ZOZUWE 2:9 - Bible en langue guiziga

⁹ Joˀ a ɓa mizli tayna tuwa: «I si na le, Bumbulvuŋ a vulukum hirwuyo le da kum. Zluwun ara ga ndra ti kum haɗa wãˀ, hã mizli ngisi hirwuy ndra gar, ara jijikam ngbaˀ ngbaˀ ti kumo.

ZOZUWE 2:9 Iomraidhean Croise

ZLI VIRZI 35:5

A dirba taŋ mislikiɗam ti kẽh na, Buymisemuŋ a ya zluwun cak cak da mizli ngir walahay mugun hirnga taŋ gar. Ko mbur mizli ɓi ngi sipa ziri ngi Zakopoy anta.

SAMUYEL MUCUW NAŊ 17:10

10 Akẽh na, ko soje gambara misi mevel ka mobor misa cine le na, a sa hĩhĩy. Asi mizli Israyeley gar a sinaka bunuko le, i mbur gambara, yo mizli ngi seˀeheye gar i soje gambarahay.

BUYOY MUCUW NAŊ 5:15

Neˀ si na, a moko ati mizli ngi seˀeheye ng'avu mijiviɗ ngi Bumbulvuŋ. A ci, ara cici deŋ a mbuŋ naŋ, a ɓaŋ: «Wurenna, i si na le, a si ruwuy gar na, Bumbulvuŋ mekelem anta, sey ar hirwuy Israyel tewle. Ambuh, gwat ya gawla ɗik mavuluw di hana na, inga tiɓa takwa.»

BUYOY MUCUW NAŊ 7:6

Asi mike na, Buymisemuŋ a ga, ɓa Sirihey a cinam hurum ngi mota ngi vurumoy ar li pi sar taŋ, hurum ngi sar ngi pilisey makilam, yo hurum ngi ru ngi sojehey haɗa maram. Ar nah kẽh na, Sirihey a zlaka a ɓam ar wala taŋ: «Buy Israyel a wuruk dala le da buy Hitihey ati buy Ezipteheye, ɓa a soko zlam ndra ngi kiɗa vu.»

NEHEMI 6:16

Mesene ndrahay ati sukwi ngi mizli mekelemey mugun hirnga ndra gar micinaka ɓi nah na, zluwun a ga taŋ le haɗa teˀe, akẽh na, taŋ vuna ti hirnga taŋ a puraka vu taŋ, a mam le a dirba. Taŋ a sinaka le, slra misenna migi gar na, asi Bumbulvuŋ ndra a ca haŋ naŋ le anga.

ESTER 8:17

Ar hirwuy ngi buy miwi li gar, ar walahay madiɗa gar, ɓi buy miɓa le ati ɓi naŋ ɓi micica, mindil le a diga gar na, avu Yudeheye, i mumul ati jiɗa mececẽleŋ, yo i muguzlum, i hin ngi zuma gwata. Mizli haɗi asi ruwuyo a tiram Yudehey, asi ara zluwunam ti Yudeheye haɗa.

Ɗerewol JOP 19:25

Ya na, i si na le kuy kuy, mimbiɗi hirnga ɗu naŋ da ti siifa, yo ar kiɗa mi naŋ na, a sa cici zlak a ruwuyo.

DIMISEY 112:10

Mbur misi moˀore mupuraŋ le keɗ na, a jaŋ mevel, a ngiriɗ sliŋ deŋ, a hĩhĩy le. Naŋ kine, njaha hiri ngi mizli misi moˀoreheye, a tiri gwat lambaˀ le.

DIMISEY 115:16

Muŋ, naŋ da Bumbulvuŋ pal naŋ, amma a vula ruwuyo le da mizli.

BI NGI ISRAYELEY 18:11

Wurenna, i si na le muduba, Bumbulvuŋ naŋ madiɗa fineˀ kuliheye, a biga ti Eziptehey maguzuvuraka Israyeley.»

BI NGI ISRAYELEY 23:27

I sa ga ɓa mizli micinam ɓi kum le gar na, a zluwunam kirkir, sukwi ngi mizli, kum miram le a hay taŋ gar na, i sa pa taŋ haŋ, mesene kumoy gar a sa mbiɗam duba, a kilam ti kumo.

TILA MI 8:12

Mbur migi mungra, anja a ga mungra naŋ na makaw skata, yo ara kiraha hin ngi siifa naŋ nga mbuŋ gu, amma yi si na le, masa mumulomo, «i mizli mazluwunam ti Buymisemuŋ, vur t'ada ti zluwun a mihiri naŋ.

EZAYI 19:1

Tila mi vur ruwuy Ezipte. Puraka Bumbulvuŋ ara sawa nga Ezipte. Naŋ ar gazlavay maru kutum. Kuli ngi Eziptehey ara jijikam a mbuŋ naŋ, yo mizli Eziptehey ara hĩhĩyam.

EZAYI 23:5

Ti Ezipte masa cine labara ngi gwat migi a Tir na, a sa jijik kirkir.

ZEREMI 27:5

«Miga muŋ ati hirwuy i ya, waɗ mizli titirahay ati ginew ngi si ruwuyoyo, i ya miga taŋ ti gidaŋ ɗu mihaɗa waɗ ti gidaŋ ɗu mupusak haŋ ngi wi mizli. I vula ko da waka gar ya mupura le kuy.

NAHUM 2:10

Hilaka ɓiri bara, yo hilaka ɓiri tapasl tapasla slar slar, asi zlili ngi raˀa anta kiɗ mi ta, gwat mupuɗaw puɗaway, mbaf mbaf a huroˀo.

SLUFA VU 20:14

Moyis a slin mizli zle a Kadese, ɓa ara ɓaka buy madiɗa ngi Edomo na: «Mingiɓi ngi sukum ɗik Israyeley ani: ki si na gwat mutuwaˀhay migam avu ndra na le gar.

SLUFA VU 20:24

«Aroŋ a sa muc gweˀ nga luuma dideˀ naŋhay muduba. N'anta sa ci nga hirwuy ya muvula da Israyeley na ta. Asi a cinaka mingiɓi ɗu ar miviɗiviɗi ngi Meriba na ta.

Matiye 20:15

Jiviɗ anta ɓa yi gi ti zlili ɗu ka ya mawuɗ ta kwa? Malla ki gi suloŋ vur yi mbur mezle na kwa?›

Slu cuw 11:25

Mbur masa cici zlak a mbuŋ kumo gu anta. Angi li kum misa ram le gar na, Bumbulvuŋ Buymisemuŋ kum, a sa ga ɓa mizli ngi digahay a zluwunam ti kum, a jijikam ti kum kirkir, kaɓa naŋ muɓukum di ɗaˀ le vuna si.

Slu cuw 2:25

Zle dana, i sa ga ɓa ki muɗaka didak da mizli, a zluwunam ti kum asi gazlavay kurzluˀ gar. Taŋ micinam ɓi kumo le cin si na, a jijikam ngbaˀ ngbaˀ ti zluwun a mbuŋ kumo.»

Slu cuw 28:10

Sukwi ngi mizli ngisi ruwuy keɗeɗe, a sa puraka, mizli mazulukum ti slimiɗ ngi Bumbulvuŋ na, a sa zluwunam ti kum.

Slu cuw 32:8

Ti Buymisemuŋ mimadiɗa muwunka hirwuy da mizli na, a sla taŋ maakwaya le weˀe avu taˀ ngi sukwi ngi mizli.

HEBEREY 11:31

Mizli macinam mi ta da Buymisemuŋ, Rahaɓ, ngwas sulome, a micam bumoˀ ati taŋ ta na, asi tiɓi. Asi ti di mizli mupura lihey musoko na, naŋ a tiɓa taŋ mulaka le ti zuy.

ZOZUWE 2:11

Ndra micinaka ɓi tayna na, a huluɓa ndra le hilaɓ hilaɓ wãˀ, ko i musuwunam fẽh a mbuŋ kumo gu mata. Asi Bumbulvuŋ Buymisemuŋ kum, i Buy a muŋ waɗ a ruwuy aka ma gar.

ZOZUWE 2:24

A ɓaka Zozuwe na: «Kay, Bumbulvuŋ a vula hirwuy nah le gar asi haŋ ndra gisiŋ. Ko mizli ngisi ruwuy ngi digahay vuna gar na, hã a jijikam kpar kpar a mbuŋ ndra ma kini.»

ZOZUWE 2:8

Mupura lihey tuwa, a hinam ɓa a hinjam t'aruŋ si na, Rahap a jiɗ ng'avi taŋ a hirnga gbale.

ZOZUWE 5:1

Buy madiɗa ngi Amorihey misi ti dubazaw Zurdeŋ, kini tisi pas ngi pastaˀ naŋ, yo buy madiɗa ngi Kanaˀanay misek duba cakay ati mubuliy Mediterane, a cinaka le, Bumbulvuŋ a hisika yam ngi mizaw Zurdeŋ le hisik a mbuŋ ndra, hã i cohom. Taŋ micinaka cin kanah na, a huluɓa taŋ hilaɓ hilaɓ, yo ko a musuwunam fẽh a mbuŋ Israyele gu mata.

ZOZUWE 6:2

Akẽh na, Bumbulvuŋ a ɓa Zozuwe: «Pura, i vuluw walahay Zeriko le asi haŋ ɗiki, jom ti buy madiɗa ngi raˀa waɗ soje naŋ miwirwirey na wãˀ.

ZOZUWE 9:10

Gwat naŋ miga da buy Amorihey mucuw misi ti dubazaw Zurdeŋ: Sihoŋ, buy Heseboŋ ati Ok, buy Basaŋ, micifi a Asetarot na, i cinaka ɓi nah le.

ZOZUWE 9:24

Mizli tuwa, a mbiɗaka da Zozuwe: «Bumbulvuŋ, Buymisemuŋ kumo, miɓa gawla naŋ Moyise ɗaˀ le, ɓa a sa vulukum hirwuy hana gar da kum, yo a sa ngizla mizli ngisi ruwuy hanayna gar a mbuŋ kumo na, ndra gawla ɗikey i cinaka ɓi nah le si. I zluwunam ti kum haɗa teˀe, ndra migam kahana na, vurˀe.

ZOZUWE 9:9

A mbiɗaka da Zozuwe: «Ndra gawla ɗikeye, i soko baɗ ti hirwuy mikileŋ, vur Bumbulvuŋ, Buymisemuŋ ɗik na, slimiɗ naŋ ara zil, yo gwat naŋ miga asi hirwuy Ezipte gar na, i cinaka ɓi nah le.

MIGI KIITAHAY 7:14

Cil naŋ tuwa, a mbiɗaŋ di: «Ko mbri, i maslalam ngi Zedeyoŋ, mangal ngi Yoˀas, mbur Israyel na si. Buymisemuŋ a vulaŋ Madiyanay ati walahay guɗuk taŋ gar asi haŋ naŋ.»