ZOZUWE 20:9 - Bible en langue guiziga

⁹ A wunaka walahay tayna, ɓa Israyeley waɗ mulakay misi a wuzla taŋ, da mbur mikiɗ hirnga le gar, da a ga waˀwaˀ ta na, ara ɗum a diga. Naŋ kine, mbur mupula cuwala, manja a gakaŋ kiita a wuzla jum ngi mizli na, naŋ anta sa kiɗaŋ vagay ta.

ZOZUWE 20:9 Iomraidhean Croise

SLUFA VU 35:13

Ki wunam walahay madiɗa madiɗa merkeɗ ngi ɗum ar taŋ.

SLUFA VU 35:15

Ko wa gar mikiɗ hirnga le, da ko i mbur Israyel, ko mbur mislikiɗo ti slikiɗ malla mulak ngir sar kwana, da a kiɗ hirnga le, i waˀwaˀ ta na, ara ɗum ar walahay pal a wuzla mimerkeɗ tayna.

ZOZUWE 20:4

Mbur mikiɗa hirnga tuwa, naŋ mindil le ar walahay pal asi taŋ na, a cici deŋ ar li ngi gi kiita a mizlingre ngi walahaya kwaɗay. Gwat naŋ miga na, a ɓa ɓi nah da mizli micawwa ngir walahay nah vuna. Mizli micawwa ngir walahayaya, a tiɓakaŋ ng'ar walahay avu taŋ. Joˀ a vulakaŋ li ngi cifi ti hay a wuzla taŋ.

ZOZUWE 20:6

Mbur mikiɗa hirnga tuwa, a cifi ar walahaya, hã jum ngi Israyeley a gakaŋ kiita ɗagay. Yo mbur magi mikuli ar hin nah na, hã a muc kwaɗay. A dirba nah so na, mbur mikiɗa hirnga tuwa, a sa mi ngi hay naŋ zuy, ng'ar walahay naŋ mikilo ti diga zleˀe tuwa.»

ZOZUWE 20:8

Ti dubazaw Zurdeŋ, kini ti hirnga Zeriko, tisi pas ngi miprike, a wunam di i walahayay ani: Beser a wuzlaɓuh mikirɗak kirɗak, ar miɗingir ngi sukwi ngi Ruben, Ramot, hirwuy Galaˀat ngi sukwi ngi Gat, waɗ Golaŋ, hirwuy Basaŋ, ngi sukwi ngi Manase.