ZOZUWE 2:1 - Bible en langue guiziga

¹ Zozuwe, mangal ngi Nuno, a slin mizli cuw, zle a Sitime, ɓa ara puroko li yaŋ yaŋ. A ɓa taŋ: «A ra puroko hirwuyo waɗ walahay Zeriko.» Mupura lihey tuwa, a ram nga Zeriko, a cam ngi hay ngwas sulome ada, a zilaka Rahap, a hinam a hay naŋ.

ZOZUWE 2:1 Iomraidhean Croise

ZLI VIRZI 42:16

Slinam mbur pal asi kum, ɓa ara zuɓo sukum kumo. Kumo, ndiram ar dangay, ɓa i jiɗa ɓi kum na: da ki ɓam i ɓi mikaslsla kwana? Da kine ta na, hadam ti slimiɗ ngi buy madiɗa ngi Ezipte misi ti siifa, kum i mupura lihey!»

ZLI VIRZI 42:9

Akẽh na, Zozef a wulka musuwun naŋhay ti sukum naŋhay tuwa, dar a ɓa taŋ: «Kum mupura lihey, ki soko na, ɓa ngi pura hĩhĩy ngi hirwuy ndra.»

MISE 6:5

Mizli ɗuwoy, inga wulkaka ayɗi, Balak, buy Moˀap a juwa le a kwacay naŋ zleˀe ngi gukum malambaˀa, yo Balaˀam, mangal ngi Beˀor a mbiɗaŋ mingiɓi le, yo ki cohom le zle a Sitim nga Gilgal, hana gar na, ɓa kisa sinaka bugawla nga ya Bumbulvuŋ.»

SLUFA VU 13:1

Bumbulvuŋ a ɓa Moyise:

SLUFA VU 13:2

«Slin mizli nga puro hirwuy Kanaˀan, ya muvula da Israyeley na, kisa slin mbur pal vur sukwi vur sukwi tiɗeˀe, wini a wuzla buyɓi ngi Israyeley.»

SLUFA VU 25:1

Israyeley a pam a Sitim. A zlaka a gam sulome lambaˀ ati ngwas Moˀapay,

SLUFA VU 33:49

A ɗiyaka guɗuk taŋhay ar li micay ngi Moˀap, migweˀ a ciki mizaw Zurdeŋ, ar wala ngi Bet-Yesimot ati Abel-Sitim.

Matiye 1:5

Salmaŋ a yi Boˀos, mumuŋ ngi Boˀos i Rahap. Boˀos a yi Yobet, mumuŋ ngi Yobet i Rut. Yobet a yi Zese.

Matiye 10:16

«Ani i ra slinukum ka tumuŋhoy a wuzla kiriɓuhoy. Gam wer kaɓa kaway, ndiram ti mevel ngi ziri memeɗehey ka gonokoy.

EFESEY 5:5

Mbur sulome, magi gwat mizlir ngi gi ta, mawuɗ gwat gar da naŋ na, i mbur mahuruk huruk a mbuŋ kulihey, anta sa lum li cifi ar zumabuy ngi Kristu ati ngi Buymisemuŋ ta. Sinaka ɓi hana sin le kuy kuy.

HEBEREY 11:31

Mizli macinam mi ta da Buymisemuŋ, Rahaɓ, ngwas sulome, a micam bumoˀ ati taŋ ta na, asi tiɓi. Asi ti di mizli mupura lihey musoko na, naŋ a tiɓa taŋ mulaka le ti zuy.

Ɗerewol ZAK 2:25

Naŋ kanah ya, Rahap, ngwas sulome, a tiɓa mislin ngi Israyeleye, a biga taŋ jiviɗ mekelem ɓa a lahama. Naŋ mitiri jeŋŋe na vurˀe takwa?

ZOZUWE 1:18

Mbur masa slikiɗ ɓi ar ɓi ka miɓa ɗaˀ le, yo masa cinuw mi ta ar ɓi ka muɗuva ndra di le gar na, a sa kiɗaka buy naŋ vagay. Haˀaw, naŋ kine, sey ki mbur mbar, yo tum vu tam.»

ZOZUWE 2:2

Mizli ara ɓaka ɓi nah da buy madiɗa ngi Zeriko, a ɓakaŋ na: «Ngi duvuɗ hana, mizli mizilehey a coko ani ng'ar walahay aka, i Israyeley, a soko ngi pura hirwuyo.»

ZOZUWE 21:31

Helkat ati Rehop, waɗ pala ngi jigina ginew taŋhaya wãˀ wãˀ ma. Jom gar na, walahay mufaɗa.

ZOZUWE 3:1

Ngi miprik prik naŋ na, Zozuwe ati Israyeley gar a slikiɗam baɗ a Sitime, ara ndilam a mi mizaw Zurdeŋ, a hinam a diga ɗagay, ɓa a sa tuwuɗama.

ZOZUWE 5:10

Israyeley a pam a Gilgala, a gaka muguzlum Paka angi hin mukuruˀ nga mufaɗ ngi kiya nah vuna, ngi pastaˀ naŋ, a Zeriko.

MIGI KIITAHAY 1:23

Mizli ngi hay Zozefey tuwa, a slinam nga jiɗa walahay Betele ɗagay. A zilaka Betele zleˀe Luz.

MIGI KIITAHAY 18:14

Mizli muzlumoy miram nga pura ruwuy Layis zleˀe tuwa, a zlaka, a ɓaka sukum taŋhaya: «Ar hay hanahay na, kuli miciɗa waɗ memeɗe naŋhay ati kuli miciɗa misirit sirit ti ɓiri muluwusla ada na, ki sinaka le kwa? Wurena, anja ki sinaka gwat kum masa gama so.»

MIGI KIITAHAY 18:17

Mizli muzlumoy, miram zleˀe nga pura hirwuy tuwa, a jiɗam ng'ar hay mijirngasl ar cala, a cam, a zuɓaka kuli miciɗa waɗ memeɗe naŋhay, ati kuli miciɗa misirit sirit ti ɓiri muluwusla. Naɓa masay a ro deŋ a mizlingre ati mizli miskat skat merkeɗ misi gwat ngi vurumoy tuwa.

MIGI KIITAHAY 18:2

Daŋhay a slinam mizli migi vurumoy zlum asi taŋ, zle a Kore ati Esetaol, ɓa ara puroko hirwuyo kuy kuy, ɓa a sinakaŋ. A ɓaka mizli muzlumoy tuwa: «A ra puroko ruwuyo kuy kuy!» Mizli muzlumoy tuwa, a ndilam ar muwã Efrayime, ara ndilam a hay Mika, a hinam a diga.