ZOZUWE 22:11 - Bible en langue guiziga

¹¹ Israyeley a cinam, mizli a ɓam na: «Dideˀ ngi Rubeney ati ngi Gatay waɗ reta ngi sukwi ngi Manase, a ndiram li gi mikuli le a Gilo a mi mizaw Zurdeŋ tir vay Israyel, sek duba cakay ati hirwuy Kanaˀana.»

ZOZUWE 22:11 Iomraidhean Croise

Ɓimezle ngi Yesu Kristu ZAŊ mitil di mi 1:28

Gwat tayna gar a gam ar walahay Betani, ti dubazaw Zurdeŋ, ar li Zaŋ maci mizli ar yam.

Ɓimezle ngi Yesu Kristu ZAŊ mitil di mi 20:1

Cẽẽt ngi dimas, naɓa li mapur t'aruŋ na, Mariya ngi Magdala aru nga mizivi. A pura na, a gidigilaka ɗuguro le ti mizivi vuna.

Ɓimezle ngi Yesu Kristu ZAŊ mitil di mi 20:12

Keɗ na, modrohoy cuw, zana babarahay ɓaˀ ɓaˀ avu vu, joˀangi li mikaka vagay ngi Yesu anga tuwa, mekeleme tir li ki hirngaŋ, numuŋ tir li pi saray.

Slu cuw 12:11

Gwat ya maslufukum t'ani gar na, kisa ram taŋ da Bumbulvuŋ Buymisemuŋ kumo, ar li naŋ masa wunaŋ ngi biga vu naŋ na: mikuli mizlam zlam wãˀ, mikuli ngi jumoˀay, mikuruˀ ngi gwat ngi migam kumoy, waɗ gwat ngi vul ngi mongoy kum ati gwat gar kum majuwaka le a mevel kum ngi ji mi ngi Bumbulvuŋ.

ZOZUWE 2:7

Mizli tuwa, a sipaka taŋ kini nga mizaw Zurdeŋ, kini tir li ngi tuwuɗ a mizawa. Misipi mizli tuwa, mibam put tir walahaya si na, a gicaka mizlingre ngi walahaya giceˀ kutumo si.

ZOZUWE 22:10

Dideˀ ngi Rubeney ati ngi Gatay waɗ reta ngi sukwi ngi Manase mimam na, ara ndilam a Gelilot a mi mizaw Zurdeŋ misi tir vay Kanaˀan. Dar a ndiram li madiɗa ngi gi mikuli, ndiwtiŋ, gweˀ avu mizaw Zurdeŋ.

ZOZUWE 22:16

«Jum ngi mizli ngi Bumbulvuŋhoy a ɓam na: Gwat kum migaka ani da Bumbulvuŋ ngi Israyel na, i gwat malambaˀ madiɗa. Kum mindiram li gi mikuli hĩˀĩ da kum na, kite ki kiraham le dana avu Bumbulvuŋ, yo ki slikiɗam ɓi le avu Bumbulvuŋ takwa?

ZOZUWE 22:19

Da kaɓa ki puraka le, hiryi ada asi hirwuy kumo na, hirwuy ngi Bumbulvuŋ misi hay naŋ anga na, moko burok ng'ara a muŋ sini. Wuɗam li ɓa ki pam a wuzla ndra vuna si. Kum mindiram li gi mikuli mekelem a ciki ngi Bumbulvuŋ, Buymisemuŋ ndra na, ki slikiɗam di i ɓi ti slikiɗ avu Bumbulvuŋ waɗ avu ndra.

MIGI KIITAHAY 12:5

A dirba nah, li tuwuɗ ngi mizaw Zurdeŋhey ngir ti Efrayim gar na, mizli Galaˀatay a tikaka taŋ mbes mbes. Da mbur mikila ngi Efrayime, a ndilo le a mi mizawa, a ɓi le: «Pulikiy i tuwuɗ» na, mizli Galaˀatay a ɓakaŋ: «Ki mbur Efrayim kwa?» Da a ɓi le «aˀa» na,