ZOZUWE 14:3 - Bible en langue guiziga

³ Asi sukwihey mucuw ti reta na, Moyis a vula taŋ hirwuyo le zleˀe a dubazaw Zurdeŋ si. Amma leviheye, Moyis a vula taŋ hirwuy a wuzla sukum taŋ mekelemeye ta.

ZOZUWE 14:3 Iomraidhean Croise

EZEKIYEL 45:1

«Ti kum masa wuɗkaka hirwuyo na, kisa wam vu ti li weˀ da Bumbulvuŋ. A sa ndir i li mipal, misla avu hirwuy. Jek naŋ: kilometir kuruˀ nga cuw ti reta, yo sliprik naŋ: kilometir zlum. Li nah a sa ndir asi ruwuy naŋ, ko a maka gar na, i li mipal.

ZOZUWE 12:6

Moyis, gawla ngi Bumbulvuŋ ati Israyeleye, a kiɗaka taŋ. Joˀ Moyis gawla ngi Bumbulvuŋ a vula hirwuy tayna gar da mizli Rubeney, da Gatay waɗ da reta ngi sukwi ngi Manase.

ZOZUWE 13:14

Na so na, hirwuy Moyis muwuɗuka da Israyeley na, mulum ta, sey i sukwi ngi Levi pal naŋ. Asi Bumbulvuŋ a ɓa taŋ di le: Mikulihey magaka taŋ da Bumbulvuŋ, Buymisemuŋ ngi Israyel na, levihey a sa lumam mi nga taŋ angaŋ.

ZOZUWE 13:16

Taŋ a lumam nga taŋ i hirwuy muzlo zle a Aroˀer misi a mi mizaw Arnoŋ ati walahay misi a hur sozo ngi walahay nah vuna, waɗ li miɗingir migweˀ avu Madeba na gar ma.

ZOZUWE 13:17

Yo ma na, hirwuy Heseboŋ jom ati walahay naŋhay ngir miɗingirey na cek cek, kaɓa ani: walahay Diboŋ, Bamot-Baˀal, Bet-Baˀal-Meyoŋ,

ZOZUWE 13:8

Sukwi ngi Ruben ati ngi Gat waɗ reta ngi sukwi ngi Manase mudumbuŋ na, a lumam nga taŋ le avu Moyis muvula taŋ di a dubazaw Zurdeŋ, tisi pas ngi miprik. A lumaka kaɓa Moyis, gawla ngi Bumbulvuŋ muvula taŋ di.