ZOZUWE 21:11 - Bible en langue guiziga

¹¹ A vulaka taŋ walahay Kiriyat-Arba, a zilaka Hebroŋ ma, naŋ tir vay Zuda waɗ li jigina ginewey mugun gun hirnga nah. Arba i slimiɗ ngi dideˀ ngi mizli Anakay.

ZOZUWE 21:11 Iomraidhean Croise

ZLI VIRZI 23:2

Sara a muc a Kiriyat-Arba, a mbiɗeˀvra Hebroŋ, ar hirwuy Kanaˀan. Abraham a so dika ngwas naŋ Sara.

ZLI VIRZI 35:27

Zakop a ndil a hay cine naŋ Izak a Mamre, a Kiriyat-Arba, i Hebroŋ misi Abraham ati Izak micifam zleˀe anga na.

SAMUYEL MUCUW NAŊ 15:7

Angi kiɗa mi ngi vi mizli ngir mufaɗ naŋ na, Absalom a ɓa buyo: «Puliy jiviɗ i ru nga Hebroŋ, ɓa i ra ga gwat ya miɓa ɗaˀ ɗaˀ le, i sa ga da Bumbulvuŋ zleˀe na.

ƁI NGI HIN GAR MUDUMBUŊ NAŊ 6:55

Yo angi reta ngi sukwi ngi Manase, a lumam hirwuy Ener, Bileˀam jom ti li jigina ginew taŋhaya. A vulaka hirwuy tayna cek da ziri mekelem ngi Kehatay.

Ɓimezle ngi Yesu Kristu LUK mitil di mi 1:39

Hin neˀ a dirba nah na, Mariya a bi, aru kutum nga hirwuy muwã, angi walahay mekelem ada a Yude.

ZOZUWE 14:15

Zleˀe na, a zilaka Hebroŋ vuna Kiryat-Arba. Arba i slimiɗ ngi mbur madiɗa a wuzla mizli Anakay. A dirba nah na, mizli a cifam zuy zuy asi ruwuyo ko vurum anta mata.

ZOZUWE 15:54

Humeta, Kiriyat-Arba, a zilaka Hebroŋ ma, waɗ Siyor, jom gar na, walahay madiɗahay ngoltir jom ti prok taŋhaya wãˀ wãˀ ma.

ZOZUWE 21:10

dideˀ ngi Aroŋhoy, muy ngi Kehatay, mangal ngi Levi. Naŋ kine, ceregezleŋ a diɗ dumbuŋ ar taŋ.

ZOZUWE 21:12

Amma guvahay ati prok ngi Hebroŋhoyo, a vulaka taŋ da Kalep, mangal ngi Yefune.

MIGI KIITAHAY 1:10

A dirba nah ma na, Zudahay ara kiɗaka Kanaˀan ngi Hebroŋhoyo, a zilaka Hebroŋ vuna zleˀe Kiriyat-Arba, a kiɗaka mizli Sesayay ati Ahimaŋhay waɗ Talmayaya.

SAMUYEL MUDUMBUŊ NAŊ 30:31

da ngi Hebroŋhoy, waɗ lihey gar, Davit mucuh le ti kẽh gar ati mizli ngi seˀeheye na, a slinaka taŋ ti gwata.