ZOZUWE 23:15 - Bible en langue guiziga

¹⁵ Naŋ kine so, ɓi ngi gwat mezlehey, Bumbulvuŋ, Buymisemuŋ kumo muɓukum di na, a gam le tiɗeˀe. Naŋ kanah ya, ɓi malambaˀhay, Bumbulvuŋ, Buymisemuŋ kumo miɓa vur kum na kwana, a sa ga taŋ tiɗeˀe ya. Sey da naŋ mingizlukum le kuɗup wãˀ angi hirwuy mezle, Bumbulvuŋ, Buymisemuŋ kumo vuna muvulukum di hana.

ZOZUWE 23:15 Iomraidhean Croise

BUYOY MUDUMBUŊ NAŊ 14:15

A dirba nah, Bumbulvuŋ a sa kiɗa mizli Israyeleye, dar a sa jijikam kaɓa himiɗ mawusa lavaɗ a mimizaw. A sa muɗa taŋ avra tir hirwuy mezle, naŋ muvula da dideˀ taŋhay. Joˀ a sa zliɗa hirnga taŋ mber mber ti duba zaw Efrat. Gwat masa ndilawa avu taŋ i hana, asi taŋ miɗiyam kuli Asera ti dum. Naŋ kine, gwat miga ɓa Bumbulvuŋ a slikiɗ himaˀ na, i nah.

BUYOY MUDUMBUŊ NAŊ 8:56

«Sise da Bumbulvuŋ muvula zuy da Israyel, mizli naŋhay, kaɓa naŋ miɓa ɗaˀ le zleˀe na. Ɓi mezlehey, naŋ miɓa taŋ, muboko ti balam Moyis gar na, ɓa mindir munja a gi slra na, anta.

EZAYI 24:6

Vurˀe, hirwuy ara wur, asi Buymisemuŋ minisaŋ, bonoy naŋ, naŋ a hirnga mizli ngi raˀahay. Vurˀe, mizli ngisi ruwuyo, ara wuram, ko a ndiram haɗa mata.

ZEREMI 32:24

Ani Babiloŋhoy a mbaka muyuŋ le mbeˀ mbeˀ, hãka ngi ndila moholo ngi walahaya si, taŋ gweˀ ngi tiɓi naŋ. Yo ma na, a sa vulaka walahay asi haŋ taŋ, a gucoko mi le da walahaya ti maslalam, ti may waɗ ti jiji mozorbono, i taŋ masa tiɓaka ti gidaŋ. Ɓi ka ɓi micica le na, a gi, ka ki pura ti hiri tewle.

ZEREMI 32:42

Bumbulvuŋ a ɓi: «Haˀaw kaɓa ya muso ti mendere madiɗahay gar nga hirnga mizli hanayna na, gi mezlehey ya ɓi micica ɓi nah ngi ga taŋ di gar na, i sa ga taŋ di cek cek kanah ya.

ZEREMI 35:17

Vurˀe, Bumbulvuŋ misi gidaŋ wãˀ, Buymisemuŋ ngi Israyel a ɓi na: ‹Yo mbak ɗagay so! Bonoy ya ɓi micica ɓi nah ngisa ga taŋ di gar na, i sa go taŋ ng'ar Zudahay waɗ ng'ar Zeruzalemey gar. Asi yi ɓa taŋ ɓi na, ko a cinikiy di ta, yo i zila taŋ na, ko a zilikiy mi ta.»

LEVIHEY 26:3

Ɓimujuwa ɗuwoyo, da ki ra sipaka taŋ, ɓimuɗuva ɗuwoyo da ki ra jaka taŋ a hirnga, yo da ki ra gam taŋ slra na,

TESALONIKEY MUDUMBUŊ NAŊ 2:16

Ɓimezle ngi laha mizli Yudehey ta na, a tikam ndra ɓa i tilam di mi ta. Naŋ kine, a gam mungra le haɗi hã a mba Buymisemuŋ le. Vurˀe, wurenna ara zuɓ himaˀ fõh fõh nga hirnga taŋ.

MIGI KIITAHAY 13:1

Israyeley a gam malambaˀ le a mbuŋ Bumbulvuŋ siima, dar Bumbulvuŋ a vula taŋ asi haŋ ngi Filistihey hã vi kukur mufaɗ.

MIGI KIITAHAY 3:12

Israyeley a zlaka gi malambaˀ le a mbuŋ Bumbulvuŋ si ma, vurˀe, Bumbulvuŋ a vula gidaŋ da Egloŋ, buy Moˀapa, ɓa a cici ti gidaŋ a hirnga Israyeleye, asi a gam gwat malambaˀ le avu naŋ Bumbulvuŋ.

MIGI KIITAHAY 3:8

Bumbulvuŋ a slikiɗ himaˀ fõh fõh ar Israyeleye, dar a vula taŋ ngi hiɗik da Kusan-Risatayim, buy Mesopotami, a gam gawla naŋhay hã vi dangafaɗa.

MIGI KIITAHAY 6:1

Israyeley, a gam malambaˀ le a mbuŋ Bumbulvuŋ si ma. Joˀ Bumbulvuŋ a vula taŋ asi haŋ ngi mizli Madiyanay hã vi tarnaˀ.