ZOZUWE 2:6 - Bible en langue guiziga

⁶ Dambalaka na, ngwas tuwa, a jiɗ ti taŋ le nga hirnga gbale a muŋ, waɗ a ɗumo taŋ ɗum asi dum ngi gugumay mislirkeɗ naŋ micikila zikitiŋ a hirnga gbale naŋ tuwa.

ZOZUWE 2:6 Iomraidhean Croise

SAMUYEL MUCUW NAŊ 11:2

Ngi pastaˀ naŋ mekelem ada na, Davit a slikiɗ tir li hin naŋ. Aru, ara liˀi a hirngi hay naŋ madiɗa. Naŋ misi a hirngi hay tuwa na, a puro ngwas ada, ara bun. Ngwas nah vuna, naŋ kuy teˀe.

SAMUYEL MUCUW NAŊ 17:19

Mumuŋ ngi hay a zuɓo gwat ka zana, a njira njar a mi vigiɗ ngi yam tuwa, waɗ a njik daw njak ara, ko mbur anta pur gwat neˀ ta.

BUYOY MUDUMBUŊ NAŊ 18:13

Zleˀe ada na, Zezabel ara kiɗa mijiviɗ ngi Bumbulvuŋhoyo. Yi ɗum mijiviɗeye le skat ar butumoy wal wal cuw, mizli kukur zlum kukur zlum. Yo yi vula taŋ gwat ngi zum le ati yama. Yi wa na, a slufukuw ɓi ngi gwat ya miga nah le takwa kumani?

BUYOY MUDUMBUŊ NAŊ 18:4

Ti di numuŋ ada na, maˀãy Zezabel ara ngizla mijiviɗ ngi Bumbulvuŋhoyo. Obadiya a hil mijiviɗey skat, ara ɗumo taŋ ar butumoy wal wal cuw, mizli kukur zlum kukur zlum, a vula taŋ gwat ngi zum ati yam.

BUYOY MUCUW NAŊ 11:2

Amma Yoseba, zuŋ ngi buy Zoram, i sukum mongoso ngi Ahaziya. Yoseba a zuɓa Zoˀas, mangal ngi Ahaziya ɗum ti ɗum ti wuzla sukum naŋhay, Atali mara kiɗaka taŋ na. A ra ɗumo taŋ ɗum ati ngwas migil naŋ angi viŋ mukulkuc ngi hin angi hay ngi Buymisemuŋ. Naŋ kahana taŋ muɗumokoŋ Zoˀas a mihiri ngi Atali. Vurˀe, Atali a luuma Zoˀasa ngi kiɗ vagaya ta.

BI NGI ISRAYELEY 2:2

Ngwas a gi hur, a yi mangal mizile, a pura na, naŋ kuy haɗa, a ɗumo ɗum hã kiya makir.

ZEREMI 36:26

Joˀ a pula jiviɗ da Yerameyel mangal kwacay naŋ, yo da Seraya, mangal ngi Azriyel, waɗ da Selemiya, mangal ngi Abdeyele, ɓa ara joko Baruk, mbur mutoho gwata, waɗ mijiviɗ Zeremi ma, amma Bumbulvuŋ a ɗumo taŋ le ɗum.

Matiye 24:17

Mbur misi a hirnga gbale, anja a po sar ngi zuɓa gwat misi a haya mata.

Slu cuw 22:8

Da ki ra ndiram hay nawaya na, ka midika hirnga nah le dak dak na, ndira mivay naŋ gun gun ti mohol. Da mbur a diɗo le ti ra, a muc le na, zayɓi naŋ a cukum ta.

KOLOSOY 3:3

Asi mike na, ki micam le, siifa kumo, naŋ da ɗum ati Kristu ar kum mujom ati Buymisemuŋ.

HEBEREY 11:23

Ti taŋ miyaka Moyis na, miyi naŋhay a ɗumokoŋ ɗum, hã kiya makir na, asi tiɓi. Vur a puraka le, mangal taŋ, naŋ kuy, ɓi ngi buy madiɗa ɓi micica na, a zluwunam ngila ɓi nah ta.

Ɗerewol ZAK 2:25

Naŋ kanah ya, Rahap, ngwas sulome, a tiɓa mislin ngi Israyeleye, a biga taŋ jiviɗ mekelem ɓa a lahama. Naŋ mitiri jeŋŋe na vurˀe takwa?

ZOZUWE 2:5

Duvuɗ miji, ti taŋ mawuɗ a gicaka mizlingre ngi walahaya na, mizli tayna a bam le. A ram nga maka na, yi si na ta. Sipaka taŋ kutum, ɓa ki ra jaka taŋ is.»

ZOZUWE 2:7

Mizli tuwa, a sipaka taŋ kini nga mizaw Zurdeŋ, kini tir li ngi tuwuɗ a mizawa. Misipi mizli tuwa, mibam put tir walahaya si na, a gicaka mizlingre ngi walahaya giceˀ kutumo si.

ZOZUWE 2:8

Mupura lihey tuwa, a hinam ɓa a hinjam t'aruŋ si na, Rahap a jiɗ ng'avi taŋ a hirnga gbale.

ZOZUWE 6:25

Rahap, ngwas sulome ati muy naŋhaya, Zozuwe a pula taŋ ti siifa waɗ gwat naŋhay gar. Rahap a cifi a wuzla Israyeleye hã dana, asi mizli Zozuwe mislina taŋ nga pura walahay Zeriko na, muɗumo taŋ i naŋ.