ZOZUWE 2:12 - Bible en langue guiziga

¹² Wurenna so na, hudumom hidam le a mbuŋ ɗu, ti slimiɗ ngi Bumbulvuŋ. Ani yi gukum mezle le, anja kisa gaka mezle da mizli ɗuwoy a ya takwa. Bigikiy gwat ɓa i sa si na i gisiŋ,

ZOZUWE 2:12 Iomraidhean Croise

ZLI VIRZI 21:23

Hudum ti Buymisemuŋ a mbuŋ ɗu aka wurenna, ka k'anta sa puliy ta, ko ziri ɗuwoy malla ko dideˀ ɗuwoy. Giy mezle da ya, waɗ da hirwuy hana ka micifi anga na, kaɓa ya muguw di na ya.»

ZLI VIRZI 24:3

yo hudum a mbuŋ ɗu ti slimiɗ ngi Bumbulvuŋ Buymisemuŋ miga muŋ ati hirwuyo, ɓi: ziri diili ngi Kanaˀanay, ya micifi a wuzla taŋ na, k'anta sa zuɓ ngwas da mangal ɗu a wuzla taŋ ta.

ZLI VIRZI 24:9

Akẽh na, gawla naŋ tuwa, a ca haŋ asi tuwal ngi buy naŋ Abrahama, dar a hudum ɓa a sa ga gwat naŋ miɓaŋ di na.

ZLI VIRZI 40:14

Amma da ka misa cifi le kuy kuy na, wuluk ar ya, ɓa ɓi ɗu ti mezle a mbuŋ buy madiɗa ngi Ezipte, yo bi ti ya tir hay misenna.

ƁI NGI HINEY MUCUW NAŊ 36:13

Nabukodonozor muhudumoŋ ti slimiɗ ngi Bumbulvuŋ tuwa ma na, a sli himaˀ, hirnga gidaŋ, mbak mo ng'avu Bumbulvuŋ Buymisemuŋ ngi Israyele jak ma.

ESTER 8:6

Bonoy masa so ar mizli ɗuwoy na, ɓa i pura ti hiri na, i ɓusa ɓi nah gu mbri mbrike? Muy ɗuwoy masa ngizlam na, ɓa i pura ti hiri na, i ɓusa ɓi nah gu mbri mbrike?»

BI NGI ISRAYELEY 12:13

Pumbuso, a sa bigiy hay kum misi anga. Da ya misa pura pumbuso le na, i sa tuwuɗ tuwaɗ ar kumo, yo ti ya masa kiɗa Eziptehey na, bonoy nah anta sa lumukum kumo ta.

ZEREMI 12:16

Da a dubunaka gi gwata le kuy kuy kaɓa mizli ɗuwoy, yo da ara hudumom ti slimiɗ ɗu, a ɓam: «Hadam ti slimiɗ ngi Bumbulvuŋ misi ti siifa!» kaɓa taŋ mudubunaka hudum ti slimiɗ ngi Baˀal zleˀe da mizli ɗuwoy na, naɓa a sa cifam ti hay taŋhay a wuzla mizli ɗuwoyo.

Mark 14:44

Yudas, mbur mawuɗ a vulaŋ tuwa, naŋ masa biga taŋ di na, a ɗiyaka ɓi nah le ati taŋ, a ɓa taŋ: «Mbur ya masa jaŋ kuɓuy na, i naŋ. Jakaŋ, a ram di, jiginaka kuy kuy.»

ROMAHAY 1:31

Tˀanta ti lesl ta, gwat taŋ miɓaka le ngi gi na, anta gaka ta, hirnga taŋ gidaŋ, anta puram ˀircece ta.

TIMOTE MUDUMBUŊ NAŊ 5:8

Da mbur anta ki slimiɗ ar muy naŋhaya ta, wãˀ naŋ anta ki slimiɗ ar mizli ngi hay naŋhaya ta na, kite a pula tiɓi le, a gi gwat mukuy ta le wãˀ, fineˀ mbur mitiɓi ɗaˀ ta.

Ɗerewol ZAK 2:13

Asi, mbur mapur ˀircece da mizli ta na, Buymisemuŋ a sa gaŋ kiita manja a puraŋ ˀircece. Amma pura ˀircece a pa hirnga da kiita.

ZOZUWE 2:13

kisa pulaka miyi ɗuwoyo ti siifa, sukum ɗu mizile ati mongosohoy, waɗ gwat taŋ misi ti nah gar, yo kisa laham ndra avu muco.»

ZOZUWE 2:18

Ti ndra masa coko nga ruwuy kumo na, zeweɗ gagaza hana, kisa juwa tizirehhe a mi fenetir ka mupo sar ti ndra ti nga na. Ki sa cikila miyi ɗikeye ngi hay ɗiki, sukum ɗikey ati mizli ngi hay kumoyo gar.

ZOZUWE 2:19

Da mbur ngi hay ɗik mutuwuɗa miviŋ le, ɓa a bo ng'avra, da a kiɗaka le vagay na, pumbus naŋ a sa mbiɗi nga hirnga naŋ a muŋ, amma ndra, ndra cimak ar ɓi nah. Amma mbur gar, kum mubummoˀ a haya, da a kiɗaka le vagay na, pumbus naŋ, a sa mbiɗi nga hirnga ndra.

ZOZUWE 6:22

Mizli mucuwoy mupuraka hirwuy zleˀe tuwa na, Zozuwe a ɓa taŋ: «Cam ngi hay ngwas sulome mikaˀ ti hay naŋ tuwa, boko di ng'avra ati mizli ngi hay naŋhaya gar, kaɓa kum miɓakaŋ ti hudum zleˀe tuwa.»

ZOZUWE 9:15

Zozuwe a slamˀay kiri ati taŋ, ɓa a jumomˀay, ɓa gwat a wusa siifa taŋ ta. Dar buyɓi ngi jum ngi Israyeley a hudumom a mbuŋ taŋ.

MIGI KIITAHAY 1:24

Mijiɗa lihey tuwa, a puram mbur ara bawa tir walahaya, a ɓakaŋ: «Inga biga ndra li walahaya takwa, ɓa i sa gukuw mezleŋ.»

SAMUYEL MUDUMBUŊ NAŊ 30:15

Davit a ɓaŋ: «Ki ru ti ya gu ng'avi mivi vu tayna kwa?» A mbiɗaŋ di: «Hudum a mbuŋ ɗu ti slimiɗ ngi Bumbulvuŋ, k'anta sa kiɗiy ta, yo k'anta sa mi ti ya ng'asi haŋ ngi buy ɗu ta. Naɓa yi sa ru ti ka ng'avi mivi vu tayna.»