ZOZUWE 2:5 - Bible en langue guiziga

⁵ Duvuɗ miji, ti taŋ mawuɗ a gicaka mizlingre ngi walahaya na, mizli tayna a bam le. A ram nga maka na, yi si na ta. Sipaka taŋ kutum, ɓa ki ra jaka taŋ is.»

ZOZUWE 2:5 Iomraidhean Croise

NEHEMI 13:19

Vurˀe, da hin ngi sabat mizli t'aruŋ, hirak ti li maji kutupuˀo aruŋ si na, yi ɓi ɓa a gicaka mizlingreheye giceˀ giceˀ le dafa, yo sabat mizli le kwana, yi ɓi ɓa a wunaka mizlingreheye t'aruŋ gu ma. Yi pi mizli a wuzla gawla ɗuwoyo sek ngi jigina mizlingreheye, ɓa ko mbur a co ti gwat ng'ar walahaya tapas sabata ta.

EZAYI 60:11

Mizlingre ɗikey a sa ndiram baŋ baŋ ndrehhe, ti duvuɗ, ti papas gar na, ko anta sa gicaka taŋ ta ndiɗaˀ, ɓa a coko ti sukwi ngi mizli ng'asi hirwuy ɗike, waɗ buy taŋhaya a duba cala a duba cala.

ZEREMI 50:20

Ti di nah, ar pas nah vuna si na, a sipam ɓa a lumaka malambaˀ ngi Israyele, amma a sa lumaka na, a susuyum le. A sa sipam ɓa a lumaka malambaˀ ngi Zuda, amma anta sa lumam mata. Naŋ kine, mizli ya masa pula taŋ ti siifa na, i sa pula taŋ mungra taŋhaya. I ya Bumbulvuŋ maɓi.

EZEKIYEL 47:12

Sukwi ngi widis ngi zumoy a sa gilam a mi mizawa, a ˀaydidikeye, ti ka ti ka cuw taŋ. Kalaf taŋhay anta sa ɓutom ɓut le ta, yo yi taŋhay kwana anta sa kiɗam mi pas le ta. Vur kiya gar na, a sa yam, asi yam ngi mizawa, a bo tir hay ngi Bumbulvuŋ. Yi taŋhay a sa ndiram ar deɗe ngi ɗafa, yo kalaf taŋhaya kwana ar deɗe ngi slalaka.»

ZOZUWE 2:4

Naɓa Rahap a ɗumo mizli mucuwoy tuwa le zleˀe ɗum. Joˀ a mbiɗa da mizli: «Naŋ kanah gisiŋ, mizli tayna a soko le ng'avi ya gwat naŋ, amma taŋ i mizli ngi damahay ka na, i si na taŋ zleˀe ta.

ZOZUWE 2:6

Dambalaka na, ngwas tuwa, a jiɗ ti taŋ le nga hirnga gbale a muŋ, waɗ a ɗumo taŋ ɗum asi dum ngi gugumay mislirkeɗ naŋ micikila zikitiŋ a hirnga gbale naŋ tuwa.

ZOZUWE 2:7

Mizli tuwa, a sipaka taŋ kini nga mizaw Zurdeŋ, kini tir li ngi tuwuɗ a mizawa. Misipi mizli tuwa, mibam put tir walahaya si na, a gicaka mizlingre ngi walahaya giceˀ kutumo si.

ƁIMUNJUYO 21:25

Vurˀe, mizlingre naŋhaya, a sa ndiram baŋ baŋ, ndrehhe. Duvuɗ anta sa ji a diga mata wãˀ.

SAMUYEL MUDUMBUŊ NAŊ 19:14

Sawul a slin mijigina lihey nga ji Davite. Mikal a ɓa taŋ: «Davite naŋ gu ta.»