ naŋ. A pam ti guɗuk taŋhaya a Gilgal, ar maakway ngi Zeriko, tisi pas ngi miprik naŋ.

ZOZUWE 4:23

Bumbulvuŋ Buymisemuŋ kum, a hisika yam ngi Zurdeŋ hana hisik a mbuŋ kumo, hã ki cohom, kaɓa Bumbulvuŋ, Buymisemuŋ kumo migi ti mubuliy lavaɗ na ya. A hisika yama hisik a mbuŋ ndra, hã i cohom ti sar njiraŋ njiraŋ.

ZOZUWE 9:2

a jumom purla arleˀe, ɓa ngi kiɗa vu ati Zozuwe waɗ Israyeleye.