ZOZUWE 22:9 - Bible en langue guiziga

⁹ Naŋ kine, dideˀ ngi Rubeney ati ngi Gatay waɗ reta ngi sukwi ngi Manase, a mam ngi hay taŋhay a muŋ. A pulaka Israyeley a Silo, hirwuy Kanaˀan, a ram nga Galaˀat, hirwuy nga taŋ, Bumbulvuŋ miɓa taŋ di ɗaˀ le ti balam Moyis ɓa a ndir da taŋ.

ZOZUWE 22:9 Iomraidhean Croise

SAMUYEL MUCUW NAŊ 2:9

A caŋ buy a diga ɓa a zum buy ar hirwuy Galaˀat, hirwuy Aser, Zisreyel, hirwuy Efrayim ati hirwuy Benjameŋ, a wuɗ a ɓi na, a hirwuy Israyel gar si.

ƁI NGI HIN GAR MUDUMBUŊ NAŊ 5:9

Tisi pas ngi miprike, a pam ndah ndah, hã sesẽŋ a miher ngi wuzlaɓuh mikirɗak kirɗak, mawuɗoka walahay taŋ ati mizaw Babiloŋ mazilaka Efrat, asi tir vay Galaˀat nah na, taŋ ti gezleŋ ngi ginewey haɗi.

DIMISEY 60:7

Laha ndra ti gidaŋ ɗiki, zila ndra mi, ɓa ndra yeme ɗikey na, i laham.

SLUFA VU 32:1

Dideˀ ngi Rubeney ati ngi Gataya, taŋ ti ginewey haɗi, a zli ta. A puraka li vay Yazer ati Galaˀata keɗ na, a tiɓaŋ le da gineweye.

SLUFA VU 32:20

Moyis a mbiɗa taŋ di: «Gaka kaɓa kum miɓaka na. Hilam gwat ngi vurumoy nga kiɗa vu a mbuŋ Bumbulvuŋ.

SLUFA VU 32:22

hã da hirwuy gar a hin hirnga le a mbuŋ naŋ na, a dirba nah so na, kisa moko nga hirwuy kumo, naɓa gwat, ɓa Bumbulvuŋ ati Israyeley a mbuɗukum hirnga aseˀe na, ki gam ta. Dar Bumbulvuŋ a sa vulukum ciki mizaw Zurdeŋ vay ngi ka da kumo.

SLUFA VU 32:26

I sa pulaka ngwas ndrahay, ziri ndrahay, ginew ndrahay ati gwat misãmi ndraˀahaya gar, a sa ndiram ar walahay ngi Galaˀatay aka.

SLUFA VU 32:29

A ɓa taŋ: «Da dideˀ ngi Gat ati ngi Rubeney a hilam gwat ngi vurumoy le, a tuwuɗam le ati kum nga dubazaw Zurdeŋ, nga gi vurum a mbuŋ Bumbulvuŋ na, a junukum le ɓa hirwuy a hin hirnga a mbuŋ kumo na, naɓa kisa vulaka taŋ hirwuy Galaˀata da taŋ.

Slu cuw 3:18

Akẽh na, i ɓukukum mingiɓi ɗu ani ɗaˀ ɗaˀ: «Muvulukum hirwuy hana da kum, i Bumbulvuŋ Buymisemuŋ kum. Wurenna, anja migi vurumoy gar, a hilaka gwat ngi vurum taŋhaya, ɓa a tuwuɗaka mizaw Zurdeŋ, sek a mbuŋ sukum kum Israyel mekelemeye.

Slu cuw 3:20

Jinaka sukum kumoyo, ɓa hã Bumbulvuŋ a vula taŋ li cifi wãˀ, kaɓa naŋ muvulukum di da kum na ya, yo ɓa taŋ kwana, hirwuy vay si pas ngi pastaˀ ngi dubazaw Zurdeŋ, Bumbulvuŋ Buymisemuŋ kumo muvula taŋ di na, a lumaka wãˀaya. A dirba nah, mbur gar a mi nga hirwuy nga naŋ nga naŋ, ya muvulukum di tuwa.»

Slu cuw 34:1

Moyis a jiɗ zle ar li micay ngi Moˀapa ngir ti muwã Nebo, ng'ar mesengel ngi Pisga, misek duba cakay ati Zeriko. Bumbulvuŋ a bigaŋ hirwuyo gar: zle ar vay Galaˀat hã sesẽŋ a Daŋ.

ZOZUWE 13:11

Waɗ ma na, hirwuy Galaˀat ati hirwuy ngi mizli Gesurihey ati ngi Maˀakahay, waɗ hirwuy muwã Hermoŋ gar ati hirwuy Basaŋ, hã sesẽŋ a Salka.

ZOZUWE 13:25

Hirwuy taŋ mulumam nga taŋ i Yazer, walahay ngisi ruwuy Galaˀatay gar, waɗ reta ngi hirwuy Amoŋhey, hã sesẽŋ a Aroˀer, migweˀ avu Raba.

ZOZUWE 13:31

Reta ngi hirwuy Galaˀata, walahayay ngi ruwuy Asetarot ati ngi Edreyi, walahayay ngisi ruwuy Basaŋ, buy Ok mazum buy angi taŋ angi taŋ gar. Hirwuy tayna gar na, i ngi reta ngi dideˀ ngi Makirey muvulaka taŋ di vur muyo vur muyo, Makir mangal ngi Manase.

ZOZUWE 22:10

Dideˀ ngi Rubeney ati ngi Gatay waɗ reta ngi sukwi ngi Manase mimam na, ara ndilam a Gelilot a mi mizaw Zurdeŋ misi tir vay Kanaˀan. Dar a ndiram li madiɗa ngi gi mikuli, ndiwtiŋ, gweˀ avu mizaw Zurdeŋ.

MIGI KIITAHAY 20:1

Israyeley gar a cikilam a Mispa a mbuŋ Bumbulvuŋ, ˀay purla. A soko tika tika gar, zle a Daŋ tir vay muŋ, hã a Berseba tir vay ruwuy waɗ ti ruwuy Galaˀat tisi pas ngi mipriki.

MIGI KIITAHAY 5:17

Galaˀat a cifi hã duba Zurdeŋ. Na, Daŋ, ki cifi ar palalam ngi yamay vur mike? Aser a ndir a mi mubuliy, yo a cifi gweˀ avu li pi sar ngi palalam naŋhay.