ZOZUWE 14:4 - Bible en langue guiziga

⁴ Naŋ migi kahana na, asi sukwi a gi le cuw a wuzla ziri ngi Zozefeye, ngi Manase ati ngi Efrayim. Vurˀe, a vulaka li da leviheye neˀ le asi ruwuyo ta, sey a vulaka taŋ walahayay ngi cifi taŋ anga ati li ngi jigina ginew taŋhay waɗ li pi zlili taŋhay tewle si.

ZOZUWE 14:4 Iomraidhean Croise

ZLI VIRZI 41:51

A zila modogomo Manase, asi a ɓi na: «Buymisemuŋ a puyukiy hirnga le avu bonoy ɗuwoy gar waɗ avu wunuk ɗu ati mizli ngi hay bahahaya.»

ZLI VIRZI 41:52

A zila mijingaˀ naŋ Efrahim, asi a ɓi na: «Buymisemuŋ a vuliy yi le angi hirwuy, ya migeˀ ircece anga.»

ZLI VIRZI 46:20

Asnat ngwas ngi Zozef, zuŋ ngi Potifera, masay ngir walahay On, a ya ziri mizileheye le cuw da Zozef angi hirwuy Ezipte, i ti: Manase ati Efrayim.

ZLI VIRZI 48:1

A dirba gwat tayna migam na, a ɓaka Zozefe: «Bunuko naŋ gu ta.» Zozef a hila ziri naŋ mizilehey mucuw tuwa, Manase ati Efrayime, aru taŋ a haŋ.

ZLI VIRZI 48:5

Yo wurenna, ziri ɗik mizilehey mucuw, muyukuw taŋ a Ezipte aka, ti ya muso t'aruŋ na, taŋ i ziri ɗuwoy. Efrayim ati Manase a sa ndiram da ya, kaɓa ti Ruben ati Simeyoŋ na ya.

ZLI VIRZI 48:6

Amma ziri ka masa ya taŋ a dirba taŋ na, a sa ndiram da ka, yo a sa lumam gwat ngi zuma haya tisi sukum taŋ madiɗahay.

ƁI NGI HINEY MUCUW NAŊ 30:1

Ezekiyas a zilo Israyeley ati Zudahaya gar, hã a tuh letir da mizli Efrayimey ati Manasehey, ɓa a soko ng'ar hay ngi Bumbulvuŋ a Zeruzalem, ɓa a gam muguzlum Pak ngi Bumbulvuŋ Buymisemuŋ ngi Israyeleye.

SLUFA VU 26:28

Dideˀ ngi Zozefe, miyaka taŋ i Manase ati Efrayim.

ZOZUWE 16:4

Manase ati Efrayime, i ziri ngi Zozefey. Hirwuy muvulaka taŋ mi nga taŋ, naŋ kahana.