ZOZUWE 15:4 - Bible en langue guiziga

⁴ A bi baɗ a Hasmoŋ, aru sesẽŋ a mizaw Ezipte waɗ ara kiɗo mi ar mubuliy Meditarane. Maakway kum mikiɗo mi tir vay ruwuyo, i hana so.

ZOZUWE 15:4 Iomraidhean Croise

ZLI VIRZI 15:18

Tapas nah na, Bumbulvuuŋ a jumˀay ati Abrama: «Hirwuy misenna zle a mizaw Ezipte hã sesẽŋ a mizaw madiɗa mazilaka Efrat na, yi sa vula da dideˀ ɗikey.

BUYOY MUDUMBUŊ NAŊ 8:65

Salomoŋ, jom ati Israyeley gar a gaka muguzlum ngi guɗukoy na, angi kiya mitarnaˀ naŋ. Zigiduw haɗi teˀe, a soko tir hirwuy gar, zle a Lebo-Hamat, hirwuy vay muŋ, hã cek cek ti mizaw Ezipte, vay ti ruwuy. A gaka muguzlumo a mbuŋ Bumbulvuŋ, Buymisemuŋ ndra, hin tarnaˀ, waɗ hin tarnaˀ ava ma, jom hin kuruˀ ngaˀ mufaɗa.

BI NGI ISRAYELEY 23:31

I sa ɗuva hirwuy kumo zle a mi mubuliy lavaɗ, hã sesẽŋ a mi mubuliy Mediterane, zle a wuzla ɓuh mikirɗak kirɗak ngi Sinaya, hã sesẽŋ a mizaw Efrata, asi i sa vulukum mizli ngi digahaya asi haŋ kum, ɓa ki ɓulaka taŋ a mbuŋ kumo.

EZAYI 27:12

Ti hin nah na, Bumbulvuŋ a sa ɗugo gwat ngi sifi naŋ, zle a Efrat mizaw madiɗa hã sesẽŋ a mizaw Ezipte. Na kum ziri ngi Israyeley na, a sa jukum cesl cesl kaɓa magam holoko.

SLUFA VU 34:5

A bi baɗ akẽh ma na, hã ara zliram ati mizaw Ezipte, ara kiɗo mi a mi mubuliy.

ZOZUWE 13:3

A zlo zle a Sihor misek duba cakay ati Ezipte, hã sesẽŋ angi hirwuy Ekroŋ tir vay muŋ naŋ, li tayna gar na, taŋ kaɓa i hirwuy Kanaˀanay. Buy Filistihey ada zlum asi ruwuy tayna: buy ngi ruwuy Gaza, ngi Asdot, ngi Askaloŋ, ngi Gat, ngi Ekroŋ waɗ ngi Avihey.

ZOZUWE 15:3

Jek naŋ aru kini ng'ar vay ruwuy, tir miɗingir mazilaka li jiɗ ngi ˀUrucoy, ara bi a Sin. Yo a cuh kini tir miɗingir ngi Kades -Barneya, tir vay ruwuy naŋ, ara bi a Hesroŋ, a zuɓ kini ngir ti Adar waɗ a guno gunno ti Karka.

ZOZUWE 15:47

Asdot ati Gaza waɗ lihey ati prok ngi ciki taŋhaya, hã sesẽŋ a mizaw Ezipte, ciki mubuliy Mediterane, jom ti prok taŋhaya wã ma.