ZOZUWE 17:16 - Bible en langue guiziga

¹⁶ Dideˀ ngi Zozefey tuwa, a mbiɗakaŋ di: «Naŋ kanah, hirwuy muwã na, a ndila ndra ta gisiŋ gwat naŋ. Na ma na, mizli Kanaˀan ngir li micay vuna, taŋ ti mota ngi vurum ngi ɓirihey. Yo Kanaˀan ngi Bet-Seyaŋhay ati ngi prok taŋhay waɗ mekelemey ngir li micay ngi Zisreyel gar na, kanah ma.»

ZOZUWE 17:16 Iomraidhean Croise

BUYOY MUDUMBUŊ NAŊ 18:45

Ar nah si na, himiɗ maso ti gazlavay tuwa, muŋ ara lus ti gidaŋ, joˀ vuŋ madiɗa a gi. Akapa, a jiɗ ar mota ngi vurum naŋ, aru nga Zisreyele.

BUYOY MUDUMBUŊ NAŊ 18:46

Gidaŋ ngi Bumbulvuŋ naŋ da ar Eli, a juwa kwacaya hirlak, a kil a mbuŋ Akapa, hã sesẽŋ a Zisreyele.

BUYOY MUDUMBUŊ NAŊ 21:1

A dirba gwat tayna mucohom na, ɓihey mindiloko anihĩ: Nabot, i mbur Zisreyel. Naŋ ti guva ngi gudubun a Zisreyele. Guva vuna naŋ gweˀ avu hay ngi Akap, buy Samari.

BUYOY MUDUMBUŊ NAŊ 21:23

Bumbulvuŋ a ɓi vur Zezabele: ‹Kirihey a sa humbuɗaka Zezabele a ciki mohol a Zisreyele ya.›

BUYOY MUDUMBUŊ NAŊ 4:12

Baˀana, mangal ngi Ahilut, i buy miwi li ngi Taˀanak ati ngi Megido, waɗ ngi ruwuy vay Bet-Seyaŋ. Hirwuy vay Bet-Seyaŋ a ndil le ngbasl a Sartaŋ ti virzi ngi Zisreyel. A zli zle a Bet-Seyaŋ hã a Abel-Mehola, waɗ tuwaɗ Yokmeˀam.

BUYOY MUCUW NAŊ 9:10

Zezabele, i kirihey masa humbuɗaka ar guva ngi Zisreyel, ko mbur masa dika vagay naŋ, anta.» Joˀ mijiviɗ tuwa, a wuna miviŋ wun, a kil gwaɗ naŋ.

BUYOY MUCUW NAŊ 9:37

Yo mindir is ngi dumvu ngi vagay ngi Zezabele a sa zliɗ hirnga purla purla kaɓa zay ngi gwatay ngi zãˀã li ar guva a Zisreyele. Naŋ kine, ɓa hã mbur a sa ɓi: Hana i vagay ngi Zezabel na, anta.»

ZEREMI 49:2

Bumbulvuŋ a ɓi: «Yo mbak ɗagay so! Hin ara ndilawa, tapasa, i sa ga ɓa a cinam widi ngi vurum a Raba, walahay ngi Amoŋhoyo. Walahay Raba a sa tiri daŋ daŋ, a sa ɗuvaka vu div div da walahay migweˀ gweˀ ngi cikeˀehey a wuram. Israyele, mizli muzumaka hay naŋ zleˀe na, dar a sa zuma taŋ avu taŋ a muŋ. I ya Bumbulvuŋ maɓi.

ZOZUWE 15:56

Zisreyel, Yokdeˀam, Zanoˀa,

ZOZUWE 17:11

Angi hirwuy ngi Isakar ati ngi Asere, Manase a lum mi nga naŋ angi taŋ, i walahayay Bet-Seyaŋ ati Ibleyam, jom ati prok ngi ciki taŋhaya wãˀ wãˀ. Yo waɗ walahay Dor, En-Dor, Taˀanak, Megido, jom ti mizli ngir taŋhaya wãˀ wãˀ, waɗ prok taŋhaya wãˀ wãˀ ma, mbiɗeˀvra, prokoy walahay Dor ngir li micay miwa miwa gar.

ZOZUWE 17:15

Zozuwe a mbiɗa taŋ di: «Ki puraka na, kum haɗa teˀe, yo hirwuy vay muwã Efrayim a ndilukum ngi cife ta. Da kine na, ngam hirnga kini nga wuzlaɓuh, ɓa ki ra slam li angi hirwuy ngi Perizihey ati ngi Refay na, da kum ava.»

ZOZUWE 17:17

Dar Zozuwe a ɓa mizli ngi wazlaray Zozefey, ti Efrayimey ati Manaseheye: «Kum i sukwi madiɗa, yo sukwi migidaŋ ma. Anja a slukum da kum i li taˀ purla tewle si ta.

ZOZUWE 17:18

Amma hirwuy vay muwã, misi widisey ara ngiriɗ tekeɗe kwana, a sa slukum da kum i nah, kisa ngumaka. Kanaˀanaya, ko ti mota ngi vurum taŋ ngi ɓirihey ati gidaŋ taŋ mihaɗa na gar kwana, kisa ɓulaka taŋ gu na si.»

ZOZUWE 19:18

Maakway ngi hirwuy taŋ a bi kini ngir ti Zisreyel, Kesulot, Sunem,

MIGI KIITAHAY 1:19

Bumbulvuŋ naŋ da ati Zudahaya, a tiɓaka li vay muwãhaya. Amma a tiɓaka walahay ngir li micaya gu ta, asi mota ngi vurum taŋhay i ngi ɓirihey.

MIGI KIITAHAY 4:13

Akẽh so na, Sizera a cikila mota ngi ɓiri ngi vurumoy miskat skat ngoltire cek waɗ mizli naŋhaya cek, zle a Haroset-Goyime, a ram nga mizaw Kisoŋ.

MIGI KIITAHAY 4:3

Israyeley a wudam ng'avu Bumbulvuŋ, asi Sizera, buy ngi sojeheye, naŋ ti mota ngi ɓiri ngi vurumoy skat skat ngoltir, yo a guzuvura Israyeleye guzuvar guzuvar, hã vi kukur cuw.

MIGI KIITAHAY 6:33

Mizli Madiyanay, Amalekey waɗ mizli maslikiɗam aka aka ngisi pas ngi miprikeye, a ngiɓam ˀay purla, a cikilam cek, a tuwuɗaka mizaw Zurdeŋ, ara pam ti walahay guɗuko ar li micayya ngi Zizreyel.

SAMUYEL MUDUMBUŊ NAŊ 29:1

Filistihey a kusoko soje taŋhaya gar a Afek. Israyeleye kwana, taŋ a pam gweˀ avu miviɗiviɗi ngi yam a Zisreyel.