ZOZUWE 2:3 - Bible en langue guiziga

³ Akẽh na, buy tuwa, a slin ng'avi Rahapa, ɓa a ɓakaŋ: «Mizli ziley miram ng'avi ka, micam ngi hay ɗik na, bo taŋ, asi a soko ngi pura hirwuyo gar.»

ZOZUWE 2:3 Iomraidhean Croise

ZLI VIRZI 38:24

A gi kiya makir a dirba naŋ na, mbur a sawa, a ɓa Zuda: «Dideˀ ɗik Tamar a gi sulome le, mukuy ta vuna ma na, a gi hur le ti sulome naŋ vuna!» Zuda a ɓi: «Bam di nga duba gala, ɗuvakaŋ vu ɓa a wur titiri.»

ZLI VIRZI 42:31

Ndr'i mbiɗakaŋ di: Ndr'i mizli mijeŋŋehey, ndr'i mupura lihey ta.

SAMUYEL MUCUW NAŊ 10:3

Amma mizli madiɗa ngi Amoŋhoy a ɓaka buy taŋ Hanuno na: «Davit mislino mizli naŋhay ngi so tikinuw ɓa ki taˀa tuwuyo na, ki wakaɓa a cik di i hirnga ti cik da bunuko gisiŋ kwa? Davit a slino gawla naŋhaya na, ngi jiɗa walahaya, a puraka, ɓa a sa zuma da naŋ ta kwa?»

SAMUYEL MUCUW NAŊ 17:20

Gawla ngi Absalomoy a cam ngi hay ngwas tuwa, a cufuɗakaŋ: «Ahimas ati Zonataŋ na, taŋ amaka?» Ngwas a mbiɗa taŋ di: «A tuwuɗam yam, a cohom le.» Gawla ngi Absalomoy, a ram ti sipaka taŋ, gar gar, ko a lumaka taŋ ta, a mam nga Zeruzalem a muŋ.

ƁI NGI HIN GAR MUDUMBUŊ NAŊ 19:3

Amma yarma ngi Amoŋhoy a ɓaka Hanuno: «Davit mislino gawla naŋhay na, i ngi tikinuw ar li tuwa bunuk tew kwa? I ngi pura li, ngi pi mi da mizli, ɓa a sa tiɓaka ruwuyo ta kwa?»

Ɗerewol JOP 21:30

Tapas hin ngi mendere na, mbur misi moˀore a sa bi njiraŋ a diga. Tapas hin ngi Buymisemuŋ masa zuɓ himaˀ fõh fõh na, a sa ɗumokoŋ ɗum.

LEVIHEY 24:14

«Bo ti mbur nah tir walahay guɗuko. Mizli gar micinaka, naŋ miziy na, a pakaŋ haŋ a hirnga, ɓa Israyeley gar a kuypakaŋ ti ɗugur.

Ɓimezle ngi Yesu Kristu ZAŊ mitil di mi 19:4

Pilat a bo ma, a ɓa Yudeheye: «Cinam, y'ani bukum di ng'avra aka, anja ki sinaka sin le, ko yi lum ɓi ava ɓa ngi jaŋ ti kiita ta.»

SLRA 12:4

A dirba naŋ mija na, a caŋ ar dangay, a pula asi haŋ ngi gojehey mufaɗ mufaɗ taˀ taˀ mufaɗ, ɓa a jiginakaŋ. A wuluk na, a a dirba muguzlum ngi Paka, a sa gaŋ kiita a wuzla zigiduw.

SLRA 12:6

Duvuɗ ɓa li mara wun, Herod masa ga kiita da Piyer tuwa na, Piyer ara hinje ar wala ngi sojehey cuw, mujuwa le kaˀ kaˀ ti celeluhoy cuw, yo sojehey ada sek ar li ngi slra taŋ a mizlingre ma.

ZOZUWE 10:23

Mizli a wunaka mi ngi butumo, a boko ti buy muzlum tayna: i buy Zeruzalem, buy Hebroŋ, buy Yarmut, buy Lakis waɗ buy Egloŋ.

ZOZUWE 2:2

Mizli ara ɓaka ɓi nah da buy madiɗa ngi Zeriko, a ɓakaŋ na: «Ngi duvuɗ hana, mizli mizilehey a coko ani ng'ar walahay aka, i Israyeley, a soko ngi pura hirwuyo.»

ZOZUWE 2:4

Naɓa Rahap a ɗumo mizli mucuwoy tuwa le zleˀe ɗum. Joˀ a mbiɗa da mizli: «Naŋ kanah gisiŋ, mizli tayna a soko le ng'avi ya gwat naŋ, amma taŋ i mizli ngi damahay ka na, i si na taŋ zleˀe ta.

MIGI KIITAHAY 4:20

Sizera a ɓa ngwas tuwa ma: «A ra cici deŋ avu miviŋ ngi guɗuko, da mbur a so, a cufuɗuw le: mbur ada aka kwa na, ɓaŋ: mbur anta.»