ZOZUWE 18:1 - Bible en langue guiziga

¹ Israyeley gar a tikaka ˀay le da hirwuy mitaˀ gar, akẽh na, a kusom cek cek a Silo. Joˀ a ng'aka guɗuk ngi zlir ti Buymisemuŋ a diga so.

ZOZUWE 18:1 Iomraidhean Croise

SAMUYEL MUCUW NAŊ 7:6

Asi mike na, zle ti ya mubo ti Israyeley ti Ezipte, hã dana na, yi cifi joˀ le ar haya ta. Ya mikisa Israyeley na, ar deɗe ngi hay ɗu i guɗuku.

BUYOY MUDUMBUŊ NAŊ 14:2

Akẽh na, Zeroboˀam a ɓa ngwas naŋ: «Slikiɗ, mbiɗa zanahaya, ɓa mizli a sinukuw ki ngwas nga ya Zeroboˀam ta, ɓa ki ru nga Silo. Mijiviɗ ngi Bumbulvuŋ mazilaka Ahiya naŋ a diga. I naŋ miɓiy i sa zum buy ar sukwi srayele.

BUYOY MUDUMBUŊ NAŊ 14:4

Ngwas ngi Zeroboˀam a ga le kanah, a slikiɗ, aru nga Silo, ara ndil a hay Ahiya. Naɓa Ahiya anta pur mata, hiri ngirimme, asi a gi gal le haɗa.

BUYOY MUDUMBUŊ NAŊ 2:27

Naŋ kine, Salomoŋ a tika Abiyatara, ɓa a ga slra nga naŋ masay a mbuŋ Bumbulvuŋ mata. Hana a gi na, ɓa ɓi Bumbulvuŋ miɓa ar hay ngi Heli, masay madiɗa a Silo tuwa, a gi muduba.

NEHEMI 9:24

Dideˀ taŋhay a cam le angi hirwuy nah, a zumaka le. Kanaˀanay, mizli ngi si ruwuyoyo ki hina taŋ hirnga le a mbuŋ dideˀ ndraˀahaya. Taŋ ati buy taŋhaya, ki vula taŋ le asi haŋ taŋ, ɓa a gam ti taŋ kaɓa taŋ muwuɗam.

DIMISEY 78:60

A pula hay naŋ misi a Silo, guɗuk naŋ miɗiya a wuzla mizli.

DIMISEY 78:66

A kiɗa mesene naŋhay makilama ti dirba, yo a tika taŋˀ ay le, hã ngi sete.

ZEREMI 26:6

Naɓa yi sa gi ti walahay hana, kaɓa ya migi ti walahay Silo na ya, yo i sa tiri di i gwat sukwi ngi mizli ngisi ruwuy gar, manisam di vu ar wala taŋ.›»

ZEREMI 26:9

Ki tum vu mbri ngi njika ɓi ngi Bumbulvuŋ, ki ɓi: ‹Hay hana a sa tiri kaɓa Silo, a sa musukuɗoko walahaya tur, a sa ɓulaka mizli ngi raˀahaya talalaˀ wãˀ kini kwa!» Mizli gar a kusom nga hirnga Zeremi gun ar hay ngi Bumbulvuŋ.

ZEREMI 41:5

Dar mizli a ndiloko ti Sikem, ti Silo waɗ ti Samari, taŋ mizli kukur dangafaɗa, mazlamay mihicahay le, zana mingirahay le, vuhoyo car car, taŋ ti gwat ngi vul ati mukuturɓuy mazĩˀĩ ndum, ɓa ngi zlum ar hay ngi Bumbulvuŋ.

SLUFA VU 32:22

hã da hirwuy gar a hin hirnga le a mbuŋ naŋ na, a dirba nah so na, kisa moko nga hirwuy kumo, naɓa gwat, ɓa Bumbulvuŋ ati Israyeley a mbuɗukum hirnga aseˀe na, ki gam ta. Dar Bumbulvuŋ a sa vulukum ciki mizaw Zurdeŋ vay ngi ka da kumo.

SLRA 7:45

Guɗuk nah na, dideˀ ndrahay a lumakaŋ, Zosuwe muru ti taŋ na, a zuɓaka a haŋ, nga hirwuy taŋ mitiɓaka avu sukwi ngi mizli Buymisemuŋ muɓula taŋ a mbuŋ taŋ na, guɗuk nah a ndir hã a ndila hin ngi Daviti.

ZOZUWE 18:2

A wuzla Israyeley na, sukwihey a ndiram le tarnaˀ zleˀe, a lumam hirwuyo zleˀe t'aruŋ.

ZOZUWE 18:8

Mizli muwunahay tuwa, a slikiɗam, a ram so. Mizli maram nga pura hirwuyo bleŋ bleŋ, naŋ kahana, naŋ kahana tuwa na, Zozuwe a ɓa taŋ ɗaˀ le: «A ram, bulaka hirwuyo bal bal, puraka bleŋ bleŋ, ɓa ki soko ti ɓi nah ng'avi ya, naŋ kahana kahana, i sa gukum ceregezleŋ a mbuŋ Bumbulvuŋ a Silo aka.

ZOZUWE 19:51

Masay Elazar ati Zozuwe, mangal ngi Nun waɗ buy ngi hayay ngi wuzla sukwi Israyeleye, a wuɗkaka hirwuyo da mizli ti gi ceregezleŋ. A gaka ceregezleŋ a Silo a mbuŋ Bumbulvuŋ, a mizlingre guɗuk. Naŋ kahana, Israyeley mikiɗaka mi ngi wuɗuka hirwuy Kanaˀan ar wala taŋ.

ZOZUWE 21:2

a Silo, hirwuy Kanaˀan. Dar a ɓaka taŋ na: «Bumbulvuŋ, a ɓa le ɗaˀ le ti balam Moyise zleˀe, ɓa a vula ndra walahayay ngi cifi ti hay ndrahay jom ti pala ngi jigina ginew taŋhaya wãˀ wãˀa ma.»

ZOZUWE 22:12

Israyeley micinaka ɓi nah cin si na, a kusoko Israyeley ar jum taŋ cek cek a Silo, ɓa ara zlam kiɗa vu ati taŋ.

ZOZUWE 22:19

Da kaɓa ki puraka le, hiryi ada asi hirwuy kumo na, hirwuy ngi Bumbulvuŋ misi hay naŋ anga na, moko burok ng'ara a muŋ sini. Wuɗam li ɓa ki pam a wuzla ndra vuna si. Kum mindiram li gi mikuli mekelem a ciki ngi Bumbulvuŋ, Buymisemuŋ ndra na, ki slikiɗam di i ɓi ti slikiɗ avu Bumbulvuŋ waɗ avu ndra.

ZOZUWE 22:9

Naŋ kine, dideˀ ngi Rubeney ati ngi Gatay waɗ reta ngi sukwi ngi Manase, a mam ngi hay taŋhay a muŋ. A pulaka Israyeley a Silo, hirwuy Kanaˀan, a ram nga Galaˀat, hirwuy nga taŋ, Bumbulvuŋ miɓa taŋ di ɗaˀ le ti balam Moyis ɓa a ndir da taŋ.

MIGI KIITAHAY 18:31

A ɗuvaka kuli Mika miɗiya tuwa taˀ, kuli a zik rak rak ati hay ngi Buymisemuŋ misi a Silo na ya.

MIGI KIITAHAY 21:12

Asi ruwuy Yabes ngi Galaˀata, a lumam ziri diili mungbuˀ ngbuˀhoy, misina ziley ta, taŋ skat skat mufaɗa. Joˀ a ram taŋ ng'ar walahay Silo, a ruwuy Kanaˀana.

MIGI KIITAHAY 21:19

Amma a wulkam keŋ, a ɓam: «Vur vi gar na, ada gam muguzlum ngi Bumbulvuŋ a Silo, mikini tir vay muŋ ngi Betel, tir vay ruwuy ngi Lebona, kini tisi pas ngi miprik ngi jiviɗ ngi Betel ati Sikem.»

SAMUYEL MUDUMBUŊ NAŊ 1:24

A dirba mangal mupula ɗuwa na, Ana aru di nga Silo waɗ gusoŋ ngi vi makir a haŋ, yo hapa gungwa, waɗ mbaazla kwenekwene. A ci di ng'ar hay ngi Buymisemuŋ a Silo, joˀ mangal a tiri gawla ngir hay ngi Buymisemuŋ.

SAMUYEL MUDUMBUŊ NAŊ 1:3

Vi gar na, Elkana a slikiɗ baɗ ar walahay naŋ Rama, aru nga Silo ɓa a huruk huruk a mbuŋ Buymisemuŋ, misi gidaŋ wãˀ, yo ɓa a gaŋ mikuli. Zir ngi Elihey ada cuw, i masay migi mikulihey da Buymisemuŋ a diga, i ti Hofni ati Pinas.