ZOZUWE 22:10 - Bible en langue guiziga

¹⁰ Dideˀ ngi Rubeney ati ngi Gatay waɗ reta ngi sukwi ngi Manase mimam na, ara ndilam a Gelilot a mi mizaw Zurdeŋ misi tir vay Kanaˀan. Dar a ndiram li madiɗa ngi gi mikuli, ndiwtiŋ, gweˀ avu mizaw Zurdeŋ.

ZOZUWE 22:10 Iomraidhean Croise

ZLI VIRZI 12:7

Bumbulvuŋ a bugo vu da Abrama, a ɓaŋ: «I sa vula hirwuy hana da dideˀ ɗikey.» Abram a ɗiyi li gi mikuli da Buymisemuŋ mubugaŋ vu tuwa.

ZLI VIRZI 12:8

A cuh ti kẽh, aru kini nga sarmuwã tisi pas ngi miprik ngi walahay Betel. A ɗiya guɗuk naŋ a diga, ar wala ngi Betel tisi pas ngi pastaˀ waɗ Aya tisi pas ngi miprik. A ɗiyi li gi mikuli da Bumbulvuŋ a diga ma, a tumbuloŋ, a zilaŋ ti slimiɗ naŋ Bumbulvuŋ.

ZLI VIRZI 28:18

Zakop a slikiɗ ngi miprik prik, a zuɓa ɗugur naŋ mitih di hirnga tuwa, a nga kaˀ, a paŋ mal, ɓa a ndiri ɗugur mipal.

EZAYI 19:19

Ti hin nah na, a sa ndiram li gi mikuli da Bumbulvuŋ, a wuzla hirwuy Ezipte, waɗ a sa ngam ɗugur ngi Bumbulvuŋ gweˀ avu maakway naŋ.

ZOZUWE 22:11

Israyeley a cinam, mizli a ɓam na: «Dideˀ ngi Rubeney ati ngi Gatay waɗ reta ngi sukwi ngi Manase, a ndiram li gi mikuli le a Gilo a mi mizaw Zurdeŋ tir vay Israyel, sek duba cakay ati hirwuy Kanaˀana.»

ZOZUWE 22:9

Naŋ kine, dideˀ ngi Rubeney ati ngi Gatay waɗ reta ngi sukwi ngi Manase, a mam ngi hay taŋhay a muŋ. A pulaka Israyeley a Silo, hirwuy Kanaˀan, a ram nga Galaˀat, hirwuy nga taŋ, Bumbulvuŋ miɓa taŋ di ɗaˀ le ti balam Moyis ɓa a ndir da taŋ.