ZOZUWE 2:14 - Bible en langue guiziga

¹⁴ Mizli tuwa, a mbiɗakaŋ di: «Haˀaw so, i muc ndra, na sey da ki njika ɓi ndra ta far. Da Bumbulvuŋ misa vula ndra hirwuyo le na, i sa purukum ti hiri mezle, yo i sa gukum gwat ti jiviɗ naŋ kasl kasl.»

ZOZUWE 2:14 Iomraidhean Croise

ZLI VIRZI 24:49

Wurenna so na, da ki wuɗam gi mezle le, yo kum teŋteŋ avu buy ɗu na, ɓikiy di. Da kanah ta kwana, ɓikiy di, ɓa yi zuɓ jiviɗ ɗu ng'ar li mekelem.»

ZLI VIRZI 47:29

Ti Zakop misina avu vu naŋ, a sa muc gweˀ na, a zila mangal naŋ Zozefe, a ɓaŋ: «Da ki wuɗ ya le gisiŋ na, ca haŋ asi tuwal ɗu, ɓa ki bigiy di ki wuɗ ya le, yo da ka teŋteŋ avu ya na, ki dikiy angi hirwuy Ezipte ta.

SAMUYEL MUCUW NAŊ 2:5

Davit a slin ng'avu mizli ngi Yabesey ar hirwuy Galaˀata, a ɓa taŋ: «Kum midikaka buy kum Sawul, yo kum mibigaka gi mezle kum ava ti slra misi kahana na, anja Buymisemuŋ a ɗuwulukum mi.»

SAMUYEL MUCUW NAŊ 2:6

Wurenna, anja Buymisemuŋ a gukum mezle naŋ, yo a gi kaslsla avu kumo. Ya kwana, i sa gukum di i mezle mupurla nah, asi kum migam kanah na.

SAMUYEL MUCUW NAŊ 9:1

Ngi hin mekelem ada na, Davit a cufuɗ mizli, a ɓi: «Mbur ngi hay Sawul misi ar siifa ada aruŋ kwa mbrike? Anja ɓa i gaŋ mezle asi Zonataŋ.»

BUYOY MUDUMBUŊ NAŊ 20:39

Ti buy tuwa mira cuh na, mijiviɗ ngi Buymisemuŋ a tilaŋ mi, a ɓaŋ: «Kumani, ya gawla ɗike, i ro zle ar li kiɗa vu. Amma mbur a bo kwaŋ ti wuzla vurumo, a so ti mbur, a ɓiy: ‹Jigina mbur misenna! Da a sumuɗ le na, kisa wurka hirnga naŋ ti siifa ɗiki, malla ta na, kisa piy suloy bara gabal makir.›

MIKUCUWULOY 14:22

Mizli mawuɗam ɓi malambaˀ na, ara zizam takwa? Amma mizli mawuɗam gi mezle na, a sa ndiram ti ji ngama, yo a sa ndiram ti ɓi mikaslsla.

MIKUCUWULOY 18:24

Mbur misi ti cil naŋhay haɗa na, a sakaŋ ti mendere, amma ngama numuŋ, a funa sukumuŋ le.

Matiye 5:7

Mizli mapuram ircece da mizli mekelemeye, a roko ar wuya: asi Buymizemuŋ a sa pura taŋ ircece.

SLRA 23:22

Buy ngi sojehey a ɓa mangala: «Ɓi ka muslufiy di misenna, ko ki ɓa da mbur ta wãˀ.» Joˀ a pula mangal a ru.

ZOZUWE 2:13

kisa pulaka miyi ɗuwoyo ti siifa, sukum ɗu mizile ati mongosohoy, waɗ gwat taŋ misi ti nah gar, yo kisa laham ndra avu muco.»

ZOZUWE 2:15

Rahap a pi sar ti mizli tuwa ti zeweɗ tir fenetir, asi hay naŋ, naŋ zlar da mohol migidaŋ muguno walahaya.

ZOZUWE 6:17

Walahay i muvula le da Bumbulvuŋ, vurˀe, a ngizlaka gwat ngi raˀahaya gar avra. Sey masa ndir ti siifa i Rahap ngwas sulome, naŋ ati mizli misi avaˀa a haya gar. Asi mike na, muɗumo mizli ndra mislinaka taŋ nga pura hirwuy na, i naŋ.

ZOZUWE 6:22

Mizli mucuwoy mupuraka hirwuy zleˀe tuwa na, Zozuwe a ɓa taŋ: «Cam ngi hay ngwas sulome mikaˀ ti hay naŋ tuwa, boko di ng'avra ati mizli ngi hay naŋhaya gar, kaɓa kum miɓakaŋ ti hudum zleˀe tuwa.»

ZOZUWE 6:25

Rahap, ngwas sulome ati muy naŋhaya, Zozuwe a pula taŋ ti siifa waɗ gwat naŋhay gar. Rahap a cifi a wuzla Israyeleye hã dana, asi mizli Zozuwe mislina taŋ nga pura walahay Zeriko na, muɗumo taŋ i naŋ.

SAMUYEL MUDUMBUŊ NAŊ 20:8

Biga gi mezle vur ya gawla ɗike, asi mike na, i jumomˀay le ngi ngama ar slimiɗ ngi Buymisemuŋ. Na zle, ko da i gi malambaˀ le na, zuwen ka vuna makiɗiy, a funa ka mavuliy da bunuk na le ta kwa!»