ZOZUWE 23:7 - Bible en langue guiziga

⁷ Sukwi ngi mizli tayna mindiram a wuzla kumo aruŋ na, ko ki jumom ati taŋ ta. Ko ki zilaka slimiɗ ngi kuli taŋhay na avu mi kumo ta. Ki hudumom ti kuli taŋ tayna ta. Ki gaka taŋ mezegwel ta, yo ki hurkom a mbuŋ taŋ ta ma kini.

ZOZUWE 23:7 Iomraidhean Croise

BUYOY MUCUW NAŊ 17:12

A huruk hurukam a mbuŋ kulihey, dambalaka Buymisemuŋ a ɓa taŋ le ani vurˀe: «Ki ra gaka gwat misi kanah ta!»

BUYOY MUCUW NAŊ 5:18

Na so na, gwat ya gawla ɗik ma ga ani na, anja Buymisemuŋ a pula ɓi nah avra takwa: Kumani ɗu, buy Siri, ti naŋ mira ci ng'ar hay ngi kuli naŋ Rimoŋ, ɓa a huruk huruk a mbuŋ naŋ na, sey ya kwana, yi huruk huruk a ruwuy aya, ɓa buy a huruk huruk ar haŋ ɗu. Da ya misa huruk huruk le ar hay ngi kuli Rimoŋ na, ya gawla ɗike, gwat ya ma ga nah na, anja Buymisemuŋ a pula ɓi nah avra.»

ƁI NGI HINEY MUCUW NAŊ 7:19

Amma da ki mbuɗam duba le avu ya, ki pulaka ɓimujuwa ɗuwoy ati ɓimuɗuva ɗuwoy, ya muɗuva taŋ a mbuŋ kum na le, da ki ra gam mezegwel da kulihey, ki ra huruk hurukam a mbuŋ taŋ na,

BI NGI ISRAYELEY 20:5

Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa.

BI NGI ISRAYELEY 23:13

Yo kam slimiɗ kuy kuy ar gwatay ya muɓukum taŋ na gar. Ki zilam kulihey ta, anja mizli a cinaka slimiɗ taŋ avu mi kumo ta wãˀ.

BI NGI ISRAYELEY 23:33

Ki pulaka taŋ jiviɗ ɓa a pam asi ruwuy kumo ta, vur taŋ mahizigiɗukum, kisa gam mungra avu ya, kisa gam kuli taŋhay, naɓa ki cam le ar kwar ngi kuli taŋhaya.»

MIKUCUWULOY 4:14

Ki ci sar kulaˀ le ar jiviɗ ngi misi moˀoreheye ta, ki sipa sar ngi migi gwat malambaˀahaya ta.

ZEREMI 12:16

Da a dubunaka gi gwata le kuy kuy kaɓa mizli ɗuwoy, yo da ara hudumom ti slimiɗ ɗu, a ɓam: «Hadam ti slimiɗ ngi Bumbulvuŋ misi ti siifa!» kaɓa taŋ mudubunaka hudum ti slimiɗ ngi Baˀal zleˀe da mizli ɗuwoy na, naɓa a sa cifam ti hay taŋhay a wuzla mizli ɗuwoyo.

ZEREMI 5:7

«Zeruzalem, da ka kahana na, i puluw mungra ɗike mbri mbrike? Ziri mizile ɗikey a pulikiy le mbaka. A hudumom ti gwat lambaˀhay. I kiɗa taŋ maya le ngbaŋ, gar ti nah kwana, ara gam madama na si, a roko ngiraɓ ngiraɓ a hay ngwas sulomehey.

Ɗerewol OZE 2:17

Ar nah so na, i sa maŋ ti guva ngi gudubun naŋ a muŋ, sozo ngi hiryi a Akor, i sa tiri di miviŋ ngi njaha hiri, a sa mahiri ngi gwat ngi gi naŋhay kaɓa ar hin ngi diili naŋ, kaɓa ar hin ngi naŋ mubo ti Ezipte.

SOFONI 1:5

Mizli majiɗam ng'ar gbale ɓa ngi huruk a mbuŋ wurzlaŋhay, mizli mahurkom a mbuŋ Bumbulvuŋ yo a hudumom ti slimiɗ ngi kuli taŋ Milkom,

SLUFA VU 32:38

Nebo, Baal-Meyoŋ waɗ walahay Sipma, a caka slimiɗ nawaya da walahay mekelemey, taŋ mindiraka hiri naŋhay a muŋ na.

SLUFA VU 33:55

Amma da ki ɓulaka mizli ngisi ruwuy tayna fec fec a mbuŋ kumo ta na, masa ndiram purla purla a wuzla kumo na, a sa gukum bonoy kaɓa ciita a hiri, kaɓa hadaw ar sar. A sa jiginam mi avu kumo, angi hirwuy kum mipam ara tehhe a muŋ.

KORENTIHEY MUDUMBUŊ 15:33

Ki gam gilaw da vu kum ta: «Cil ndra malambaˀhaya, ara hiryam ndra joˀ ndra mezle.»

EFESEY 5:11

Anja ki jumom ar gwat ngi gi malambaˀ ngir luvuŋ na ta. Zuwen njuyoko taŋ avra jaka.

Slu cuw 10:20

Zluwunam ti Bumbulvuŋ Buymisemuŋ kumo, huruk hurukam a mbuŋ naŋ, hinam mevel aseˀe tewle, yo kisa hudumomo, sey ti slimiɗ naŋ.

Slu cuw 6:13

Ki cinakaŋ mi, ki huruk hurukam a mbuŋ naŋ pal naŋ. Ki hudumom sey ti slimiɗ naŋ.

Slu cuw 6:14

Dilikam a mbuŋ naŋ, mbak a mbuŋ kuli ngi mizli mugun hirnga kum na le.

ZOZUWE 23:12

Sukwi mekelemey mindiram a wuzla kum na, da ki mbiɗam duba le avu Bumbulvuŋ, ɓa ki jumom ng'avu taŋ, ki ra zuɓam vu ar wala kumo, ki ra ram ngi hay taŋ, taŋ kwana, ara soko ngi hay kumoyo ya na,

ZOZUWE 23:8

Amma kumo, kum jumom ng'avu Bumbulvuŋ, Buymisemuŋ kumo tewle, kaɓa kum mugoko di hã a ndilo ani dana na.