ZOZUWE 2:4 - Bible en langue guiziga

⁴ Naɓa Rahap a ɗumo mizli mucuwoy tuwa le zleˀe ɗum. Joˀ a mbiɗa da mizli: «Naŋ kanah gisiŋ, mizli tayna a soko le ng'avi ya gwat naŋ, amma taŋ i mizli ngi damahay ka na, i si na taŋ zleˀe ta.

ZOZUWE 2:4 Iomraidhean Croise

BUYOY MUCUW NAŊ 6:19

Ar nah na, Elize a ɓa sojeheye: «Jiviɗ mubugu kum di na i nah ta, yo walahay kum mawuɗam na, naŋ aka ta. Supoko ya, ɓa i ru ti kum ng'avu mbur kum mawuɗam vuna.» Joˀ aru ti taŋ nga Samari.

BI NGI ISRAYELEY 1:19

Ngwas miyi ngwasay tuwa, a mbiɗaka da buy Ezipte: «Ngwas Hebereye, taŋ ka ngwas Eziptehey ta, taŋ wirwir haɗi, ɓa ngwas miyi ngwasay a sa ndil tikeˀe a ciki taŋ na, naɓa a ya ka zuŋ le si.»

Ɗerewol ZAK 2:25

Naŋ kanah ya, Rahap, ngwas sulome, a tiɓa mislin ngi Israyeleye, a biga taŋ jiviɗ mekelem ɓa a lahama. Naŋ mitiri jeŋŋe na vurˀe takwa?

ZOZUWE 2:3

Akẽh na, buy tuwa, a slin ng'avi Rahapa, ɓa a ɓakaŋ: «Mizli ziley miram ng'avi ka, micam ngi hay ɗik na, bo taŋ, asi a soko ngi pura hirwuyo gar.»

ZOZUWE 2:5

Duvuɗ miji, ti taŋ mawuɗ a gicaka mizlingre ngi walahaya na, mizli tayna a bam le. A ram nga maka na, yi si na ta. Sipaka taŋ kutum, ɓa ki ra jaka taŋ is.»

ZOZUWE 6:17

Walahay i muvula le da Bumbulvuŋ, vurˀe, a ngizlaka gwat ngi raˀahaya gar avra. Sey masa ndir ti siifa i Rahap ngwas sulome, naŋ ati mizli misi avaˀa a haya gar. Asi mike na, muɗumo mizli ndra mislinaka taŋ nga pura hirwuy na, i naŋ.

ZOZUWE 6:25

Rahap, ngwas sulome ati muy naŋhaya, Zozuwe a pula taŋ ti siifa waɗ gwat naŋhay gar. Rahap a cifi a wuzla Israyeleye hã dana, asi mizli Zozuwe mislina taŋ nga pura walahay Zeriko na, muɗumo taŋ i naŋ.