ZOZUWE 15:2 - Bible en langue guiziga

² Maakway taŋ vay ruwuyo, a zli zle ar kiɗa mi ngi mubuliy Mandaŋ, zle avu ruwuy mici roɗɗo ng'ar mubuliy, tir vay ruwuy naŋ.

ZOZUWE 15:2 Iomraidhean Croise

ZLI VIRZI 14:3

Buy muzlum hanayna, a kusom a ˀayzaw ngi Sidim, a zilaka wurenna mubuliy mutuwak.

EZAYI 11:15

Bumbulvuŋ a sa hisika yam ngir mubuliy mici zoɗ nga Ezipte kããk, a sa ska haŋ bur bur da mizaw Efrata, a sa ˀufo himiɗ ti gidaŋ ti balam naŋ, a sa wunka mizaw Efrat a wuzla tarnaˀ, ko ti mapiyapiya a sar kwana, a tuwuɗakaŋ.

EZEKIYEL 47:18

Tisi pas ngi miprike, kisa waka maakwaya a bi tir wala ngi walahay Damas ati Horaŋ, tir wala ngi hirwuy Galaˀat ati hirwuy Israyel. Mizaw Zurdeŋ a sa ndir i maakway ɓaˀa ar wala, hã a mubuliy mumuca. Hana i maakway vay si pas ngi mipriki.

EZEKIYEL 47:8

A ɓiy na: «Yam misenna a ɓul kini ng'asi pas ngi mipriki, ara pi sar ng'ar sozo ngi mizaw Zurdeŋ, ɓa ara ci ng'ar mubuliye. Naŋ mici le ar mubuliy na, naɓa a tiri le i yam mezle.

SLUFA VU 34:3

Tir vay ruwuyo, maakway a zlo a wuzlaɓuh mikirɗak kirɗak ngi Sin, hã a sipa Edomo silaɓɓa. Tisi pas ngi miprike, maakway a zlo zle tir vay hirwuy ngi mubuliy mumuca.

ZOZUWE 15:1

Muvulaka li da sukwi ngi Zudahay vur muyo vur muyo na, a ndih kini ng'ar maakway ngi ruwuy Edom misi a wuzlaɓuh mikirɗak kiɗak ngi Sin, kini ng'ar vay ruwuy, puɗak ar Temaŋ.

ZOZUWE 15:3

Jek naŋ aru kini ng'ar vay ruwuy, tir miɗingir mazilaka li jiɗ ngi ˀUrucoy, ara bi a Sin. Yo a cuh kini tir miɗingir ngi Kades -Barneya, tir vay ruwuy naŋ, ara bi a Hesroŋ, a zuɓ kini ngir ti Adar waɗ a guno gunno ti Karka.

ZOZUWE 3:16

dar yam maɓul a mizawa tir vay muŋ naŋ na, a cici. A ki totoŋ ɓultoŋ, naŋ zar kileŋ hã a Adam, walahay ngi ciki Sartaŋ. Yo yam maɓul jik kini ngir ti wuzlaɓuh mikirɗak kirɗak, mubuliy mandaŋ na kwana, a sli tasl wãˀ. Joˀ mizli a tuwuɗaka mizawa hiri taˀ nga Zeriko.