ZOZUWE 17:1 - Bible en langue guiziga

¹ Manase i modogom ngi Zozef, Makire kwana, i modogom ngi Manase ya, i cine ngi Galaˀat, muwuɗkaka hirwuy na, a lumam mi nga taŋ i vay Galaˀat ati Basaŋ. Asi mike na, Makire, i mbur ngi vurum.

ZOZUWE 17:1 Iomraidhean Croise

ZLI VIRZI 41:51

A zila modogomo Manase, asi a ɓi na: «Buymisemuŋ a puyukiy hirnga le avu bonoy ɗuwoy gar waɗ avu wunuk ɗu ati mizli ngi hay bahahaya.»

ZLI VIRZI 41:52

A zila mijingaˀ naŋ Efrahim, asi a ɓi na: «Buymisemuŋ a vuliy yi le angi hirwuy, ya migeˀ ircece anga.»

ZLI VIRZI 46:20

Asnat ngwas ngi Zozef, zuŋ ngi Potifera, masay ngir walahay On, a ya ziri mizileheye le cuw da Zozef angi hirwuy Ezipte, i ti: Manase ati Efrayim.

ZLI VIRZI 48:17

Zozef a pura na, cine a buca haŋ hazumo nga hirnga Efrayim, a ciraŋ hiri ta. A ja haŋ ngi cine misi a hirnga Efrayim tuwa, ɓa a mbiɗa nga hirnga Manase.

ZLI VIRZI 48:18

A ɓa cine: «Kanah ta baha, modogomo i hana. Buca haŋ hazumo nga hirnga naŋ.»

ZLI VIRZI 50:23

A pura ziri ngi Efrayimeye, dideˀ dideˀ hã makir. Wãˀ naŋ ma na, ziri ngi Makirey, mangal ngi Manase, a yam hã a cifa taŋ ar sar naŋ.

SAMUYEL MUCUW NAŊ 2:9

A caŋ buy a diga ɓa a zum buy ar hirwuy Galaˀat, hirwuy Aser, Zisreyel, hirwuy Efrayim ati hirwuy Benjameŋ, a wuɗ a ɓi na, a hirwuy Israyel gar si.

ƁI NGI HIN GAR MUDUMBUŊ NAŊ 2:23

Amma buy madiɗa ngi Gesur ati ngi A rama, a tiɓaka walahay ngi Yayireye waɗ walahay Kenat ati prok naŋhaya. A tiɓam jom gar walahay kukur merkeɗ. Mizli ngi digahay cek i dideˀ ngi Makirey, cine ngi Galaˀat.

EZEKIYEL 47:13

Ya Bumbulvuŋ Buymisemuŋ i ɓi na: «Kum masa wuɗkaka hirwuy da sukwi mukuruˀ nga cuw ngi Israyel na, maakway nah ani: Zozefe, a sa lum nga naŋ, li taˀ taˀ cuw.

EZEKIYEL 48:4

Zle ar maakway ngi Neftali, tisi pas ngi miprik hã asi pas ngi pastaˀa, i hirwuy ngi Manase.

SLUFA VU 26:29

Sukwi ngi Manase vur muyo vur muyo, t'ani: Makir a yi Makirey, Galaˀat mangal ngi Makir a yi Galaˀatay.

SLUFA VU 27:1

Zozef a yi Manase, Manase a yi Makir, Makir a yi Galaˀat, Galaˀat a yi Hefer, Hefer a yi Selofat. Selofat a yi ziri mongosohay, i ti: Mala, Noˀa, Hogla, Milka waɗ Tirsa.

SLUFA VU 32:33

Hirwuy ngi Sihoŋ, buy madiɗa ngi Amori, hirwuy ngi Og, buy madiɗa ngi Basaŋ, waɗ walahayay ati hirwuyoy mugun hirnga taŋ na, Moyis a vula taŋ da dideˀ ngi Gat ati ngi Rubeneye, waɗ da cah asi sukwi ngi Manase mangal ngi Zozefe.

Slu cuw 21:17

Mangal ngi ngwas naŋ mawuɗ ta tuwa na, anja cine a si na i modogom naŋ, a vulaŋ zlili naŋ gar makaw cuw jaka. Asi mangal micikiɗeffe ngi gawla naŋ, i naŋ. Gwat mavulaka da modogom nah na inga naŋ.

ZOZUWE 17:2

Dideˀ ngi Manase mekelemeye, li taŋ mulumam vur muyo vur muyo na, i muy ngi Abiyezerey, ngi helekey, ngi Asriyeley, ngi Sekemey, ngi Heferey waɗ ngi Semidahay. Hanayna i dideˀ ngi Manasehey cek vur muyo vur muyo Manase, mangal ngi Zozef.

ZOZUWE 22:7

Reta ngi sukwi ngi Manase mekeleme, Moyis a vula taŋ hirwuy nga taŋ le zleˀe angi hirwuy Basaŋ. Yo da reta numuŋ kwana, Zozuwe a vula taŋ nga taŋ tisi pas ngi pastaˀ ngi Zurdeŋ. Ti Zozuwe mawaha taŋ ɓa a ram ng'ar guɗuk taŋhay tuwa na, a ɗuwula taŋ mi ya.

MIGI KIITAHAY 5:14

Bugawla Amalekey a soko ti Efrayim, Benjamin a sipa taŋ ɓaˀ a dirba ɗike ti soje ɗikey, miwi sojehey a soko ti Makir, yo miji ganday ngi buy miwi liheye, a soko ti Zabuloŋ.