ZOZUWE 14:6 - Bible en langue guiziga

⁶ Ngi hin numuŋ ada na, dideˀ ngi Zudahay a soko lumaka Zozuwe a Gilgal. Kalep, mangal ngi Yefune, mbur Kenas, a ɓa Zozuwe na: «Cina ayɗi, Moyis mbur ngi Bumbulvuŋ Buymisemuŋ, miɓaŋ vur ndra ati ka, a Kades-Barneya na, ki si na le kuy kuy.

ZOZUWE 14:6 Iomraidhean Croise

BUYOY MUDUMBUŊ NAŊ 13:1

Mbur ada, i mijiviɗ ngi Bumbulvuŋ, Buymisemuŋ a ɓaŋ ɓa a slikiɗ baɗ a Zuda, aru nga Betel. A ndil a diga hirak ti Zerobaˀam mawura gwat ngi mikulihey ar li ngi gi mikuli.

BUYOY MUDUMBUŊ NAŊ 13:14

A zuɓa jiviɗ, dar a sipa mijiviɗ ngi Bumbulvuŋ tuwa, ara jaŋ is, naɓa a ro joˀ zleˀe asi widis madiɗa ada. Midigila mijiviɗ tuwa, a ɓaŋ na: «Mijiviɗ ngi Bumbulvuŋ muso ti Zuda na, i ka kwa?» Mijiviɗ mekelem a mbiɗaŋ di: «Hã, i yaha.»

BUYOY MUCUW NAŊ 4:16

Elize a ɓaŋ: «Didirba, li kahana na, ka ti mangal kaw avu haŋ.» Ngwas a mbiɗaŋ di: «Kay! Kanah ta, ka ki mijiviɗ ngi Bumbulvuŋ ma na, a zlir ki gi slir da ngwas beke ɗike ta.»

BUYOY MUCUW NAŊ 4:42

Hirak ti di nah vuna ma na, mbur a ndilawa baɗ ti Baˀal-Salisa. A so ti gwat ngi zumoy a haŋ da mijiviɗ ngi Bumbulvuŋ: ɗaf ngi daw giziŋ kukur cuw, waɗ alkamari nawaya kine aruŋ buhu pal ma. Elize a ɓa gawla naŋ: «Wunuka da mizli, ɓa a zumakaŋ.»

BUYOY MUCUW NAŊ 4:9

Ngwas nah tuwa, a ɓa zil naŋ: «Mbur nah maso ndrehhe a hay ndra na, i si na le i mijiviɗ ngi Bumbulvuŋ.

BUYOY MUCUW NAŊ 8:11

A dirba nah na, mijiviɗ ngi Bumbulvuŋ a puraŋ ngirimme, ko zinga ngi hiri anta wus neˀ le ta, a zla a tuwuy.

BUYOY MUCUW NAŊ 8:7

Elize aru nga Damasa, dambalaka Ben-Hadat, buy Siri, naŋ guta. Mizli a ɓaka buyo: «Mijiviɗ ngi Bumbulvuŋ a so le, hã aka.»

ƁI NGI HIN GAR MUDUMBUŊ NAŊ 23:14

Moyis i mbur ngi Buymisemuŋ, a slufaka ziri naŋhaya le a wuzla sukwi ngi Levi.

DIMISEY 90:1

Dira dibiɗ ngi Moyis, mijiviɗ ngi Buymisemuŋ. Bumbulvuŋ, diga zlezle, hã ngi set gar na, ka ki li pula vu ndra.

ZEREMI 35:4

I ru taŋ ng'ar hay ngi Bumbulvuŋ, ng'ar viŋ ngi ziri ngi Hanaŋhay, Hanaŋ mbur ngi Bumbulvuŋ, mangal ngi Ikdaliya. Viŋ ya muru taŋ ng'ara vuna, naŋ gweˀ avu ngi mizli madiɗa ngi slrahay, naŋ ti hirnga viŋ ngi Maˀaseya mangal ngi Salum, mbur mijigina mizlingre ngi hay Bumbulvuŋ.

SLUFA VU 13:26

A moko ng'avi Moyis, Aroŋ ati mizli Israyeley a muŋ, naɓa taŋ a Kades, wuzlaɓuh mikirɗak kirɗak ngi Paraŋ. Gwat taŋ mupuraka a diga, a ɓaka da zigiduw gar, yo a bigaka taŋ yi ngi widis ngi digahaya gar ma.

SLUFA VU 13:30

Kalep a taˀa mi da mizli maram ti mi asi Moyis ta tuwa, a ɓi: «Akum! I ra tiɓaka hirwuyo, i si na le i tiɓaka gu gisiŋ!»

SLUFA VU 13:6

Ar sukwi ngi Zuda, i Kalep, mangal ngi Yefune.

SLUFA VU 14:24

Amma sey gawla ɗu Kalepe, wuluk nga naŋ, naŋ pal, a ndir le ti teŋteŋ avu ya. Vurˀe, i sa ci di nga hirwuy naŋ mira puro di na, dideˀ naŋhay a sa tiɓaka hirwuy nah da taŋ.

SLUFA VU 14:30

Hirwuy ya miɓa ɗaˀ le, i sa vulukum di ki pam anga na, hadam, kum anta kisa cam anga ta. Sey Kalep, mangal ngi Yefune waɗ Zozuwe, mangal ngi Nun, i taŋ pal taŋ masa cam.

SLUFA VU 14:6

Zozuwe mangal ngi Nun, waɗ Kalep mangal ngi Yefune, t'ada cuw taŋ a wuzla mizli miram zleˀe nga pura hirwuy tuwaŋ. Joˀ a ngiraka zana taŋhaya ti mevel.

SLUFA VU 26:65

Naŋ kine, Bumbulvuŋ a ɓa taŋ di le zleˀe ɗaˀ ɗaˀ le, a sa micam pay a wuzlaɓuh. Sey mindiram i ti Kalep mangal ngi Yefune, waɗ Zozuwe mangal ngi Nun.

SLUFA VU 32:12

Sey Kalep mangal ngi Yefune, muy ngi Kenas ati Zozuwe mangal ngi Nun micam nga Kanaˀana, asi a sipaka Bumbulvuŋ le ti mevel purla.

Slu cuw 33:1

Moyis mbur ngi Buymisemuŋ, ɓa a sa muc tikeˀe na, a ɗuwula mi da Israyeley ani:

Slu cuw 34:10

Ko mijiviɗ misi ka Moyis a sli ɗaˀ asi ruwuy Israyele mata. Asi naŋ, a ɓam ati Bumbulvuŋ hiri taˀ taˀ.

Slu cuw 34:5

Dar Moyis, gawla ngi Bumbulvuŋ a muc a diga, a ruwuy Moˀap, ka Bumbulvuŋ miɓa tuwa.

TIMOTE MUDUMBUŊ NAŊ 6:11

Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe.

TIMOTE MUCUW NAŊ 3:17

ɓa mbur ngi Buymisemuŋ a ndila kuy kuy wãˀ, i mbur mujuw vu le ngi gi gwat mezle ko wanaka gar.

ZOZUWE 10:43

A dirba nah, Zozuwe ati Israyeley gar, a mam ng'ar li pi sar taŋ a Gilgal a muŋ.

ZOZUWE 14:14

Vurˀe, Kalep, mangal ngi Yefune, mbur Kenas, a lum hirwuy nga naŋ i Hebroŋ hã dana. Asi a biga gi teŋteŋ naŋ le da Bumbulvuŋ Buymisemuŋ ngi Israyele.

ZOZUWE 15:17

Jamba naŋ da, a zilaka Otniyel, mangal ngi sukum naŋ Kenas, a tiɓa walahay tuwa le. Joˀ Kalep a vulaŋ zuŋ naŋ Aksa ngi ngwasa.

ZOZUWE 4:19

Israyeley mutuwuɗaka Zurdeŋ na, naɓa i hin kuruˀ ngi kiya mudumbuŋ naŋ. A pam ti guɗuk taŋhaya a Gilgal, ar maakway ngi Zeriko, tisi pas ngi miprik naŋ.