ZOZUWE 23:12 - Bible en langue guiziga

¹² Sukwi mekelemey mindiram a wuzla kum na, da ki mbiɗam duba le avu Bumbulvuŋ, ɓa ki jumom ng'avu taŋ, ki ra zuɓam vu ar wala kumo, ki ra ram ngi hay taŋ, taŋ kwana, ara soko ngi hay kumoyo ya na,

ZOZUWE 23:12 Iomraidhean Croise

ZLI VIRZI 2:24

Vurˀe, mbur mizile a sa pula cine ati mumuŋ, ɓa a jumom ati ngwas naŋ, a sa tiram dumvu purla.

ZLI VIRZI 34:3

A slrup ti Dina slrap, a wuɗaŋ haɗi teˀe, a wuɗ ɓa Dina a hina mevele aseˀe.

BUYOY MUDUMBUŊ NAŊ 11:2

Sukwi manja sipi Bumbulvuŋ tayna vuna, Bumbulvuŋ a ɓa Israyeleye le vur ɓi taŋ ngbaŋ, a ɓa taŋ na: «Ki jumom ati taŋ ta, yo taŋ kwana a jumom ati kumo ta ya, asi mike na, a sa sirkukum ngi huruk huruk a mbuŋ kuli taŋhay.» Na ma na, Salomoŋ a gumbuˀ nga naŋ ng'avu ngwas mulak ngir sukwi tayna jak ma, asi may wuɗa ngwas naŋ.

BUYOY MUDUMBUŊ NAŊ 11:4

Naŋ kine, ti Salomoŋ migi gal na, ngwas naŋhay a sirkakaŋ, a huruk huruk a mbuŋ kulihey, mbak Salomoŋ, mevele anta kaslsla avu Bumbulvuŋ, Buymisemuŋ naŋ mata, nga naŋ pal avu ngi cine naŋ Davit zleˀe.

DIMISEY 125:5

Amma mizli masipam jiviɗ muslurkoɗ gar na, Bumbulvuŋ ɗu, anja ki ɓula taŋ avra wãˀ, jom ati migi malambaˀhaya! Anja Israyel a ndir zuy zuy.

DIMISEY 36:3

A ɓi ɓi mezle vur vu naŋ haɗi, ɓa a lum malambaˀ ava, yo ɓa a hirsa vu naŋ na, anta.

EZAYI 1:4

Sukwi migi mungrahay, kum ar bonoy, mizli migi mungra madiɗahay, sukwi ngi migi malambaˀay, kum i ziri mitikinahay le. Ki pulaka Bumbulvuŋ le, Buymisemuŋ mipal ngi Israyel na, ki hirsakaŋ, ki mbiɗakaŋ duba le.

EZEKIYEL 18:24

Amma mbur mijeŋŋe mupula gi gwat mijeŋŋe naŋ na le, a gi gwat malambaˀhay rak rak kaɓa gi gwat mukuyta wãˀ ngi mbur misi moˀore tuwa ya na, a ndir ti siifa sukwani? Slra mijeŋ, naŋ miga taŋ zleˀe gar na, anta sa wulkaka ɓi nah keŋ mata. A muc asi gi teŋteŋ ta naŋ ati mungra naŋ miga taŋ na, a muc asi taŋ.

SOFONI 1:6

mizli mambuɗikiy duba da ya Bumbulvuŋ, masipikiy ta, yo macufuɗikiy ngi gi gwat taŋhaya ta na, i sa ngizla taŋ avra.

Matiye 12:45

Joˀ a ru, ara zilo setene mekelemey tarnaˀ mufunakaŋ ti malambaˀ ma, a soko, a cam a hur mbur tuwa, a cifam. Yo kpak ngi mbur nah na, a tiri malambaˀ le fineˀ joˀ naŋ misi zleˀe. A sa gi ti mizli malambaˀ migweneheye kanah ya.»

Ɓimezle ngi Yesu Kristu ZAŊ mitil di mi 6:66

Zle tapasa, mizli ngi seˀehey haɗa a pulakaŋ, a ram aseˀe mata.

ROMAHAY 12:9

Anja ki wuɗam vu ti kwacay purla. Hirsaka gi malambaˀa, ki pulaka gimezle ta.

Slu cuw 6:15

Asi Bumbulvuŋ Buymisemuŋ kumo misi a wuzla kum na, i Buymisemuŋ mawuɗ vu suloŋ suloŋ, a wuɗ mandir i naŋ pal naŋ. Jam lesl, anja ki gakaŋ gwat ngi ji mevel ta, vur naŋ masusuyumukum asi ruwuyo leɗeɗ wãˀ.

Slu cuw 7:3

Ki zuɓam vu ar wala kum ati taŋ ta. Ki vulaka ziri diili kumoyo da ziri gawla taŋhay, ɓa a zuɓaka taŋ ta, yo kumo kwana, ki wunam ziri diili taŋhay da ziri gawla kumoyo ta ya.

Slu cuw 7:4

Naɓa mizli mulak tayna, a sa sirikaka dideˀ kumoyo, ɓa a mbiɗam duba avu Bumbulvuŋ, ɓa a huruk hurukam a mbuŋ kulihey. Yo Bumbulvuŋ kwana, a sa ji mevel ar kum, a sa ngizlukum pay kutum.

ZOZUWE 23:11

Sey ki jam lesl kuy kuy vur hirnga kumo so, wuɗaka Bumbulvuŋ Buymisemuŋ kumo.

ZAŊ MUDUMBUŊ NAŊ 2:9

Mbur mawa vu naŋ ka naŋ ar li minjahha, amma ara hirsa sukum naŋ ma na, naŋ angi luvuŋ aruŋ na si.

MIGI KIITAHAY 14:3

Miyi naŋhay a ɓakaŋ: «Ɓa hã ki ra zuɓ ngwasa a wuzla Filisti manja ci mizaway na, diili ngi zuɓo anta a wuzla ziri diili ngi sukum ɗikey ati muy ndraˀahaya ta kwa?» Amma Samsoŋ a ɓa cine: «Yi hiyĩ nga ya i naŋ, ara zuɓiy di ngi ngwasa.»

MIGI KIITAHAY 3:6

A zuɓam ziri mongoso taŋhaya, taŋ kwana, a vulaka ziri mongoso taŋhaya da ziri taŋhaya, yo a gam mezegwel a mbuŋ kuli taŋhaya ma.